ବର୍ଷର ପ୍ରଥମ ସୂର୍ଯ୍ୟ ପରାଗ, ଏହି ୪ ରାଶିର ଲୋକ ସାବଧାନ

ନୂଆଦିଲ୍ଲୀ: ଏପ୍ରିଲ ୮ ସୋମବାର ରାତିରେ ବର୍ଷର ପ୍ରଥମ ସୂର୍ଯ୍ୟ ପରାଗ ଲାଗିବାକୁ ଯାଉଛି । ଏହି ସୂର୍ଯ୍ୟ ପରାଗ ମୀନ ରାଶି ଏବଂ ରେବତୀ ନକ୍ଷେତ୍ରରେ ଲାଗିବାକୁ ଯାଉଛି । ଖଗୋଳବିଦଙ୍କ ଅନୁସାରେ ଏହି ସୂର୍ଯ୍ୟ ପରାଗ ଅତ୍ୟନ୍ତ ବିରଳ ଅଟେ । ୧୯୭୦ ପରେ ଆଜି ଯାଏ ଏପରି ସୂର୍ଯ୍ୟ ପରାଗ କେବେ ହୋଇ ନାହିଁ । ଏପ୍ରିଲ ୮ରେ ଯେତେବେଳେ ଏହି ସୂର୍ଯ୍ୟ ପରାଗ ଲାଗିବ ସେତେବେଳେ ଚନ୍ଦ୍ର ୨୪୦୦ କିଲୋମିଟର ଘଣ୍ଟାପ୍ରତି ବେଗରେ ସୂର୍ଯ୍ୟର ସାମନା ଦେଇ ଅତିକ୍ରମ କରିବ । ଏପରି ସ୍ଥିତିରେ ଉତ୍ତର ଆମେରିକାର ଲୋକମାନେ ପ୍ରାୟ ୫୪ ବର୍ଷ ପରେ ପୂର୍ଣ୍ଣ ସୂର୍ଯ୍ୟ ପରାଗ ଦେଖିପାରିବେ । ତେବେ ଜ୍ୟୋର୍ତିବଦଙ୍କ ଦୃଷ୍ଟିରୁ ଏହି ସୂର୍ଯ୍ୟ ପରାଗ କେତେ ଗୁରୁତ୍ୱପୂର୍ଣ୍ଣ ଏବଂ କେଉଁ ରାଶିଙ୍କୁ ଲାଭ କିମ୍ୱା କ୍ଷତି ପହଞ୍ଚାଇବ ।

ଏହି ସୂର୍ଯ୍ୟ ପରାଗ ଚୈତ୍ର ନବରାତ୍ରି ଏବଂ ହିନ୍ଦୁ ନବବର୍ଷ ବିକ୍ରମ ସାୱନ୍ତ ୨୦୮୧ର ଠିକ୍ ଗୋଟିଏ ଦିନ ପୂର୍ବେ ଏପ୍ରିଲ ୮ରେ ହେବ । ଭାରତୀୟ ସମୟ ଅନୁସାରେ, ସୂର୍ଯ୍ୟ ପରାଗ ଏପ୍ରିଲ ୮ ରାତି ୯ଟାରୁ ରାତି ୨ଟା ୨୨ ଯାଏ ରହିବ । ସୂର୍ଯ୍ୟ ପରାଗର ମୋଟ ଅବଧି ୫ ଘଣ୍ଟା ୧୦ ମିନିଟ୍ ହେବ । ତେବେ ଏହି ସୂର୍ଯ୍ୟ ପରାଗ ଭାରତରେ ଦୃଶ୍ୟମାନ ହେବ ନାହିଁ ।

ସୂର୍ଯ୍ୟ ପରାଗରେ କେଉଁ ରାଶି ଉପରେ ପଡ଼ିବ ଖରାପ ପ୍ରଭାବ ?

ମେଷ- ବର୍ଷର ପ୍ରଥମ ସୂର୍ଯ୍ୟ ପରାଗ ମେଷ ରାଶିର ଲୋକଙ୍କ ଧନହାନୀର କାରଣ ହୋଇପାରେ । ନିଯୁକ୍ତି, କ୍ୟାରିୟର, କାରବାରକୁ ନେଇ ଭାବି ବିଚାରି ନିଷ୍ପତ୍ତି ନିଅନ୍ତୁ । ଖର୍ଚ୍ଚ ଅଧିକ ହେବା ଯୋଗୁଁ ବଜେଟ୍ ବିଗିଡିପାରେ । ଏହି ସମୟରେ ନିବେଶରୁ ଦୂରେଇ ରୁହନ୍ତୁ । ଅଜଣା ଲୋକଙ୍କୁ ଟଙ୍କା ଋଣ ଦିଅନ୍ତୁ ନାହିଁ ।

ମିଥୁନ- ମିଥୁନ ରାଶିର ଲୋକଙ୍କୁ ସ୍ୱାସ୍ଥ୍ୟ ସମସ୍ୟା ହୋଇପାରେ । ପୁରୁଣା ରୋଗ ବାହାରକୁ ଆସିପାରେ । ସ୍ୱାସ୍ଥ୍ୟଗତ ଖର୍ଚ୍ଚ ବଢିପାରେ । ମାଆ-ବାପା କିମ୍ୱା ଘରର ଅନ୍ୟ ବରିଷ୍ଠ ଲୋକଙ୍କ ସ୍ୱାସ୍ଥ୍ୟର ଯନ୍ତ୍ର ନିଅନ୍ତୁ ।

କନ୍ୟା- ଏହି ରାଶିର ଲୋକଙ୍କ ପାଇଁ ସୂର୍ଯ୍ୟ ପରାଗ କଷ୍ଟଦାୟକ ହୋଇପାରେ । ଜାରି ରହିଥିବା କାମରେ ବାଧା ସୃଷ୍ଟି ହୋଇପାରେ । ସ୍ୱାସ୍ଥ୍ୟର ଯନ୍ତ୍ର ନିଅନ୍ତୁ । ଏକଗ୍ରତା ଭଙ୍ଗ ହେବାରୁ କାର୍ଯ୍ୟଶୈଳୀ ପ୍ରଭାବିତ ହେବ । ବିରୋଧୀ ଭାରି ପଡିବେ, ତେଣୁ ଚାପ ବଢିବ ।

ମୀନ- ସୂର୍ଯ୍ୟ ପରାଗ ମୀନ ରାଶି ଉପରେ ମଧ୍ୟ ଲାଗିବ । ଆପଣଙ୍କୁ ଆର୍ଥିକ, କ୍ୟାରିୟର-କାରବାର ଏବଂ ସ୍ୱାସ୍ଥ୍ୟ ମାମଲାରେ କ୍ଷତି ସହିବାକୁ ପଡ଼ିପାରେ । ଖର୍ଚ୍ଚ ନିୟନ୍ତ୍ରଣ ବାହାରକୁ ଯାଇପାରେ । ଧନ ସଂଚୟ ବଡ଼ ମୁସ୍କିଲ ହେବ । ଚାକିରିର ଭଲ ସୁଯୋଗ ହାତ ଛଡ଼ା ହୋଇପାରେ ।