ବନ୍ଧୁ କହି ଟ୍ରମ୍ପଙ୍କୁ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦୀ । ଟ୍ୱିଟରରେ ସେୟାର କଲେ ୪ଟି ଫଟୋ ।

କନକ ବ୍ୟୁରୋ : ଆମେରିକା ରାଷ୍ଟ୍ରପତି ନିର୍ବାଚନ ଫଳାଫଳ ଘୋଷଣା ହୋଇ ସାରିଛି । କମଲା ହାରିସଙ୍କୁ ବହୁ ପପଛରେ ପକାଇ ବାଜି ମାରିଛନ୍ତି ଡୋନାଲ୍ଡ ଟ୍ରମ୍ପ । ଆମେରିକାର ୪୭ ତମ ରାଷ୍ଟ୍ରପତି ଭାବେ ପୁଣିଥରେ ହ୍ବାଇଟ୍ ହାଉସକୁ ଫେରିବେ ଟ୍ରମ୍ପ । ଦ୍ବିତୀୟ ଥର ପାଇଁ ଆମେରିକାର ରାଷ୍ଟ୍ରପତି ଭାବେ ଦାୟିତ୍ବ ନେବେ ଦାୟିତ୍ବ ନେବେ ଟ୍ରମ୍ପ। ବିଜୟ ପାଇଁ ମ୍ୟାଜିକ୍ ନମ୍ବର ୨୭୦ ରହିଥିବାବେଳେ ୨୭୭ ଭୋଟ ହାତେଇଛନ୍ତି ଟ୍ରମ୍ପ। 

Heartiest congratulations my friend @realDonaldTrump on your historic election victory. As you build on the successes of your previous term, I look forward to renewing our collaboration to further strengthen the India-US Comprehensive Global and Strategic Partnership. Together,… pic.twitter.com/u5hKPeJ3SY — Narendra Modi (@narendramodi) November 6, 2024

ଏହାରି ଭିତରେ ଡୋନାଲ୍ଡ ଟ୍ରମ୍ପକୁ ସାଙ୍ଗ କହି ସମ୍ବୋଧନ କରିବା ସହ ୪ଟି ଫଟୋ ସେୟାର କରି ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ମୋଦୀ । ଡୋନାଲ୍ଡ ଟ୍ରମ୍ପ ପୂର୍ବରୁ ରାଷ୍ଟ୍ରପତି ଥିବା ବେଳେ ଯେଉଁସବୁ ଉନ୍ନତିମୂଳକ କାର୍ଯ୍ୟ କରିଥିଲେ ତାକୁ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ ମୋଦୀ । ପ୍ରଧାନମନ୍ତ୍ରୀ ମୋଦୀ ଟ୍ୱିଟରରେ ଫଟୋ ପୋଷ୍ଟ କରି ଲେଖିଛନ୍ତି, ଐତିହାସିକ ବିଜୟ ପାଇଁ ବନ୍ଧୁ ଟ୍ରମ୍ପଙ୍କୁ ଅନେକ ଅନେକ ଅଭିନନ୍ଦନ । ଆଗାମୀ ଦିନରେ ଭାରତ ଓ ଆମେରିକାର ବୈଷୟିକ ବ୍ୟାପାରକୁ ନବୀକରଣ କରିବାକୁ ତତ୍ପର ଅଛି । ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି