ନନ୍ଦନକାନନ ପ୍ରାଣୀ ଉଦ୍ୟାନରେ ସ୍ବତନ୍ତ୍ର ମାଙ୍କଡ଼ ଖୁଆଡ, ଦେଖିବାକୁ ମିଳିବ ବିଭିନ୍ନ ପ୍ରଜାତିର ମାଙ୍କଡ

‘ବାନରଙ୍କ ଦୁନିଆ’ । ନନ୍ଦନକାନନ ପ୍ରାଣୀ ଉଦ୍ୟାନରେ ଉଦଘାଟିତ ହୋଇଛି ସ୍ବତନ୍ତ୍ର ମାଙ୍କଡ଼ ଖୁଆଡ ‘ବାନରଙ୍କ ଦୁନିଆ’ । ଗୋଟିଏ ସ୍ଥାନରେ ବିଶ୍ବର ବିଭିନ୍ନ ପ୍ରଜାତିର ମାଙ୍କଡ ଦେଖିବାକୁ ମିଳିବ । ଓଡ଼ିଶାବାସୀଙ୍କ ପାଇଁ ଏଭଳି ନିଆରା ପଦକ୍ଷେପ ନେଇଛି ନନ୍ଦନକାନନ ପ୍ରାଣୀ ଉଦ୍ୟାନ । ୧୩୬୬୫.୨ ବର୍ଗଫୁଟ୍ ଅଞ୍ଚଳରେ ଏହି ଖୁଆଡ଼ ନିର୍ମାଣ ହୋଇଛି ।

ଏଥିପାଇଁ ଖର୍ଚ୍ଚ ହୋଇଛି ୧ କୋଟି ୭୫ ଲକ୍ଷ ଟଙ୍କା  । ‘ବାନରଙ୍କ ଦୁନିଆ’ରେ ବିଭିନ୍ନ ଦେଶର ୭ଟି ପ୍ରଜାତିର ମାଙ୍କଡ଼ ରହିବେ । ସେଥି ମଧ୍ୟରେ ଅଛନ୍ତି କଲମ୍ବିଆର ତୁଳା ମୁଣ୍ଡିଆ ଟାମାରିନ୍, ଦକ୍ଷିଣ ଆମେରିକାର ସୁନେଲି ହାତ ଟାମାରିନ୍,କଳାକାନ୍ ମାର୍ମୋସେଟ୍, ଗୁଣ୍ଡୁଚି ମାଙ୍କଡ ଓ ଟଫ୍ରେଡ୍ କାସୁଚିନ୍ ।

ସେହିପରି ମଳୟ ଉପଦ୍ବୀପ ଓ ସୁମାତ୍ରାର ସିଆମାଙ୍ଗ୍, ବ୍ରାଜିଲ୍ ଓ କଲମ୍ବିଆର ଜିଓଫ୍ରେ ମାର୍ମୋସେଟ୍ । ଏହି ମାଙ୍କଡଙ୍କ ପାଇଁ ୧୮ଟି ଫିଡିଙ୍ଗ୍ ଚାମ୍ବର ଓ ୧୦ଟି ବ୍ୟାକ୍ କ୍ରୋଲ କରାଯାଇଛି । ପର୍ଯ୍ୟଟକମାନେ ଖୁଆଡ ବୁଲି ଦେଖିିବା ପାଇଁ ସମସ୍ତ ରାସ୍ତାକୁ କଂକ୍ରିଟ୍ କରିବା ସହ ଖୁଆଡ଼ ସମ୍ମୁଖରେ କାଚ ଲଗାଯାଇଛି । ଏହାସହ କୃତ୍ରିମ ଝରଣା ଦେଖି ପାରିବେ ପର୍ଯ୍ୟଟକ।

The post ନନ୍ଦନକାନନ ପ୍ରାଣୀ ଉଦ୍ୟାନରେ ସ୍ବତନ୍ତ୍ର ମାଙ୍କଡ଼ ଖୁଆଡ, ଦେଖିବାକୁ ମିଳିବ ବିଭିନ୍ନ ପ୍ରଜାତିର ମାଙ୍କଡ appeared first on KNews Odisha.