ପ୍ରଥମଥର ଏମିତି କାରନାମା କଲେ ଯଶସ୍ବୀ ଜୟସ୍ବାଲ

ନୂଆଦିଲ୍ଲୀ,୬।୩: ନିକଟରେ ଆଇସିସି ସଦ୍ୟ ଟେଷ୍ଟ ର଼୍ୟାଙ୍କିଙ୍ଗ ପ୍ରକାଶ କରିଛି। ଏଥିରେ ଟିମ ଇଣ୍ଡିଆର ଖେଳାଳିମାନେ ବହୁତ ଉପକୃତ ହୋଇଛନ୍ତି। ଯୁବ ବ୍ୟାଟ୍ସମ୍ୟାନ ଯଶସ୍ବୀ ଜୟସ୍ବାଲ ପ୍ରଥମ ଥର ପାଇଁ ଶ୍ରେଷ୍ଠ ୧୦ରେ ପହଞ୍ଚିଛନ୍ତି। ର଼୍ୟାଙ୍କିଙ୍ଗରେ ବିରାଟ କୋହଲି ଏବଂ ରୋହିତ ଶର୍ମାଙ୍କ ମଧ୍ୟ ଫାଇଦା ହୋଇଛି। ଯଶସ୍ବୀ ଏବଂ ରୋହିତ ପ୍ରତ୍ୟେକ ଦୁଇଟି ସ୍ଥାନ ଖସିଯାଇଛନ୍ତି। ଶୁଭମାନ ଗିଲ ଏବଂ ରବିନ୍ଦ୍ର ଜାଡେଜା ସେମାନଙ୍କ ସ୍ଥାନରେ ରହିଛନ୍ତି। ବୋଲିଂ ର଼୍ୟାଙ୍କିଙ୍ଗରେ ଜସପ୍ରୀତ ବୁମ୍‌ରାଙ୍କୁ ଫାଇଦା ହୋଇଛି।
ଟେଷ୍ଟ ର଼୍ୟାଙ୍କିଙ୍ଗରେ ଭାରତୀୟ ଖେଳାଳିଙ୍କ ତାଲିକାରେ ବିରାଟ କୋହଲି ଶୀର୍ଷରେ ଅଛନ୍ତି। କୋହଲି ଗୋଟିଏ ସ୍ଥାନ ଉପରକୁ ଉଠି ୮ ନମ୍ବରରେ ଅଛନ୍ତି। ଯଶସ୍ବୀ ଜୟସ୍ବାଲ ଦୁଇଟି ସ୍ଥାନ ଉପରକୁ ଉଠି ୧୦ ନମ୍ବରରେ ପହଞ୍ଚିଛନ୍ତି। ନିକଟରେ ଯଶସ୍ବୀ ଇଂଲଣ୍ଡ ବିପକ୍ଷରେ ଚମତ୍କାର ପ୍ରଦର୍ଶନ କରିଥିଲେ। ସେ ଲଗାତାର ଦୁଇଥର ଶତକ ହାସଲ କରିଥିଲେ। ଭାରତୀୟ ଅଧିନାୟକ ରୋହିତ ଶର୍ମା ୧୧ ନମ୍ବରରେ ଅଛନ୍ତି। ଗିଲ ୩୧ ନମ୍ବରରେ ଏବଂ ଜାଡେଜା ୩୭ ନମ୍ବରରେ ରହିଛନ୍ତି।
ଟେଷ୍ଟ ବୋଲିଂ ର଼୍ୟାଙ୍କିଙ୍ଗରେ ଟିମ ଇଣ୍ଡିଆର ଦ୍ରୁତ ବୋଲର ଜସପ୍ରୀତ ବୁମ୍‌ରା ଶୀର୍ଷରେ ରହିଛନ୍ତି। ରବିଚନ୍ଦ୍ରନ ଅଶ୍ୱିନ ଦ୍ୱିତୀୟ ସ୍ଥାନରେ ଅଛନ୍ତି। ବୋଲିଂ ର଼୍ୟାଙ୍କିଙ୍ଗରେ ରବିନ୍ଦ୍ର ଜାଡେଜା ୭ ନମ୍ବରରେ ଆସିଛନ୍ତି।

The post ପ୍ରଥମଥର ଏମିତି କାରନାମା କଲେ ଯଶସ୍ବୀ ଜୟସ୍ବାଲ appeared first on Dharitri Odia News.