ନିଟ୍ ୟୁଜି ସଂଶୋଧିତ ରେଜଲ୍ଟ ଜାରି, ୪.୨୦ ଲକ୍ଷ ପିଲାଙ୍କ କମିଲା ମାର୍କ, ଟପ୍ପର୍ସଙ୍କ ସଂଖ୍ୟା ୬୧ରୁ କମି ହେଲା ୧୭

ନୂଆଦିଲ୍ଲୀ: ନ୍ୟାସନାଲ ଟେଷ୍ଟିଂ ଏଜେନ୍ସି (ଏନଟିଏ) ଜୁଲାଇ ୨୬, ଶୁକ୍ରବାର ନିଟ୍ ସଂଶୋଧିତ ରେଜଲ୍ଟ ୨୦୨୪ ଏବଂ ନିଟ୍ ୟୁଜି ସଂଶୋଧିତ ଫାଇନାଲ ମାର୍କ ଜାରି କରଛି । ଏହି ପରୀକ୍ଷାରେ ସାମିଲ ହୋଇଥିବା ପ୍ରାର୍ଥୀ ଅଫିସିଆଲ୍ ୱେବସାଇଟ୍ neet.ntaonline.inରେ ନିଟ୍ ସଂଶୋଧିତ ସ୍କୋରକାର୍ଡ ୨୦୨୪ ଏବଂ ଏନଟିଏର ଅଫିସିଆଲ୍ ୱେବସାଇଟ୍ nta.ac.inରୁ ନିଟ୍ ୟୁଜି ୨୦୨୪ର ଫାଇନାଲ ମାର୍କ ଡାଉନଲୋଡ୍ କରିପାରିବେ ।

ଉଲ୍ଲେଖଯୋଗ୍ୟ ଯେ ନିଟ୍ ୨୦୨୪ ସଂଶୋଧିତ ସ୍କୋରକାର୍ଡ ଡାଉନଲୋଡ୍ କରିବା ପାଇଁ ବିଦ୍ୟାର୍ଥୀଙ୍କୁ ନିଜର ଲଗଇନ୍ କ୍ରିଡେନସିଆଲ୍ ଯେପରି କି ଆବେଦନ ସଂଖ୍ୟା ଏବଂ ପାସୱାର୍ଡର ଆବଶ୍ୟକତା ରହିଥାଏ । ଅନ୍ୟପଟେ ଫାଇନାଲ୍ ଆନସର-କି ଦେଖିବା ପାଇଁ ଲଗ୍‌ଇନ୍‌ ଆବଶ୍ୟକତା ପଡିବ ନାହିଁ ।

ଉଲ୍ଲେଖଯୋଗ୍ୟ ଯେ ସୁପ୍ରିମକୋର୍ଟ ଏନଟିଏକୁ ଆଇଆଇଟି ଦିଲ୍ଲୀ ଏକ୍ସପର୍ଟ ପ୍ୟାନେଲ ଅନୁସାରେ ବିବାଦୀୟ ଫିଜିକ୍ସ ପେପରରେ ଅତିରିକ୍ତ ୫ ମାର୍କ ଉପରେ ବିଚାର କରି ଦ୍ୱିତୀୟ ଥର ସଂଶୋଧିକ ରେଜଲ୍ଟ ଜାରି କରିବା ପାଇଁ କହିଥିଲେ । ପ୍ରଶ୍ନ ନମ୍ୱର ୧୯ର ଦୁଇ ଉତ୍ତର ପରିବର୍ତ୍ତେ ଗୋଟିଏ ଉତ୍ତର ସମ୍ପର୍କରେ ସୁପ୍ରିମକୋର୍ଟଙ୍କ ରୟା ପରେ ପ୍ରାୟ ୪.୨୦ ଲକ୍ଷ ପ୍ରାର୍ଥୀଙ୍କ ୫-୫ ମାର୍କ କମ୍ ହୋଇଛି । ଏଥିରେ ଲକ୍ଷାଧିକ ଛାତ୍ରଙ୍କ ରାଙ୍କିଂରେ ପରିବର୍ତ୍ତନ ହୋଇଛି । ଟପ୍ପର୍ସଙ୍କ ସଂଖ୍ୟା ୬୧ରୁ କମ ହୋଇ ୧୭ ହୋଇଛି ।