ନାତି ପାଇଁ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହେଲେ ଅତୁଲ ସୁଭାଷଙ୍କ ମା’, ୩ ରାଜ୍ୟ ସରକାରଙ୍କୁ ନୋଟିସ

ନୂଆଦିଲ୍ଲୀ,୨୦।୧୨: ବହୁଚର୍ଚ୍ଚିତ ଇଞ୍ଜିନିୟର ଅତୁଲ ସୁଭାଷ ମୋଦିଙ୍କ ଆତ୍ମହତ୍ୟା ମାମଲା ସୁପ୍ରିମକୋର୍ଟରେ ପହଞ୍ଚିଛି। ଅତୁଲଙ୍କ ମା’ ନିଜର ୪ ବର୍ଷର ନାତିଙ୍କ କଷ୍ଟଡି ଦାବି କରିଛନ୍ତି। ଏହାକୁ ନେଇ ଦାଖଲ ହୋଇଥିବା ଆବେଦନ ଉପରେ ସୁପ୍ରିମକୋର୍ଟ ଉତ୍ତରପ୍ରଦେଶ, ହରିୟାଣା ଏବଂ କର୍ନାଟକ ସରକାରଙ୍କୁ ନୋଟିସ ଜାରି କରିଛନ୍ତି। ମାମଲାର ପରବର୍ତ୍ତୀ ଶୁଣାଣି ଜାନୁଆରୀ ୭ରେ ହେବ।

ଅଞ୍ଜୁ ଦେବୀ ମୋଦି ଅଭିଯୋଗ କରିଛନ୍ତି ଯେ ତାଙ୍କ ନାତିଙ୍କୁ ଅତୁଲଙ୍କ ପତ୍ନୀଙ୍କ ପରିବାରଲୋକେ ବେଆଇନ ହେପାଜତରେ ରଖିଛନ୍ତି। ଏହି ପିଟିସନରେ ଶିଶୁ କେଉଁଠି ଅଛି ସେନେଇ ପ୍ରଶ୍ନ ଉଠିଛି। କାରଣ ସେ ବିଷୟରେ କେହି ଜାଣି ନ ଥିବା କୁହାଯାଇଛି। ତେବେ ବର୍ତ୍ତମାନ ସମୟରେ ଅତୁଲଙ୍କ ଆତ୍ମହତ୍ୟା ଅଭିଯୋଗରେ ପତ୍ନୀ, ତାଙ୍କ ଭାଇ ଏବଂ ମା’ ଜେଲରେ ଅଛନ୍ତି।

ଅତୁଲଙ୍କ ମା’ଙ୍କ ଆବେଦନ ଉପରେ ସୁପ୍ରିମକୋର୍ଟରେ ଜଷ୍ଟିସ ବି ଭି ନାଗରତ୍ନା ଏବଂ ଜଷ୍ଟିସ ଏନ୍‌ କୋଟିଶ୍ୱର ସିଂଙ୍କ ବେଞ୍ଚ ଶୁଣାଣି କରି ୩ ରାଜ୍ୟକୁ ନୋଟିସ ଜାରି କରିଛନ୍ତି। ଓକିଲ କୁମାର ଦୁଶ୍ୟନ୍ତ ସିଂଙ୍କ ରେକର୍ଡରେ ଏହି ଆବେଦନ କରାଯାଇଛି।

The post ନାତି ପାଇଁ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହେଲେ ଅତୁଲ ସୁଭାଷଙ୍କ ମା’, ୩ ରାଜ୍ୟ ସରକାରଙ୍କୁ ନୋଟିସ appeared first on Dharitri Odia News.