ବଢୁଛି ରାଜନୈତିକ ଅସ୍ଥିରତା, ଏୟାର ଇଣ୍ଡିଆ ବିମାନରେ ଫେରିଲେ ୧୯୦ ଭାରତୀୟ

ନୂଆଦିଲ୍ଲୀ ୦୭/୦୮: ବାଂଲାଦେଶରେ ଫସି ରହିଥିବା ଭାରତୀୟ ହାଇ କମିଶନ କର୍ମଚାରୀଙ୍କୁ ଏକ ସ୍ୱତନ୍ତ୍ର ଏୟାର ଇଣ୍ଡିଆ ବିମାନ ଯୋଗେ ଭାରତ ଅଣାଯାଇଛି । ଭାରତୀୟ ଉଚ୍ଚ ଆୟୋଗର ୧୯୦ କର୍ମଚାରୀ ବାଂଲାଦେଶରୁ ଭାରତ ଫେରିଛନ୍ତି । ଢାକାରେ ପ୍ରାୟ ୩୦ କର୍ମଚାରୀ ଉପସ୍ଥିତ ଅଛନ୍ତି । 

ହିଂସା ପ୍ରଭାବିତ ବାଂଲାଦେଶରେ ଫସି ରହିଥିବା ଭାରତୀୟ ହାଇ କମିଶନ କର୍ମଚାରୀଙ୍କୁ ଏକ ସ୍ୱତନ୍ତ୍ର ଏୟାର ଇଣ୍ଡିଆ ବିମାନ ଯୋଗେ ଭାରତ ଅଣାଯାଇଛି । ଭାରତୀୟ ଉଚ୍ଚ ଆୟୋଗର ୧୯୦ କର୍ମଚାରୀ ବାଂଲାଦେଶରୁ ଭାରତ ଫେରିଛନ୍ତି । ସୂଚନାଥାଉକି, ବାଂଲାଦେଶରେ ରାଜନୈତିକ ଅସ୍ଥିରତା ପରେ ମଧ୍ୟବର୍ତ୍ତୀକାଳୀନ ସରକାର ଗଠନ ପାଇଁ ପ୍ରସ୍ତୁତି ଆରମ୍ଭ ହୋଇଛି । ବାଂଲାଦେଶରେ ମଧ୍ୟବର୍ତ୍ତୀକାଳୀନ ସରକାରର ନେତୃତ୍ୱ ନେବାକୁ ନୋବେଲ ବିଜେତା ମହମ୍ମଦ ୟୁନୁସଙ୍କୁ ମନୋନୀତ କରାଯାଇଛି । 

ଦେଶର ରାଷ୍ଟ୍ରପତି ମହମ୍ମଦ ଶାହାବୁଦ୍ଦିନଙ୍କ ଅଧ୍ୟକ୍ଷତାରେ ବଙ୍ଗା ଭବନରେ (ରାଷ୍ଟ୍ରପତି ଗୃହ) ଏକ ବୈଠକରେ ଏହି ନିଷ୍ପତ୍ତି ନିଆଯାଇଛି । ବିରୋଧୀ ଛାତ୍ରମାନେ ମଧ୍ୟବର୍ତ୍ତୀକାଳୀନ ସରକାରର ନେତୃତ୍ୱ ନେବାକୁ ମହମ୍ମଦ ୟୁନୁସଙ୍କ ପ୍ରସ୍ତାବକୁ ଗ୍ରହଣ କରିଛନ୍ତି । ସଂରକ୍ଷଣ ଆନ୍ଦୋଳନର ନେତୃତ୍ୱ ନେଉଥିବା ଛାତ୍ର ନେତାଙ୍କ ସହ ତିନି ସେନାର ମୁଖ୍ୟ ମଧ୍ୟ ଏହି ସଭାରେ ଯୋଗ ଦେଇଥିଲେ ।