ପରିବାର ସହ ସମ୍ପର୍କ ଭାଙ୍ଗିଲେ ଗାୟକ ଅମାଲ ମଲିକ, ପୋଷ୍ଟ ସେୟାର କରି କହିଲେ ଡିପ୍ରେସନର କାରଣ...
ମୁମ୍ଵାଇ ୨୧।୦୩; ବଲିଉଡ୍ କଣ୍ଠଶିଳ୍ପୀ ଅମାଲ ମଲିକ୍ । ସେ ଏବେ ନିଜ ପରିବାର ସହ ସଂପର୍କ ଛିନ୍ନ କରିଛନ୍ତି । ଏନେଇ ନିଜେ ଇନଷ୍ଟାଗ୍ରାମରେ ଏହା ଘୋଷଣା କରିଛନ୍ତି। ଏହି ଖବର ଜାଣିବା ପରେ ପ୍ରଶଂସକମାନେ ଆଶ୍ଚର୍ଯ୍ୟ ହୋଇ ଯାଇଛନ୍ତି। ତାଙ୍କ ପରିବାରର ଆଚରଣ ଯୋଗୁଁ ସେ କ୍ଲିନିକାଲ୍ ଡିପ୍ରେସନ୍ ଦେଇ ଗତି କରୁଛନ୍ତି । ଏବେ ତାଙ୍କ ପରିବାର ସହିତ କେବଳ ବୃତ୍ତିଗତ ସଂପର୍କ ରହିବ ବୋଲି ଅମାଲ କହିଛନ୍ତି।ଅମାଲ ମଲିକ ଇନଷ୍ଟାଗ୍ରାମରେ ସେୟାର କରିଛନ୍ତି, 'ମୁଁ ଏପରି ଏକ ସ୍ଥାନରେ ପହଞ୍ଚିଛି ଯେଉଁଠାରେ ମୁଁ ଭୋଗିଥିବା ଯନ୍ତ୍ରଣା ବିଷୟରେ ଆଉ ଚୁପ୍ ରହିପାରିବି ନାହିଁ । ବର୍ଷ ବର୍ଷ ଧରି ମୋତେ ନିକୃଷ୍ଟ ଅନୁଭବ କରାଯାଉଥିଲା । ଯଦିଓ ମୁଁ ମୋ ପ୍ରିୟଜନଙ୍କ ପାଇଁ ଏକ ସୁରକ୍ଷିତ ଜୀବନ ଲାଗି ଦିନରାତି କଠିନ ପରିଶ୍ରମ କରୁଛି। ମୋର ସମସ୍ତ ସ୍ୱପ୍ନ ଭାଙ୍ଗି ଯାଇଛି ଏବଂ ଲୋକମାନେ ମୋ ବିଷୟରେ ନକାରାତ୍ମକ କଥା କହୁଛନ୍ତି । ମୁଁ ଏପର୍ଯ୍ୟନ୍ତ କ’ଣ କରିଛି ତାହା ଉପରେ ପ୍ରଶ୍ନ ଉଠାଉଛନ୍ତି । ଗତ ଦଶନ୍ଧୀ ମଧ୍ୟରେ ମୁଁ ମୋର ରକ୍ତ, ଝାଳ ଏବଂ ଲୁହ ବୁହାଇ ୧୨୬ଟି ଗୀତର ସ୍ୱର ସୃଷ୍ଟି କରିଛି । ମୁଁ XYZ ର ଭଣଜା କିମ୍ବା ପୁଅ ବୋଲି କୁହାଯିବାର କାହାଣୀକୁ ବଦଳାଇ ଦେଇଛି ।ମୋ ଶାନ୍ତି ଛଡାଇ ନିଆଯାଇଛି ସେ ଆହୁରି ଲେଖିଛନ୍ତି, ‘ ଆଜି ମୁଁ ଏପରି ଏକ ସ୍ଥାନରେ ଠିଆ ହୋଇଛି ଯେଉଁଠାରେ ମୋର ଶାନ୍ତି ଛଡ଼ାଇ ନିଆଯାଇଛି । ମୁଁ ଥକି ଗଲିଣି ଏବଂ ହୁଏତ
ମୁମ୍ଵାଇ ୨୧।୦୩; ବଲିଉଡ୍ କଣ୍ଠଶିଳ୍ପୀ ଅମାଲ ମଲିକ୍ । ସେ ଏବେ ନିଜ ପରିବାର ସହ ସଂପର୍କ ଛିନ୍ନ କରିଛନ୍ତି । ଏନେଇ ନିଜେ ଇନଷ୍ଟାଗ୍ରାମରେ ଏହା ଘୋଷଣା କରିଛନ୍ତି। ଏହି ଖବର ଜାଣିବା ପରେ ପ୍ରଶଂସକମାନେ ଆଶ୍ଚର୍ଯ୍ୟ ହୋଇ ଯାଇଛନ୍ତି। ତାଙ୍କ ପରିବାରର ଆଚରଣ ଯୋଗୁଁ ସେ କ୍ଲିନିକାଲ୍ ଡିପ୍ରେସନ୍ ଦେଇ ଗତି କରୁଛନ୍ତି । ଏବେ ତାଙ୍କ ପରିବାର ସହିତ କେବଳ ବୃତ୍ତିଗତ ସଂପର୍କ ରହିବ ବୋଲି ଅମାଲ କହିଛନ୍ତି।
ଅମାଲ ମଲିକ ଇନଷ୍ଟାଗ୍ରାମରେ ସେୟାର କରିଛନ୍ତି, 'ମୁଁ ଏପରି ଏକ ସ୍ଥାନରେ ପହଞ୍ଚିଛି ଯେଉଁଠାରେ ମୁଁ ଭୋଗିଥିବା ଯନ୍ତ୍ରଣା ବିଷୟରେ ଆଉ ଚୁପ୍ ରହିପାରିବି ନାହିଁ । ବର୍ଷ ବର୍ଷ ଧରି ମୋତେ ନିକୃଷ୍ଟ ଅନୁଭବ କରାଯାଉଥିଲା । ଯଦିଓ ମୁଁ ମୋ ପ୍ରିୟଜନଙ୍କ ପାଇଁ ଏକ ସୁରକ୍ଷିତ ଜୀବନ ଲାଗି ଦିନରାତି କଠିନ ପରିଶ୍ରମ କରୁଛି। ମୋର ସମସ୍ତ ସ୍ୱପ୍ନ ଭାଙ୍ଗି ଯାଇଛି ଏବଂ ଲୋକମାନେ ମୋ ବିଷୟରେ ନକାରାତ୍ମକ କଥା କହୁଛନ୍ତି । ମୁଁ ଏପର୍ଯ୍ୟନ୍ତ କ’ଣ କରିଛି ତାହା ଉପରେ ପ୍ରଶ୍ନ ଉଠାଉଛନ୍ତି । ଗତ ଦଶନ୍ଧୀ ମଧ୍ୟରେ ମୁଁ ମୋର ରକ୍ତ, ଝାଳ ଏବଂ ଲୁହ ବୁହାଇ ୧୨୬ଟି ଗୀତର ସ୍ୱର ସୃଷ୍ଟି କରିଛି । ମୁଁ XYZ ର ଭଣଜା କିମ୍ବା ପୁଅ ବୋଲି କୁହାଯିବାର କାହାଣୀକୁ ବଦଳାଇ ଦେଇଛି ।
ମୋ ଶାନ୍ତି ଛଡାଇ ନିଆଯାଇଛି
ସେ ଆହୁରି ଲେଖିଛନ୍ତି, ‘ ଆଜି ମୁଁ ଏପରି ଏକ ସ୍ଥାନରେ ଠିଆ ହୋଇଛି ଯେଉଁଠାରେ ମୋର ଶାନ୍ତି ଛଡ଼ାଇ ନିଆଯାଇଛି । ମୁଁ ଥକି ଗଲିଣି ଏବଂ ହୁଏତ ଆର୍ଥିକ ଦୁଃସ୍ଥିତିରେ ରହିଛି । କିନ୍ତୁ ଏଥିପ୍ରତି ମୋର ଚିନ୍ତା ନାହିଁ । ମୋ ପାଇଁ ଗୁରୁତ୍ୱପୂର୍ଣ୍ଣ କଥା ହେଉଛି ଏସବୁ କାରଣରୁ ମୁଁ କ୍ଲିନିକାଲ୍ ଡିପ୍ରେସନ୍ରେ ରହିଛି । ହଁ, ମୋର କାମ ପାଇଁ ମୁଁ କେବଳ ନିଜକୁ ଦାୟୀ କରିବି । କିନ୍ତୁ ମୋ ନିକଟତର ଲୋକଙ୍କ କାମ ମୋ ଆତ୍ମାକୁ କଷ୍ଟ ଦେଇଛି । ଆଜି ମୁଁ ଘୋଷଣା କରୁଛି ଯେ, ମୁଁ ମୋର ବ୍ୟକ୍ତିଗତ ସମ୍ପର୍କରୁ ଦୂରେଇ ଯାଉଛି । ଏବେ ମୋ ପରିବାର ସହିତ ମୋର ସମ୍ପର୍କ କେବଳ ବୃତ୍ତିଗତ ହେବ ।’ ଏହା କ୍ରୋଧରେ ନିଆଯାଇଥିବା ନିଷ୍ପତ୍ତି ନୁହେଁ। ବରଂ ଏହା ମୋ ଜୀବନକୁ ସଜାଡ଼ିବା ପାଇଁ ଆବଶ୍ୟକ । ମୁଁ ଚାହୁଁନାହିଁ ଯେ, ମୋର ଅତୀତ ମୋର ଭବିଷ୍ୟତକୁ ନଷ୍ଟ କରୁ । ମୁଁ ସଚ୍ଚୋଟତା ଏବଂ ଶକ୍ତି ସହିତ ମୋ ଜୀବନକୁ ପୁନଃନିର୍ମାଣ କରିବାକୁ ଚାହୁଁଛି ବୋଲି ଲେଖିଛନ୍ତି ଅମାଲ ।
