ଦିଲ୍ଲୀରେ ଗୋଟିଏ ଦିନରେ ସର୍ବାଧିକ ବର୍ଷା...ଭାଙ୍ଗିଲା ୧୦୧ ବର୍ଷର ରେକର୍ଡ

ନୂଆଦିଲ୍ଲୀ: ଦିଲ୍ଲୀରେ ଭୀଷଣ ଥଣ୍ଡା ଭିତରେ ଲଗାତାର ବର୍ଷା ରେକର୍ଡ ଭାଙ୍ଗିବାରେ ଲାଗିଛି । ଦିଲ୍ଲୀରେ ଡିସେମ୍ୱରେ ପ୍ରଥମ ଥର ପାଇଁ ଏତେ ପରିମାଣର ବର୍ଷା ରେକର୍ଡ ହୋଇଛି । ପାଣିପାଗ ବିଭାଗ ଅନୁସାରେ ୧୦୧ ବର୍ଷରେ ପ୍ରଥମ ଥର ପାଇଁ ଦିଲ୍ଲୀରେ ଡିସେମ୍ୱରରେ ଗୋଟିଏ ଦିନରେ ଏତେ ପରିମାଣର ବର୍ଷା ହୋଇଛି । ଦିଲ୍ଲୀରେ ଶନିବାର ସକାଳ ସୁଦ୍ଧା ଗତ ୨୪ ଘଣ୍ଟାରେ ୪୧.୨ ମିଲିମିଟର ବର୍ଷା ରେକର୍ଡ ହୋଇଛି । ଭାରତୀୟ ପାଣିପାଗ ବିଭାଗ (ଆଇଏମଡି) ଅନୁସାରେ ରାଜଧାନୀ ଦିଲ୍ଲୀରେ ୧୯୨୩ ଡିସେମ୍ୱର ୩ରେ ଗୋଟିଏ ଦିନରେ ସର୍ବାଧିକ ୭୫.୭ ମିଲିମିଟର ବର୍ଷା ରେକର୍ଡ ହୋଇଥିଲା ।

ଦିଲ୍ଲୀରେ ଡିସେମ୍ୱରର ପ୍ରଥମ ବର୍ଷା ଗୁରୁବାର ରାତି ପ୍ରାୟ ୨.୩୦ ମିନିଟରୁ ଆରମ୍ଭ ହୋଇଥିଲା ଏବଂ ସାରା ଦିନ ଜାରି ରହିଥିଲା । ପାଣିପାଗ ବିଭାଗର ୱେବସାଇଟରେ ଉପଲବ୍ଧ ତଥ୍ୟା ଅନୁସାରେ ୨୦୨୪ ଚଳିତ ମାସରେ ମୋଟ ୪୨.୮ ମିଲିମିଟର ବର୍ଷା ହୋଇଛି । ଯାହା ଗତ ୧୫ ବର୍ଷରେ ଡିସେମ୍ୱରେ ସବୁଠୁ ଅଧିକ ବର୍ଷା ।   

pic.twitter.com/bFCZ6tk3xd— RWFC New Delhi (@RWFC_ND) December 28, 2024

ଏହାରି ଭିତରେ ପ୍ରବଳ ବର୍ଷା ଏବଂ ପବନ ଯୋଗୁଁ ରାଷ୍ଟ୍ରୀୟ ରାଜଧାନୀର ବିଭିନ୍ନ ଅଞ୍ଚଳରେ ଗଛ ଉପୁଡ଼ି ପଡ଼ିଛି । ବର୍ଷା ଏବଂ କୋହଲା ପାଗ ଯୋଗୁଁ ତାପାମାତ୍ରା ମଧ୍ୟ ହ୍ରାସ ପାଇବାରେ ଲାଗିଛି । ପାଣିପାଗ ବିଭାଗର ଅଧିକାରୀଙ୍କ ସୂଚନା ଅନୁସାରେ ସକ୍ରିୟ ପଶ୍ଚିମା ଝଡ଼ ଏବଂ ପୂର୍ବ ବାୟୁ ପ୍ରବାହ ସହ ଏହାର ସମ୍ପର୍କ ଯୋଗୁଁ ଦିଲ୍ଲୀ ଏବଂ ଏନ୍‌ସିଆର ଅଞ୍ଚଳ ସମେତ ଉତ୍ତର-ପଶ୍ଚିମ ଏବଂ ମଧ୍ୟ ଭାରତରେ ହାଲୁକାରୁ ମଧ୍ୟମ ଧରଣ ବର୍ଷା ହୋଇପାରେ । ତେବେ ଦିଲ୍ଲୀ ଏବଂ ଏନସିଆରରେ କିଛି କିଛି ସ୍ଥାନରେ ପ୍ରବଳ ବର୍ଷା ନେଇ ମଧ୍ୟ ପୂର୍ବାନୁମାନ କରାଯାଇଛି ।