ପାଣ୍ଡ୍ୟାଙ୍କ ଗୋଟିଏ ଭୁଲ୍‌ ଯୋଗୁ ଭାରତକୁ ଭୋଗିବାକୁ ପଡ଼ିଲା ଏମିତି ଦଶା

ରାଜକୋଟ,୨୯।୧: ରାଜକୋଟରେ ଇଂଲଣ୍ଡ ବିପକ୍ଷରେ ଭାରତ ପରାଜୟର ସମ୍ମୁଖୀନ ହୋଇଛି। ଇଂଲଣ୍ଡ ଏହି ମ୍ୟାଚ ୨୬ ରନରେ ଜିତିଥିଲା। ଭାରତ ପାଇଁ ହାର୍ଦ୍ଦିକ ପାଣ୍ଡ୍ୟା ୪୦ ରନର ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ। ତଥାପି ସେ ଦଳକୁ ବିଜୟ କରିପାରି ନ ଥିଲେ। ଯଦି ପାଣ୍ଡ୍ୟା ଶେଷ ପର୍ଯ୍ୟନ୍ତ ରହିଥାନ୍ତେ, ତେବେ ଟିମ ଇଣ୍ଡିଆ ଜିତିପାରିଥାନ୍ତା। କିନ୍ତୁ ତାଙ୍କର ଗୋଟିଏ ଭୁଲ ସମଗ୍ର ଦଳ ପାଇଁ ମହଙ୍ଗା ସାବ୍ୟସ୍ତ ହେଲା। ମ୍ୟାଚ ସମୟରେ ପାଣ୍ଡ୍ୟା ଗୋଟିଏ ବି ରନ ନେଇ ନଥିଲେ।
ହାର୍ଦ୍ଦିକ ପାଣ୍ଡ୍ୟା ଭାରତ ପାଇଁ ପଞ୍ଚମ ନମ୍ବରରେ ବ୍ୟାଟିଂ କରିବାକୁ ଆସିଥିଲେ। ସେ ୩୫ଟି ବଲ ସାମ୍ନା କରି ୪୦ ରନ କରିଥିଲେ। ପାଣ୍ଡ୍ୟାଙ୍କ ଇନିଂସରେ ୨ଟି ଛକା ଏବଂ ଗୋଟିଏ ଚୌକା ସାମିଲ ଥିଲା। ୧୯ତମ ଓଭରର ପ୍ରଥମ ବଲ୍‌ରେ ପାଣ୍ଡ୍ୟା ଆଉଟ ହୋଇଥିଲେ। ଜିମି ଓଭରଟନ ତାଙ୍କୁ ପାଭିଲିୟନର ରାସ୍ତା ଦେଖାଇଥିଲେ।
ପାଣ୍ଡ୍ୟାଙ୍କ ସହିତ ଧ୍ରୁବ ଜୁରେଲ ଅନ୍ୟ ପାର୍ଶ୍ୱରେ ଥିଲେ। ଜୁରେଲ ୧୮ତମ ଓଭରର ଶେଷ ବଲ୍ରେ ଏକ ସଟ ଖେଳି ଏକ ସିଙ୍ଗଲ ନେବାକୁ ଚେଷ୍ଟା କରିଥିଲେ। କିନ୍ତୁ ହାର୍ଦ୍ଦିକ ପାଣ୍ଡ୍ୟା ରନ କରି ନ ଥିଲେ। ଏହା ପରେ ୧୯ତମ ଓଭର ଆରମ୍ଭ ହୋଇଥିଲା ଏବଂ ପାଣ୍ଡ୍ୟା ଆସିବା ମାତ୍ରେ ଆଉଟ କରିଥିଲେ। ଯଦି ସେ ଶେଷ ପର୍ଯ୍ୟନ୍ତ ରହିଥାନ୍ତେ, ତେବେ ଭାରତ ଜିତିପାରିଥାନ୍ତା।

ରାଜକୋଟରେ ଇଂଲଣ୍ଡ ଭାରତକୁ ଜିତିବା ପାଇଁ ୧୭୨ ରନର ଟାର୍ଗେଟ ଦେଇଥିଲା। କିନ୍ତୁ ଟିମ ଇଣ୍ଡିଆ ଏହି ମ୍ୟାଚ୍‌ରେ କେବଳ ୧୪୫ ରନ କରିପାରିଥିଲା। ଏହି ମ୍ୟାଚ୍‌ରେ ଭାରତୀୟ ବ୍ୟାଟ୍ସମ୍ୟାନମାନେ କିଛି ବିଶେଷ କରିପାରି ନଥିଲେ। ଦଳର ଆରମ୍ଭ ଖରାପ ଥିଲା। ଓପନର ସଞ୍ଜୁ ସାମସନ ମାତ୍ର ୩ ରନ କରି ଆଉଟ ହୋଇଥିଲେ। ଅଭିଷେକ ଶର୍ମା ୧୪ ବଲ ରେ ୨୪ ରନ କରିଥିଲେ। ଅଧିନାୟକ ସୂର୍ଯ୍ୟକୁମାର ଯାଦବ ମାତ୍ର ୧୪ ରନ କରି ଆଉଟ ହୋଇଥିଲେ। ତିଲକ ବର୍ମା ମଧ୍ୟ ୧୮ ରନ କରି ଆଉଟ ହୋଇଥିଲେ।

The post ପାଣ୍ଡ୍ୟାଙ୍କ ଗୋଟିଏ ଭୁଲ୍‌ ଯୋଗୁ ଭାରତକୁ ଭୋଗିବାକୁ ପଡ଼ିଲା ଏମିତି ଦଶା appeared first on Dharitri Odia News.