ପାକିସ୍ତାନରେ ବଡ଼ଧରଣର ଆତଙ୍କବାଦୀ ଆକ୍ରମଣ: ୩୮ ମୃତ

ଇସଲାମାବାଦ୍‌,୨୧।୧୧: ପାକିସ୍ତାନରେ ବଡ଼ଧରଣର ଆତଙ୍କବାଦୀ ଆକ୍ରମଣରେ ୩୮ ଜଣଙ୍କ ମୃତ୍ୟୁ ଘଟିଛି। ଏଥିରେ ୬ ଜଣ ମହିଳା ମଧ୍ୟ ଅନ୍ତର୍ଭୁକ୍ତ। ଏହି ଆକ୍ରମଣରେ ୩୦ ଜଣ ମଧ୍ୟ ଆହତ ହୋଇଛନ୍ତି। ବନ୍ଧୁକଧାରୀମାନେ ପାକିସ୍ତାନର ଉତ୍ତର-ପଶ୍ଚିମ ଅଞ୍ଚଳର ଖାଇବର ପାଖ୍ଟନଖୱାଠାରେ ଶିଆ ମୁସଲମାନମାନଙ୍କୁ ନେଇ ଯାଉଥିବା ଏକ ଯାତ୍ରୀବାହୀ ଗାଡି ଉପରେ ଆକ୍ରମଣ କରିଥିଲେ। ନିକଟ ଅତୀତରେ ଏହା ସବୁଠାରୁ ମାରାତ୍ମକ ଆକ୍ରମଣ ବୋଲି ବିବେଚନା କରାଯାଏ। ପୋଲିସ ଏହି ସୂଚନା ଦେଇଛି।

କୁରାମ ଜିଲାରେ ଖାଇବର ପାଖ୍ଟନଖୱା ପ୍ରଦେଶରେ ଏହି ଆକ୍ରମଣ ହୋଇଥିଲା। ସମ୍ପ୍ରତି ଏହି ଜିଲାରେ ଶିଆ ଏବଂ ସୁନ୍ନି ମୁସଲମାନମାନଙ୍କ ମଧ୍ୟରେ ସାମ୍ପ୍ରଦାୟିକ ଘଟଣା ବୃଦ୍ଧି ପାଇଛି। ପୋଲିସର ସୂଚନାନୁସାରେ, ଆକ୍ରମଣକାରୀମାନେ ରଚିନ୍ନାରରୁ ପେଶୱାର ଅଭିମୁଖେ ଯାଉଥିବା ଯାତ୍ରୀବାହୀ ଯାନ ଉପରେ ଗୁଳି ଚଳାଇଥିଲେ।
ପାକିସ୍ତାନରେ ଶିଆ ମୁସଲମାନମାନଙ୍କର ଜନସଂଖ୍ୟା ପ୍ରାୟ ୧୫ ପ୍ରତିଶତ ହୋଇଥିବାବେଳେ ଦେଶରେ ସୁନ୍ନି ମୁସଲମାନମାନେ ଅଧିକାଂଶ। ତଥାପି, ଉଭୟ ସମ୍ପ୍ରଦାୟ ସାଧାରଣତଃ ନିଜ ମଧ୍ୟରେ ଶାନ୍ତିରେ ବାସ କରନ୍ତି । କିନ୍ତୁ କୁରାମ ପରି କେତେକ କ୍ଷେତ୍ରରେ ଶିଆ ଏବଂ ସୁନ୍ନିମାନଙ୍କ ମଧ୍ୟରେ ଦଶନ୍ଧି ଧରି ତିକ୍ତତା ଲାଗି ରହିଥିଲା। ଚଳିତ ବର୍ଷ ଜୁଲାଇରେ କୁରାମରେ ଶିଆ ଏବଂ ସୁନ୍ନି ସମ୍ପ୍ରଦାୟ ମଧ୍ୟରେ ସଂଘର୍ଷରେ ପ୍ରାୟ ୫୦ ଜଣଙ୍କର ମୃତ୍ୟୁ ଘଟିଥିଲା।

The post ପାକିସ୍ତାନରେ ବଡ଼ଧରଣର ଆତଙ୍କବାଦୀ ଆକ୍ରମଣ: ୩୮ ମୃତ appeared first on Dharitri Odia News.