ପାକିସ୍ତାନରେ ଆତଙ୍କ ଖେଳାଇବା ପରେ ଏବେ ବାଂଲାଦେଶକୁ ପାଦ ବଢାଇଲା TTP, ଭାରତ ପାଇଁ ମଧ୍ୟ ଟେନସନ
ଢାକା : ପାକିସ୍ତାନରେ ତେହରିକ୍-ଏ-ତାଲିବାନ ବା ଟିଟିପି ଅନେକ ଦିନରୁ ଆତଙ୍କ ଖେଳାଉଛି। ଅନେକ ଆତଙ୍କୀ ଘଟଣା ମଧ୍ୟରେ ତେହରିକ୍-ଏ-ତାଲିବାନର ନାଁ ସାମ୍ନାକୁ ଆସି ସାରିଛି। ଏବେ ପାକିସ୍ତାନ ପରେ ଏଠାର ଆତଙ୍କୀ ସଙ୍ଗଠନ ବାଂଲାଦେଶରେ ନିଜର ଉପସ୍ଥିତିକୁ ବଢାଉଛି, ଯେଉଁଥି ପାଇଁ ଭାରତ ସାମ୍ନାରେ ମଧ୍ୟ ନୂଆ ଟେନସନ ମୁଣ୍ଡ ଟେକିଛି। ପ୍ରକୃତ କଥା ହେଲା, ଟିଟିପି ବାଂଲାଦେଶରେ ଆତଙ୍କୀ ପ୍ରସାର ପାଇଁ ନୂଆ ଯୋଦ୍ଧାଙ୍କ ଭର୍ତ୍ତିରେ ଲାଗି ପଡ଼ିଛି। ପାକିସ୍ତାନ ସହ ଭାରତ ବାଂଲାଦେଶ ସହ ମଧ୍ୟ ନିଜର ସୀମା ସେୟାର କରିଥାଏ ଏବଂ ଯଦି ଦୁଇ ପଡୋଶୀ ଦେଶରେ ଟିଟିପି ଭବିଷ୍ୟତରେ ଆତଙ୍କୀ ଘଟଣା ଗୁଡ଼ିକୁ ଘଟାଇ ଥାଏ ତ ଏହାର ପ୍ରଭାବ ଭାରତ ଉପରେ ମଧ୍ୟ ପଡ଼ିପାରେ। ଭାରତର ସୁରକ୍ଷା ପାଇଁ ମଧ୍ୟ ଟିଟିପି ବିପଦ ହୋଇପାରେ। ଇଣ୍ଡିଆ ଟୁଡେର ରିପୋର୍ଟ ମୁତାବିକ , ନିକଟରେ ଦୁଇ ଜଣ ଟିଟିପିର ନିଯୁକ୍ତିଦାତା ବାଂଲାଦେଶରୁ ପାକିସ୍ତାନ ଦେଇ ଆଫଗାନିସ୍ତାନ ଯିବାର ପ୍ରମାଣ ମିଳିଛି। ଏଥିରୁ ଜଣଙ୍କୁ ଅପ୍ରେଲ ମାସରେ ପାକିସ୍ତାନୀ ସେନା ଏନକାଉଣ୍ଟର ମଧ୍ୟ କରି ଦେଇଛି। ଗତ ମାସରେ ଜୁନରେ ମାଲେସିଆ ମଧ୍ୟ ୩୬ ବାଂଲାଦେଶୀ ନାଗରିକଙ୍କୁ ଅତଙ୍କୀଙ୍କ ସହ ସଂପର୍କ ରଖିବା ଅଭିଯୋଗରେ ଗିରଫ କରାଯାଇ ଥିଲା। ଏହାପରେ ବାଂଲାଦେଶରେ ଟିଟିପିର ପାଦ ପ୍ରସାରିତ କରିବାର ଅଟକଳ ଖୁବ୍ ଜୋରରେ ହେବାକୁ ଲାଗିଛି। ମୂଳତଃ ଟିଟିପି ପାକିସ୍ତାନ-ଅଫଗାନିସ୍ତାନର ସୀମାରୁ ଅପରେଟ୍ କ
ଢାକା : ପାକିସ୍ତାନରେ ତେହରିକ୍-ଏ-ତାଲିବାନ ବା ଟିଟିପି ଅନେକ ଦିନରୁ ଆତଙ୍କ ଖେଳାଉଛି। ଅନେକ ଆତଙ୍କୀ ଘଟଣା ମଧ୍ୟରେ ତେହରିକ୍-ଏ-ତାଲିବାନର ନାଁ ସାମ୍ନାକୁ ଆସି ସାରିଛି। ଏବେ ପାକିସ୍ତାନ ପରେ ଏଠାର ଆତଙ୍କୀ ସଙ୍ଗଠନ ବାଂଲାଦେଶରେ ନିଜର ଉପସ୍ଥିତିକୁ ବଢାଉଛି, ଯେଉଁଥି ପାଇଁ ଭାରତ ସାମ୍ନାରେ ମଧ୍ୟ ନୂଆ ଟେନସନ ମୁଣ୍ଡ ଟେକିଛି। ପ୍ରକୃତ କଥା ହେଲା, ଟିଟିପି ବାଂଲାଦେଶରେ ଆତଙ୍କୀ ପ୍ରସାର ପାଇଁ ନୂଆ ଯୋଦ୍ଧାଙ୍କ ଭର୍ତ୍ତିରେ ଲାଗି ପଡ଼ିଛି। ପାକିସ୍ତାନ ସହ ଭାରତ ବାଂଲାଦେଶ ସହ ମଧ୍ୟ ନିଜର ସୀମା ସେୟାର କରିଥାଏ ଏବଂ ଯଦି ଦୁଇ ପଡୋଶୀ ଦେଶରେ ଟିଟିପି ଭବିଷ୍ୟତରେ ଆତଙ୍କୀ ଘଟଣା ଗୁଡ଼ିକୁ ଘଟାଇ ଥାଏ ତ ଏହାର ପ୍ରଭାବ ଭାରତ ଉପରେ ମଧ୍ୟ ପଡ଼ିପାରେ। ଭାରତର ସୁରକ୍ଷା ପାଇଁ ମଧ୍ୟ ଟିଟିପି ବିପଦ ହୋଇପାରେ।
ଇଣ୍ଡିଆ ଟୁଡେର ରିପୋର୍ଟ ମୁତାବିକ , ନିକଟରେ ଦୁଇ ଜଣ ଟିଟିପିର ନିଯୁକ୍ତିଦାତା ବାଂଲାଦେଶରୁ ପାକିସ୍ତାନ ଦେଇ ଆଫଗାନିସ୍ତାନ ଯିବାର ପ୍ରମାଣ ମିଳିଛି। ଏଥିରୁ ଜଣଙ୍କୁ ଅପ୍ରେଲ ମାସରେ ପାକିସ୍ତାନୀ ସେନା ଏନକାଉଣ୍ଟର ମଧ୍ୟ କରି ଦେଇଛି। ଗତ ମାସରେ ଜୁନରେ ମାଲେସିଆ ମଧ୍ୟ ୩୬ ବାଂଲାଦେଶୀ ନାଗରିକଙ୍କୁ ଅତଙ୍କୀଙ୍କ ସହ ସଂପର୍କ ରଖିବା ଅଭିଯୋଗରେ ଗିରଫ କରାଯାଇ ଥିଲା। ଏହାପରେ ବାଂଲାଦେଶରେ ଟିଟିପିର ପାଦ ପ୍ରସାରିତ କରିବାର ଅଟକଳ ଖୁବ୍ ଜୋରରେ ହେବାକୁ ଲାଗିଛି। ମୂଳତଃ ଟିଟିପି ପାକିସ୍ତାନ-ଅଫଗାନିସ୍ତାନର ସୀମାରୁ ଅପରେଟ୍ କରିଥାଏ ଏବଂ ସେଠାରୁ ପାକିସ୍ତାନରେ ବିସ୍ଫୋରଣ ଘଟାଇ ଥାଏ। ଏବେ ବାଂଲାଦେଶରେ ମଧ୍ୟ ପାଦ ପ୍ରସାରିତ କରିବାର ଚେଷ୍ଟାରେ ଲାଗିଛି।
ଗତ ବର୍ଷ ଅଗଷ୍ଟ ମାସରେ ଶେଖ୍ ହସିନାଙ୍କ କ୍ଷମତାରୁ ବାହାରିବା ପରେ ବାଂଲାଦେଶରେ ଉଗ୍ରବାଦ ବଢିଛି। ଜୁଲାଇରେ ବାଂଲାଦେଶର ଆଣ୍ଟି ଟେରିରିଜିମ୍ ୟୁନିଟ୍ ଦୁଇ ଜଣ ଲୋକ ଯାହାଙ୍କ ନାଁ ଶମିମ ମହଫୁଜ ଓ ମହମ୍ମଦ ଫୋଜଲଙ୍କୁ ଗିରଫ କରିଛି , ଯାହାଙ୍କ ଉପରେ ଅଭିଯୋଗ ଯେ, ଦୁହିଁଙ୍କ ସଂପର୍କ ଟିଟିପି ସହ ଥିଲା। ବାଂଲାଦେଶୀ ଖବରକାଗଜ ଦ ଡେଲି ଷ୍ଟାର ଅନୁସାରେ ,ବାଂଲାଦେଶୀ ଅଧିକାରୀ ଗୁଇନ୍ଦା ସୂଚନା ଅନୁସାରେ , ଚଲାଯାଉ ଥିବା ଅଭିଯାନ ଅନୁସାରେ, ଏହି ବିପଦକୁ ନିୟନ୍ତ୍ରିତ କରିବା ଉପରେ ଧ୍ୟାନ କେନ୍ଦ୍ରିତ କରୁଛି। ବାଂଲାଦେଶ ପୁଲିସ ଦ୍ୱାରା ୨୦୧୭ରେ ସ୍ଥାପିତ ଏଟିୟୁ ଉନ୍ନତ ଗୁଇନ୍ଦା ରଣନୀତି ବ୍ୟବହାର କରି ଏମିତି ବିପଦକୁ ଟାର୍ଗେଟ୍ କରିଥାଏ। ବାଂଲାଦେଶୀ ଡିଜିଟାଲ ଆଉଟଲେଟ୍ ଦି ଡିସେଣ୍ଟ ଦ୍ୱାରା ମେ ମାସରେ ପ୍ରକାଶିତ ଏକ ରିପୋର୍ଟ ପରେ ଏହି ଗିରଫଦାରୀ ହୋଇଛି, ଯେଉଁଥିରେ ପ୍ରକାଶ ପାଇଛି ଯେ, ଅତି କମ୍ରେ ଆଠ ଜଣ ବାଲଂଦେଶୀ ନାଗରିକ ବର୍ତ୍ତମାନ ଆଫଗାନିସ୍ତାନରେ ଟିଟିପିର ସଦସ୍ୟ ଭାବେ ସକ୍ରିୟ ଅଛନ୍ତି।
