ବଢିଲା ରୋହିତ ଶର୍ମାଙ୍କ ସମସ୍ୟା

ନୂଆଦିଲ୍ଲୀ,୩୦।୧: ଫେବୃଆରୀ ୨ରୁ ଆରମ୍ଭ ହେବାକୁ ଥିବା ଇଂଲଣ୍ଡ ବିପକ୍ଷ ଦ୍ୱିତୀୟ ଟେଷ୍ଟ ପୂର୍ବରୁ ଟିମ ଇଣ୍ଡିଆର ଅଧିନାୟକ ରୋହିତ ଶର୍ମା ଅନେକ ଅସୁବିଧାରେ ଥିବା ଜଣାପଡିଛି। ବିରାଟ କୋହଲି ଏବଂ ମହମ୍ମଦ ଶାମିଙ୍କ ଅଭାବର ସମ୍ମୁଖୀନ ହେଉଥିବା ଟିମ ଇଣ୍ଡିଆକୁ ଏବେ ରବିନ୍ଦ୍ର ଜାଡେଜା ଏବଂ କେ.ଏଲ ରାହୁଲଙ୍କ ବିନା ପଡ଼ିଆକୁ ଯିବାକୁ ପଡ଼ିବ। ଚାରୋଟି ବଡ ମ୍ୟାଚ ବିଜେତାଙ୍କ ଅନୁପସ୍ଥିତିରେ, ରୋହିତ ଶର୍ମାଙ୍କ ପାଇଁ ପ୍ଲେଇଙ୍ଗ ୧୧ ଚୟନ କରିବା ସହଜ ହେବ ନାହିଁ। ଟିମ ଇଣ୍ଡିଆ ଓପନିଂ ମ୍ୟାଚ ହାରିସାରିଛି ଏବଂ ପାଞ୍ଚ ମ୍ୟାଚ ବିଶିଷ୍ଟ ସିରିଜରେ ୦-୧ ରେ ଆଗୁଆ ରହିଛି।
ଆହତ କାରଣରୁ କେଏଲ ରାହୁଲ ଏବଂ ରବିନ୍ଦ୍ର ଜାଡେଜା ଦ୍ୱିତୀୟ ମ୍ୟାଚରେ ଟିମ ଇଣ୍ଡିଆର ଅଂଶ ହେବେ ନାହିଁ। ଆହତ କାରଣରୁ ପ୍ରଥମ ଦୁଇଟି ମ୍ୟାଚରେ ଚୟନ ପାଇଁ ମହମ୍ମଦ ଶାମି ମଧ୍ୟ ଉପଲବ୍ଧ ନଥିଲେ। ବ୍ୟକ୍ତିଗତ କାରଣରୁ ସିରିଜର ପ୍ରଥମ ଦୁଇଟି ମ୍ୟାଚ ଖେଳିବା ପାଇଁ ବିରାଟ କୋହଲି ଉପଲବ୍ଧ ନୁହଁନ୍ତି। ଭେଟେରାନ ଖେଳାଳିଙ୍କ ସ୍ଥାନରେ ଦୁଇ ଯୁବ ଖେଳାଳି ଦ୍ୱିତୀୟ ଟେଷ୍ଟରେ ଡେବ୍ୟୁ କରିବାର ସୁଯୋଗ ପାଇପାରନ୍ତି ।

The post ବଢିଲା ରୋହିତ ଶର୍ମାଙ୍କ ସମସ୍ୟା appeared first on Dharitri Odia News.