‘ବାପା ତୁମର ସ୍ମୃତି…,’ ରାଜୀବଙ୍କ ପୁଣ୍ୟତିଥିରେ ଇମୋଶନାଲ ହେଲେ ରାହୁଲ, ଜାଣନ୍ତୁ କ’ଣ ଲେଖିଲେ

ନୂଆଦିଲ୍ଲୀ,୨୧।୫: କଂଗ୍ରେସ ନେତା ରାହୁଲ ଗାନ୍ଧୀ ତାଙ୍କ ପିତା ତଥା ଦେଶର ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ପୁଣ୍ୟତିଥିରେ ତାଙ୍କୁ ସ୍ମରଣ କରିଛନ୍ତି। ରାଜୀବ ଗାନ୍ଧୀଙ୍କ ୩୪ତମ ଶ୍ରାଦ୍ଧ ବାର୍ଷିକୀ ଅବସରରେ ରାହୁଲ ସୋସିଆଲ ମିଡିଆରେ ଏକ ଭାବପ୍ରବଣ ପୋଷ୍ଟ ଶେୟାର କରିଛନ୍ତି। ସେ ସୋସିଆଲ ମିଡିଆରେ ରାଜୀବ ଗାନ୍ଧୀଙ୍କ ସମାଧିର ଫଟୋ ମଧ୍ୟ ଶେୟାର କରିଛନ୍ତି।
ରାହୁଲ ଏକ୍ସରେ ଏକ ପୋଷ୍ଟ ଶେୟାର କରିଛନ୍ତି। ଏଥିରେ ସେ ରାଜୀବ ଗାନ୍ଧୀଙ୍କ ସହିତ ଗୋଟିଏ ଫଟୋ ଏବଂ ତାଙ୍କର ସମାଧି ସ୍ଥଳର ଅନ୍ୟ ଏକ ଫଟୋ ଶେୟାର କରିଛନ୍ତି। ରାହୁଲ କ୍ୟାପସନରେ ଲେଖିଛନ୍ତି, ‘ପାପା, ତୁମର ସ୍ମୃତି ମୋତେ ପ୍ରତ୍ୟେକ ପଦକ୍ଷେପରେ ମାର୍ଗଦର୍ଶନ କରେ। ମୋର ସଂକଳ୍ପ ହେଉଛି ତୁମର ଅଧାଥିବା ସ୍ବପ୍ନକୁ ସାକାର କରିବା – ଏବଂ ମୁଁ ନିଶ୍ଚିତ ଭାବରେ ସେଗୁଡ଼ିକୁ ପୂରଣ କରିବି।’
କଂଗ୍ରେସ ସଭାପତି ମଲ୍ଲିକାର୍ଜୁନ ଖାର୍ଗେ ତାଙ୍କ ଶ୍ରାଦ୍ଧ ବାର୍ଷିକୀରେ ରାଜୀବ ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ସେ ରାହୁଲ ଗାନ୍ଧୀଙ୍କ ସହିତ ରାଜୀବ ଗାନ୍ଧୀଙ୍କ ସ୍ମାରକୀ ବୀର ଭୂମିରେ ପହଞ୍ଚିଥିଲେ। ତାଙ୍କ ସହିତ ଦଳର ଅନ୍ୟ ନେତାମାନେ ମଧ୍ୟ ଉପସ୍ଥିତ ଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କୁ ମଧ୍ୟ ମନେ ପକାଇଛନ୍ତି। ସେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ମାଧ୍ୟମରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।

The post ‘ବାପା ତୁମର ସ୍ମୃତି…,’ ରାଜୀବଙ୍କ ପୁଣ୍ୟତିଥିରେ ଇମୋଶନାଲ ହେଲେ ରାହୁଲ, ଜାଣନ୍ତୁ କ’ଣ ଲେଖିଲେ appeared first on Dharitri Odia News.