ଫେକ୍ ନ୍ଯୁଜ କରି ସାଂସଦ ମାନସ ମଙ୍ଗରାଜଙ୍କୁ ବଦନାମ କରିବାକୁ ଫୋକସ୍ ପ୍ଲସ ଓ୍ବେବ ଚ୍ୟାନେଲର ଉଦ୍ୟମ

ଭୁବନେଶ୍ବର: ଇଡିର ଫେକ୍ ଚିଠି କରି ଫୋକସ ପ୍ଲସ୍ ନାମକ ଏକ ୱେବ୍ ଚ୍ୟାନେଲ ମିଛ ଖବର ପ୍ରସାରଣ କରି ହଇଚଇ ସୃଷ୍ଟି କରିବାକୁ କରୁଛି ଚେଷ୍ଟା । ଇଡିର ଏକ ଚିଠିକୁ ଏଡିଟ୍ କରି ସେଥିରେ ସାଂସଦ ମାନସ ମଙ୍ଗରାଜଙ୍କ ନାଁ ଲେଖି ନ୍ୟୁଜ ପ୍ରସାରଣ କରୁଥିବା ଆସିଛି ନଜିର । ଖବର ନେବାରେ ଜଣାପଡିଛି, ଏଭଳି କୌଣସି ଚିଠି ଇଡିରୁ ଜାରି ହୋଇନାହିଁ । ଖୋଦ ସାଂସଦ ମାନସ ମଙ୍ଗରାଜ ମଧ୍ୟ ଏଭଳି କୌଣସି ଚିଠି ପାଇ ନଥିବା କହିବା ସହ  ଏହା ଏକ ଫେକ୍ ନ୍ୟୁଜ ବୋଲି କହିଛନ୍ତି ।

ସୂଚନାଯୋଗ୍ୟ, ଫୋକସ ପ୍ଲସ ଅତୀତରେ ଧାବିକା ଦୂତି ଚାନ୍ଦଙ୍କ ସମ୍ପର୍କରେ ଏଭଳି ଅସମ୍ମାନଜନକ ନ୍ୟୁଜ ପରିବେଷଣ କରି ଗିରଫ ହୋଇଥିଲେ । ସେହିଭଳି ଏକ ଘରୋଇ ଚ୍ୟାନେଲ ବିରୋଧରେ ମଧ୍ୟ ମିଛ ଖବର ପ୍ରସାରଣ କରି ଫୋକସ ପ୍ଲସର ମାଲିକ ସୁଧାଂଶୁ ରାଉତ ପୁଣି ଥରେ ଗିରଫ ହୋଇଥିଲେ ।

ସାଂସଦ ମାନସ ମଙ୍ଗରାଜଙ୍କୁ ବଦନାମ କରିବା ଲାଗି ନିଜ ଚ୍ୟାନେଲର ସାହାରା ନେଇଛନ୍ତି ଏହି ବଟି ଆଦାୟକାରୀ ସୁଧାଂଶୁ ରାଉତ । ଏହି ଫେକ୍ ନ୍ୟୁଜ ପାଇଁ ମାନସ ମଙ୍ଗରାଜ ଆଇନର ଆଶ୍ରୟ ନେବେ ବୋଲି ସୂଚନା ମିଳିଛି । ନ୍ୟୁଜରେ କୁହାଯାଇଛି ଯେ, ସକାଳ ଓ ନନ୍ଦିଘୋଷ ଟିଭି ପାଇଁ ସାଂସଦ ମାନସ ମଙ୍ଗରାଜ ରାଜ୍ୟ ସରକାରଙ୍କ ସୂଚନା ଓ ଲୋକସମ୍ପର୍କ ବିଭାଗର କୋଟି କୋଟି ଟଙ୍କା ହଡ଼ପ କରିଛନ୍ତି । ଯାହାକୁ ନେଇ ଇଡି ତାଙ୍କୁ ନୋଟିସ କରିବା ସହ ହାଜର ହେବା ପାଇଁ ନିର୍ଦ୍ଦେଶ ଦେଇଛନ୍ତି । ତେବେ ଏହା ସମ୍ପୂର୍ଣ୍ଣ ମିଛ ଖବର ଉଭୟ ଇଡି ଓ ମାନସ ମଙ୍ଗରାଜ ଏପରି ଖବର ମିଛ ବୋଲି ସ୍ପଷ୍ଟ କରିଛନ୍ତି ।

The post ଫେକ୍ ନ୍ଯୁଜ କରି ସାଂସଦ ମାନସ ମଙ୍ଗରାଜଙ୍କୁ ବଦନାମ କରିବାକୁ ଫୋକସ୍ ପ୍ଲସ ଓ୍ବେବ ଚ୍ୟାନେଲର ଉଦ୍ୟମ appeared first on .