ନାବାଳିକାଙ୍କୁ କାଜୁ ଜଙ୍ଗଲରେ ଦୁଷ୍କର୍ମ ଅଭିଯୋଗ , ସମ୍ପୃକ୍ତ ଯୁବକକୁ ଗିରଫ କଲା ପୋଲିସ

ଜଳେଶ୍ବର : ବାଲେଶ୍ବର ଜିଲ୍ଲା ଜଳେଶ୍ଵରରେ ଲଜ୍ଜ୍ୟା ।  ମାନସିକ ବିକୃତ ନାବାଳିକାଙ୍କୁ କାଜୁ ଜଙ୍ଗଲରେ ଦୁଷ୍କର୍ମ ଅଭିଯୋଗ  ହୋଇଛି ।  ଘରଠାରୁ ୨୦ କିମି ଦୂରରେ ମୁର୍ମୁଷ  ଅବସ୍ଥାରେ ନାବାଳିକାଙ୍କୁ  ଉଦ୍ଧାର କଲେ ସ୍ଥାନୀୟ  ଲୋକେ ।  ନାବାଳିକା ଜଣକ ଶୌଚଯିବାକୁ କହି ଘରୁ ବାହାରି ଆସିଥିବା ବେଳେ ଆଉ ଘରକୁ ଫେରିନଥିଲା । ଏନେଇ  ପରିବାର ଲୋକେ ବହୁ ଖୋଜାଖୋଜି କରିଥିଲେ ମଧ୍ୟ ତାଙ୍କୁ ପାଇ ନଥିଲେ ।

ପରେ  ଜଳେଶ୍ବର ଥାନା ଅନ୍ତର୍ଗତ ଗୋବରଘଟା ଛକରୁ ସ୍ଥାନୀୟ ଲୋକେ ନାବାଳିକାଙ୍କୁ ଉଦ୍ଧାର କରି ପରିବାର ଲୋକଙ୍କୁ ହସ୍ତାନ୍ତର କରିଥିଲେ  । ପରେ ଝିଅକୁ ସମ୍ପର୍କୀୟମାନେ ହାତୀଗଡ ହସ୍ପିଟାଲକୁ ନେଇଥିଲେ ।  ଡାକ୍ତରୀ ମାଇନାପରେ ନାବାଳିକା ଜଣକ ଦୁଷ୍କର୍ମର ଶିକାର ହୋଇଥିବା ଜାଣିବାକୁ ପାଇଥିଲେ ।  ଏନେଇ ସମ୍ପର୍କୀୟମାନେ ରାଇବଣିଆ ଥାନାରେ ଲିଖିତ ଅଭିଯୋଗ କରିଥିଲେ । ରାଇବଣିଆ ଥାନା  ପୋଲିସ ଏହି ଘଟଣାର ତଦନ୍ତ କରି ରାଇବଣିଆ ଅଞ୍ଚଳର ସଂଜୀବ କୁମାର ଘୋଷ ନାମକ ଯୁବକକୁ ଭଦୁଆ କାଜୁ ଜଙ୍ଗଲରୁ ଗିରଫ କରିଛି  ।

Also read :ପୁଣି ଥରେ ନାବାଳିକା ଛାତ୍ରୀକୁ ଦୁଷ୍କର୍ମ ଅଭିଯୋଗ, ଲମତାପୁଟର ଏକ ଆବାସିକ ବିଦ୍ୟାଳୟରେ ଅଘଟଣ

The post ନାବାଳିକାଙ୍କୁ କାଜୁ ଜଙ୍ଗଲରେ ଦୁଷ୍କର୍ମ ଅଭିଯୋଗ , ସମ୍ପୃକ୍ତ ଯୁବକକୁ ଗିରଫ କଲା ପୋଲିସ appeared first on KNews Odisha.