ପରମାଣୁ ହତିଆର ପ୍ରସ୍ତୁତ ରଖିବା ପାଇଁ ସଦସ୍ୟ ରାଷ୍ଟ୍ରଙ୍କ ଆଲୋଚନା କରୁଛୁ: ନାଟୋ ମୁଖ୍ୟ

ନୂଆଦିଲ୍ଲୀ: ରୁଷ ଏବଂ ୟୁକ୍ରେନ ଯୁଦ୍ଧ ଅନ୍ତ କେଉଁଠି ତାହା ଏବେ ବି ଅସ୍ପଷ୍ଟ ରହିଛି । ଏହାରି ଭିତରେ ରୁଷ ଏବଂ ଚୀନ ସମ୍ପର୍କ ନାଟୋର ଚିନ୍ତା ବଢାଇଛି । ଯେଉଁଥି ପାଇଁ ନାଟୋ ଏକ ବଡ଼ ପଦକ୍ଷେପ ଉପରେ ବିଚାର କରୁଛି । ନାଟୋ ଏବେ ଅଧିକ ପରିମାଣୁ ହତିଆରକୁ ଯେକୌଣସି ସ୍ଥିତିର ସାମନା ପାଇଁ ମୁତୟନ ରଖିବା ପାଇଁ ଯୋଜନା କରୁଛି ।

ନାଟୋ ମୁଖ୍ୟ ଜେନ୍ସ ଷ୍ଟୋଲଟେନବର୍ଗ ସୋମବାର କହିଛନ୍ତି ଯେ ସଦସ୍ୟ ଦେଶଗୁଡ଼ିକ ସହ ପରମାଣୁ ଅସ୍ତ୍ରାଗାରରେ ପାରଦର୍ଶିତା ଆଣିବା ଉପରେ ଲଗାତାର ଆଲୋଚନା କରୁଛନ୍ତି । ସେ କହିଛନ୍ତି, 'କେତେ ପରିମାଣର ପରମାଣୁ ମୁୟତନ ହେବା ଦରକାର ଏବଂ କେତେ ପରିମାଣ ଗଚ୍ଛିତ ରଖାଯିବ ତାହା ଉପରେ ବିସ୍ତୃତରେ ଯିବି ନାହିଁ । କିନ୍ତୁ ଆମକୁ ଏହି ପ୍ରସଙ୍ଗରେ ଆଲୋଚନା କରିବା ଅଛି ।'

ସେ କହିଛନ୍ତି ଯେ ଏହି ପାରଦର୍ଶିତା ଆମେ ଏକ ପରମାଣୁ ସଂଗଠନ ବୋଲି ଏକ ବୃହତ ସନ୍ଦେଶ ଦେବାରେ ସହାୟକ ହେବ । ଏହାସହ ସେ ସ୍ପଷ୍ଟ କରିଛନ୍ତି ଯେ ନାଟୋର ଉଦ୍ଦେଶ୍ୟ ନିଶ୍ଚିତ ରୂପେ ଏକ ପରମାଣୁ ରହିତ ଦୁନିଆ । କିନ୍ତୁ ଯେପର୍ଯ୍ୟନ୍ତ ପରମାଣୁ ହତିଆର ଅଛି, ଆମେ ଏକ ପରମାଣୁ ସଂଗଠନ ହୋଇ ରହିବୁ । କାରଣ ଏକ ଏପରି ବିଶ୍ୱ, ଯେଉଁଠି ରୁଷ, ଚୀନ ଏବଂ ଉତ୍ତର କୋରିଆ ପାଖରେ ପରମାଣୁ ରହିବ ଏବଂ ନାଟୋ ପାଖରେ ନଥିବ, ତାହା ଅଧିକ ବିପଦଜନକ ହେବ ।