‘ପ୍ରଚଣ୍ଡ’ଙ୍କ ନେତୃତ୍ୱ ବାଲା ସରକାରଙ୍କୁ ଲାଗିଲା ବଡ ଝଟ୍‌କା

କାଠମାଣ୍ଡୁ,୧୩।୫: ନେପାଳର ଉପପ୍ରଧାନମନ୍ତ୍ରୀ ତଥା ଜନତା ସମାଜବାଦି ପାର୍ଟି-ନେପାଳ (ଜେଏସପି-ଏନ)ର ଅଧ୍ୟକ୍ଷ ଉପେନ୍ଦ୍ର ଯାଦବ ସୋମବାର ତାଙ୍କ ଇସ୍ତଫା ପତ୍ର ପ୍ରଦାନ କରିଛନ୍ତି। ଯାଦବଙ୍କ ଇସ୍ତଫା ସହିତ ତାଙ୍କ ଦଳ ସରକାରରୁ ବାହାରି ଯାଇଛି। ଗୋଟିଏ ପ୍ରକାରେ ପ୍ରଧାନମନ୍ତ୍ରୀ ପୁଷ୍ପ କମଲ ଦହଲ ପ୍ରଚଣ୍ଡଙ୍କ ନେତୃତ୍ୱରେ ମିଳିତ ସରକାର ପାଇଁ ଏହା ଏକ ଝଟ୍‌କା।
ମଧେସି ନେତାଙ୍କ ନିକଟ ସୂତ୍ର ଅନୁଯାୟୀ ଉପେନ୍ଦ୍ର ଯାଦବ ସରକାରରେ ସ୍ବାସ୍ଥ୍ୟ ଏବଂ ଜନସଂଖ୍ୟା ମନ୍ତ୍ରୀ ମଧ୍ୟ ଥିଲେ। ସେ ସୋମବାର ସକାଳେ ପ୍ରଧାନମନ୍ତ୍ରୀ ‘ପ୍ରଚଣ୍ଡ’ଙ୍କ ନିକଟରେ ଇସ୍ତଫା ଦେଇଛନ୍ତି। ଯାଦବଙ୍କ ସହ ତାଙ୍କ ଦଳର ବନ ଓ ପରିବେଶ ମନ୍ତ୍ରୀ ଦୀପକ କାରକି ମଧ୍ୟ ଇସ୍ତଫା ଦେଇଛନ୍ତି।
ଜନ ସମାଜବାଦି ପାର୍ଟି-ନେପାଳ (ଜେଏସପି-ଏନ) ର ଅଧ୍ୟକ୍ଷ ଯାଦବଙ୍କ ଇସ୍ତଫା, ତାଙ୍କ ଦଳ ଦୁଇ ଦଳରେ ବିଭକ୍ତ ହେବାର ଏକ ସପ୍ତାହ ପରେ ବରିଷ୍ଠ ନେତା ଅଶୋକ ରାୟ ଜନତା ସମାଜ ପାର୍ଟି ନାମକ ଏକ ନୂତନ ଦଳ ଗଠନ କରିଥିଲେ। ଏହା ନିର୍ବାଚନ ଆୟୋଗ ଦ୍ୱାରା ନୂତନ ଦଳ ମାନ୍ୟତା ପାଇଛି।

The post ‘ପ୍ରଚଣ୍ଡ’ଙ୍କ ନେତୃତ୍ୱ ବାଲା ସରକାରଙ୍କୁ ଲାଗିଲା ବଡ ଝଟ୍‌କା appeared first on Dharitri Odia News.