ବାପା ହେବାକୁ ଯାଉଛନ୍ତି କ୍ରିକେଟର କେଏଲ୍ ରାହୁଲ, ଆଥିଆ ସେଟ୍ଟି ଦେଲେ ଖୁସି ଖବର

ଭାରତୀୟ କ୍ରିକେଟର କେଏଲ୍ ରାହୁଲ ଓ ସୁନିଲ ସେଟ୍ଟିଙ୍କ ଝିଅ ଅଭିନେତ୍ରୀ ଆଥିଆ ସେଟ୍ଟି ଖୁବ୍ ଜଲଦି ବାପା, ମାଆ ହେବାକୁ ଯାଉଛନ୍ତି । ଅଭିନେତ୍ରୀ ନିଜ ପ୍ରେଗନାନ୍ସି ବିଷୟରେ ଘୋଷଣା କରି ଫ୍ୟାନମାନଙ୍କୁ ଖୁସି ଖବର ଦେଇଛନ୍ତି । ଏ ନେଇ ଆଥିଆ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି । ଏଥିରେ ସେ କହିଛନ୍ତି କି, ବହୁତ ଜଲଦି ସେ ମା’ ହେବାକୁ ଯାଉଛନ୍ତି ।

ଆଥିଆଙ୍କଠାରୁ ଏହି ଖବର ଶୁଣି ଫ୍ୟାନମାନେ ଖୁସି ହୋଇଯାଇଛନ୍ତି । କେଏଲ୍ ରାହୁଲ ଓ ଆଥିଆ ଇନଷ୍ଟାରେ ସେୟାର କରିଥିବା ଫଟୋରେ ଲେଖିଛନ୍ତି, ‘ଆମର ସୁନ୍ଦର ଆଶୀର୍ବାଦ ବହୁତ ଜଲଦି ଆସୁଛି, ୨୦୨୫’ । ଏହା ସହିତ ସେମାନେ ଇଭିଲ୍ ଆଇ ସହ ଏକ ଶିଶୁର କୁନି ପାଦ ଚିହ୍ନ ଦେଇଛନ୍ତି ।

ଆଥିଆ ଓ ରାହୁଲଙ୍କଠାରୁ ଖୁସି ଖବର ଶୁଣି ଉଭୟଙ୍କ ପରିବାରରେ ଖୁସିରେ ମାହୋଲ ରହିଛି । କପଲଙ୍କୁ ଏବେ ସମସ୍ତେ ଶୁଭେଚ୍ଛା ଜଣାଇବାରେ ଲାଗିଛନ୍ତି । ଏହି ପୋଷ୍ଟରେ ଆଥିଆଙ୍କ ଭାଇ ଅହାନ ସେଟ୍ଟି ମଧ୍ୟ କମେଣ୍ଟ ଦେଇଛନ୍ତି ।

ରାହୁଲ ଓ ଆଥିଆ ଦୁହେଁ ପରସ୍ପରକୁ ଅନେକ ବର୍ଷ ଧରି ଡେଟ୍ କରିବା ପରେ ୨୦୨୩ ଜାନୁୟାରୀ ୨୩ରେ ବିବାହ କରିଥିଲେ । ସମ୍ପୂର୍ଣ୍ଣ ବ୍ୟକ୍ତିଗତ ରୂପେ ଏହି ବିବାହ ଆକ୍ଟର ସୁନିଲ ସେଟ୍ଟିଙ୍କ ଫାର୍ମହାଉସରେ ହୋଇଥିଲା । ଏବେ କପଲ୍ ନୂଆ ପ୍ୟାରେଣ୍ଟସ୍ ହେବା ପାଇଁ ପ୍ରସ୍ତୁତିରେ ଲାଗିପଡ଼ିଛନ୍ତି ।

The post ବାପା ହେବାକୁ ଯାଉଛନ୍ତି କ୍ରିକେଟର କେଏଲ୍ ରାହୁଲ, ଆଥିଆ ସେଟ୍ଟି ଦେଲେ ଖୁସି ଖବର appeared first on KNews Odisha.