ପୂର୍ଣ୍ଣିମା ଦେବୀ ବର୍ମନ କିଏ ? TIME ମାଗାଜିନ୍ରେ ସ୍ଥାନ ପାଇଥିବା ଭାରତର ଏକମାତ୍ର ମହିଳା
ନୂଆଦିଲ୍ଲୀ: ଡକ୍ଟର ପୂର୍ଣ୍ଣିମା ଦେବୀ ବର୍ମନ ଜଣେ ଭାରତୀୟ ବନ୍ୟପ୍ରାଣୀ ଜୀବବିଜ୍ଞାନୀ ଓ ସଂରକ୍ଷଣବାଦୀ। ଆସାମରେ ବିଲୁପ୍ତପ୍ରାୟ ପକ୍ଷୀ ଗ୍ରେଟର ଆଡଜୁଟାଣ୍ଟ ଷ୍ଟର୍କ ବା ହାରଗିଲାର ସଂରକ୍ଷଣରେ ରହିଛି ତାଙ୍କର ଗୁରୁତ୍ୱପୂର୍ଣ୍ଣ ଅବଦାନ। ତାଙ୍କର ଭିନ୍ନ ପ୍ରୟାସକୁ ଦୃଷ୍ଟିରେ ରଖି ତାଙ୍କୁ ଏବେ TIMEର 2025 ବର୍ଷର ଶ୍ରେଷ୍ଠ ମହିଳାଙ୍କ ତାଲିକାରେ ସ୍ଥାନ ଦିଆଯାଇଛି।ଆସାମରେ ଜନ୍ମିତ ପୂର୍ଣ୍ଣିମା ଦେବୀ ବର୍ମନଙ୍କର ପିଲାଦିନରୁ ପ୍ରକୃତି ପ୍ରତି ଗଭୀର ପ୍ରେମ ଥିଲା। ତାଙ୍କ ଘର ବ୍ରହ୍ମପୁତ୍ର ନଦୀ ନିକଟରେ ଥିଲା, ତେଣୁ ପିଲାଦିନରୁ ପୂର୍ଣ୍ଣିମାଙ୍କୁ ତାଙ୍କ ଜେଜେମା ପକ୍ଷୀ ଏବଂ ଜୈବ ବିବିଧତା ବିଷୟରେ ଶିକ୍ଷା ଦେଇଥିଲେ। ଏହି କାରଣରୁ, ବନ୍ୟ ପ୍ରାଣୀମାନଙ୍କ ପ୍ରତି ତାଙ୍କର ସ୍ନେହ ଭରିରହିଛି। ତାଙ୍କ ପିଲାଦିନରେ ଘଟିଥିବା ଏକ ଘଟଣାର କାରଣ ପାଇଁ ସେ ଏହି ସଂଗଠନ ପ୍ରତିଷ୍ଠା କରିଥିଲେ।ସେ ଗୌହାଟୀ ବିଶ୍ୱବିଦ୍ୟାଳୟରୁ ପ୍ରାଣୀବିଜ୍ଞାନରେ ପରିବେଶ ବିଜ୍ଞାନ ଏବଂ ବନ୍ୟପ୍ରାଣୀ ଜୀବବିଜ୍ଞାନରେ ସ୍ନାତକୋତ୍ତର ଡିଗ୍ରୀ ହାସଲ କରିଥିଲେ। ୨୦୦୭ ମସିହାରେ ସେ ତାଙ୍କ ଘର ପାଖରେ ଥିବା ଏକ ଗଛରେ ଥିବା ହାରଗିଲାର ବସାକୁ ଲୋକମାନେ ନଷ୍ଟ କରୁଥିବାର ଦେଖିଥିଲେ। ଯେତେବେଳେ ସେ ଏହାର କାରଣ ପଚାରିଲେ, ସେହି ବ୍ୟକ୍ତି କହିଲେ ଯେ ଏହି ପକ୍ଷୀକୁ ଏକ ଅଶୁଭ ଭାବରେ ବିବେଚନା କରାଯାଏ। ସମାଜରେ ଏହାକୁ ରୋଗର ବାହକ ଭାବରେ ଦେଖାଯାଏ। କେବଳ ସେହି ସ୍ଥା
ନୂଆଦିଲ୍ଲୀ: ଡକ୍ଟର ପୂର୍ଣ୍ଣିମା ଦେବୀ ବର୍ମନ ଜଣେ ଭାରତୀୟ ବନ୍ୟପ୍ରାଣୀ ଜୀବବିଜ୍ଞାନୀ ଓ ସଂରକ୍ଷଣବାଦୀ। ଆସାମରେ ବିଲୁପ୍ତପ୍ରାୟ ପକ୍ଷୀ ଗ୍ରେଟର ଆଡଜୁଟାଣ୍ଟ ଷ୍ଟର୍କ ବା ହାରଗିଲାର ସଂରକ୍ଷଣରେ ରହିଛି ତାଙ୍କର ଗୁରୁତ୍ୱପୂର୍ଣ୍ଣ ଅବଦାନ। ତାଙ୍କର ଭିନ୍ନ ପ୍ରୟାସକୁ ଦୃଷ୍ଟିରେ ରଖି ତାଙ୍କୁ ଏବେ TIMEର 2025 ବର୍ଷର ଶ୍ରେଷ୍ଠ ମହିଳାଙ୍କ ତାଲିକାରେ ସ୍ଥାନ ଦିଆଯାଇଛି।
ଆସାମରେ ଜନ୍ମିତ ପୂର୍ଣ୍ଣିମା ଦେବୀ ବର୍ମନଙ୍କର ପିଲାଦିନରୁ ପ୍ରକୃତି ପ୍ରତି ଗଭୀର ପ୍ରେମ ଥିଲା। ତାଙ୍କ ଘର ବ୍ରହ୍ମପୁତ୍ର ନଦୀ ନିକଟରେ ଥିଲା, ତେଣୁ ପିଲାଦିନରୁ ପୂର୍ଣ୍ଣିମାଙ୍କୁ ତାଙ୍କ ଜେଜେମା ପକ୍ଷୀ ଏବଂ ଜୈବ ବିବିଧତା ବିଷୟରେ ଶିକ୍ଷା ଦେଇଥିଲେ। ଏହି କାରଣରୁ, ବନ୍ୟ ପ୍ରାଣୀମାନଙ୍କ ପ୍ରତି ତାଙ୍କର ସ୍ନେହ ଭରିରହିଛି। ତାଙ୍କ ପିଲାଦିନରେ ଘଟିଥିବା ଏକ ଘଟଣାର କାରଣ ପାଇଁ ସେ ଏହି ସଂଗଠନ ପ୍ରତିଷ୍ଠା କରିଥିଲେ।
ସେ ଗୌହାଟୀ ବିଶ୍ୱବିଦ୍ୟାଳୟରୁ ପ୍ରାଣୀବିଜ୍ଞାନରେ ପରିବେଶ ବିଜ୍ଞାନ ଏବଂ ବନ୍ୟପ୍ରାଣୀ ଜୀବବିଜ୍ଞାନରେ ସ୍ନାତକୋତ୍ତର ଡିଗ୍ରୀ ହାସଲ କରିଥିଲେ। ୨୦୦୭ ମସିହାରେ ସେ ତାଙ୍କ ଘର ପାଖରେ ଥିବା ଏକ ଗଛରେ ଥିବା ହାରଗିଲାର ବସାକୁ ଲୋକମାନେ ନଷ୍ଟ କରୁଥିବାର ଦେଖିଥିଲେ। ଯେତେବେଳେ ସେ ଏହାର କାରଣ ପଚାରିଲେ, ସେହି ବ୍ୟକ୍ତି କହିଲେ ଯେ ଏହି ପକ୍ଷୀକୁ ଏକ ଅଶୁଭ ଭାବରେ ବିବେଚନା କରାଯାଏ। ସମାଜରେ ଏହାକୁ ରୋଗର ବାହକ ଭାବରେ ଦେଖାଯାଏ।
କେବଳ ସେହି ସ୍ଥାନରେ ନୁହେଁ। ଆସାମରେ ସ୍ଥାନୀୟ ଲୋକମାନେ ହରଗିଲାକୁ ଅଶୁଭ ବୋଲି ମାନନ୍ତି। ସେ ପ୍ରତିଜ୍ଞା କରିଥିଲେ ଯେ ଏହି ଧାରଣାକୁ ପରିବର୍ତ୍ତନ କରିବାକୁ ପଡିବ। ସେ ପକ୍ଷୀମାନଙ୍କୁ ସୁରକ୍ଷା ଦେବା ପାଇଁ ଏକ ତୃଣମୂଳ ସ୍ତରର ଆନ୍ଦୋଳନ ଆରମ୍ଭ କରିଥିଲେ।
ଏହି ଘଟଣା ପରେ ଡକ୍ଟର ବର୍ମନ ହାରଗିଲା ସେନା ନାମକ ଏକ ମହିଳା କମ୍ୟୁନିଟି ତିଆରି କରିଥିଲେ। ଯାହା ପକ୍ଷୀ ସଂରକ୍ଷଣ ବିଷୟରେ ସ୍ଥାନୀୟ ମହିଳାମାନଙ୍କ ମଧ୍ୟରେ ସଚେତନତା ସୃଷ୍ଟି କରିବ। । ତାଙ୍କ ପ୍ରୟାସ ଯୋଗୁଁ ହାରଗିଲା ପକ୍ଷୀଙ୍କ ସଂଖ୍ୟାରେ ଯଥେଷ୍ଟ ବୃଦ୍ଧି ଘଟିଛି।
ତାଙ୍କର ଉତ୍ସର୍ଗୀକୃତ ସେବା ପାଇଁ, ତାଙ୍କୁ 2022 ମସିହାରେ ଜାତିସଂଘ ପରିବେଶ କାର୍ଯ୍ୟକ୍ରମ (UNEP) ଦ୍ୱାରା 'ଚାମ୍ପିଅନ୍ସ ଅଫ୍ ଦି ଆର୍ଥ' ପୁରସ୍କାରରେ ସମ୍ମାନିତ କରାଯାଇଥିଲା। ଡକ୍ଟର ବର୍ମନଙ୍କୁ 2024 ମସିହାରେ ଦ୍ୱିତୀୟ ଥର ପାଇଁ ହ୍ୱିଟଲି ଗୋଲ୍ଡ ପୁରସ୍କାର ପ୍ରଦାନ କରାଯାଇଥିଲା। ତାଙ୍କର ଲକ୍ଷ୍ୟ ହେଉଛି ୨୦୩୦ ସୁଦ୍ଧା ହାରଗିଲା ପକ୍ଷୀଙ୍କ ବିଶ୍ୱ ସଂଖ୍ୟାକୁ ଦ୍ୱିଗୁଣିତ କରିବା।
ଏବେ ଏହି ମାସରେ, ଅର୍ଥାତ୍ ଫେବୃଆରୀ ୨୦୨୫ରେ ଡକ୍ଟର ପୂର୍ଣ୍ଣିମା ଦେବୀ ବର୍ମନଙ୍କୁ ' TIME’s Women of the Year 2025' ତାଲିକାରେ ସାମିଲ କରାଯାଇଛି। ଡକ୍ଟର ବର୍ମନଙ୍କ ଉତ୍ସର୍ଗୀକୃତତା ଏବଂ ପ୍ରୟାସ କେବଳ ପରିବେଶ ସଂରକ୍ଷଣ ଦିଗରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେଉନାହିଁ ବରଂ ସ୍ଥାନୀୟ ସମ୍ପ୍ରଦାୟକୁ ସଶକ୍ତ କରିବାରେ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି।
