ପ୍ରକୃତିର କୋପ ନା ଆଶୀର୍ବାଦ! ସୌଦି ଆରବ ମରୁଭୂମିରେ ବରଫର ଚାଦର

ରିୟାଦ,୭।୧୧: ଗରମ ବାଲି ପାଇଁ ପ୍ରସିଦ୍ଧ ସୌଦି ଆରବର ମରୁଭୁମିରେ ଆପଣ କେବେ କଳ୍ପନା କରିଛନ୍ତି କି ହଠାତ୍‌ ପ୍ରବଳ ବର୍ଷା, କୁଆପଥର, ପ୍ରବଳ ଥଣ୍ଡା ଏବଂ ମରୁଭୂମିରେ ତୁଷାରପାତ, ନା! କିନ୍ତଏହା ସତ୍ୟ। ସୌଦି ଆରବର ଏକ ମରୁଭୂମିରେ ଠିକ ସେହିଭଳି ଘଟଣା ଘଟିଛି। ଏଠାରେ ଏତେ ତୁଷାରପାତ ହୋଇଥିଲା ଯେ ନାଲି ବାଲି ପର୍ଯ୍ୟଟକଙ୍କ ପାଇଁ ଧଳା ବରଫଣ ଚାଦର ଭଳି ଦେଖାଗଲା।
ସୌଦି ଗଣମାଧ୍ୟମ ଅନୁଯାୟୀ, ତୁଷାରପାତ ଯୋଗୁଁ ଏଠାକାର ଅଲ-ଜାଫର ମରୁଭୂମି ଅଞ୍ଚଳରେ ପ୍ରବଳ ଥଣ୍ଡା ଅନୁଭୂତ ହେଉଛି। ସୌଦି ଆରବରେ ପ୍ରଥମ ଥର ପାଇଁ ଏହି ପ୍ରକାରର ପାଣିପାଗ ଦେଖାଯାଇଛି, ଯାହାକୁ କେତେକ ଲୋକେ ପ୍ରକୃତିର ଚମତ୍କାର ବୋଲି କହୁଥିବାବେଳେ କେତେକ ପରିବେଶ ବିଶେଷଜ୍ଞ ଏହି ଘଟଣାକୁ ପ୍ରକୃତିର ବିପଦ ବୋଲି କହୁଛନ୍ତି।
ସୌଦି ଆରବରେ ପାଣିପାଗ ଢାଞ୍ଚା ଗତ ଏକ ସପ୍ତାହ ଧରି ଅତ୍ୟନ୍ତ ଖରାପ ଥିଲା ଏବଂ ଏଠାରେ ଥିବା ପାଗଠାରୁ ବହୁତ ଭିନ୍ନ। ଗତ ସପ୍ତାହରେ ବୁଧବାର (୩୦ ଅକ୍ଟୋବର) ଅଲ-ଜୋଫରେ ପ୍ରବଳ ବର୍ଷା ହୋଇଥିଲା। ପ୍ରବଳ କୁଆପଥର ମାଡ ହୋଇଥିଲା। ଏହା ପରେ ଏଠାରେ କିଛି ଅଂଶରେ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା।
ଗୋଟିଏ ସପ୍ତାହ ପରେ, ଏହି ଅଞ୍ଚଳରେ ପ୍ରବଳ ତୁଷାରପାତ ହୋଇଛି। ଏକ ଧଳା ଚାଦର ସମଗ୍ର ଅଞ୍ଚଳରେ ବ୍ୟାପିଛି। ଲୋକମାନେ ଏହାକୁ ସୋସିଆଲ ମିଡିଆରେ ଆଲୋଚନା କରୁଛନ୍ତି। ଲୋକମାନେ ସୋସିଆଲ ମିଡିଆରେ ଏହି ସ୍ଥାନର ଫଟୋ ଏବଂ ଭିଡିଓ ଶେୟାର କରୁଛନ୍ତି।
ସଂଯୁକ୍ତ ଆରବ ଏମିରେଟ୍ସର ପାଣିପାଗ କେନ୍ଦ୍ର (ଏନସିଏମ) ଅନୁଯାୟୀ, ଏହାର କାରଣ ହେଉଛି ଆରବ ସାଗରରୁ ଓମାନ ପର୍ଯ୍ୟନ୍ତ ବ୍ୟାପିଥିବା ନିମ୍ନ ଚାପ ପ୍ରଣାଳୀ। କମ ଚାପ ହେତୁ ଆର୍ଦ୍ରତା ଭରପୂର ପବନ ଏକ ଅଞ୍ଚଳକୁ ଆସିଲା ଯାହା ସାଧାରଣତଃ ଶୁଖିଲା।
ସୌଦି ଆରବ ଏବଂ ପଡୋଶୀ ଦେଶ ସଂଯୁକ୍ତ ଆରବ ଏମିରେଟ୍ସ (ୟୁଏଇ) ରେ ମେଘ ବଜ୍ରପାତ, ପ୍ରବଳ ବର୍ଷା ଏବଂ ପ୍ରବଳ ତୁଷାରପାତ ହେବାର ଏହି କାରଣ। ୟୁଏଇ ପାଣିପାଗ ବିଭାଗ ଆଗାମୀ ଦିନରେ ଅଲ-ଜୋଫରେ ପ୍ରବଳ ବର୍ଷା ହେବାର ଚେତାବନୀ ବି ଦେଇଛି।

The post ପ୍ରକୃତିର କୋପ ନା ଆଶୀର୍ବାଦ! ସୌଦି ଆରବ ମରୁଭୂମିରେ ବରଫର ଚାଦର appeared first on Dharitri Odia News.