ବାପାକୁ ପଥରରେ ପିଟି ପିଟି ହତ୍ୟା ପରେ ଝିଅକୁ ଦୁଷ୍କର୍ମ କଲା ଯୁବକ, ପୋଲିସ ତଦନ୍ତ ଜାରି

ଆସିକା : ଗଞ୍ଜାମ ଜିଲ୍ଲା ଆସିକା ଥାନା ଇଲାକାରେ ଚାଞ୍ଚଲ୍ୟ  l ଦିନ ଦ୍ବିପ୍ରହରରେ ଜଣେ ବ୍ୟକ୍ତିଙ୍କ ଘରେ ପସି ବାପାକୁ ପଥରରେ ପିଟି ପିଟି ହତ୍ୟା ପରେ ଝିଅକୁ ଦୁଷ୍କର୍ମ କଲା ଜଣେ ଯୁବକ l  ଏମିତି ଘଟଣା ଦେଖିବାକୁ ମିଳିଛି ଆସିକା ଏନଏସି କଲୋନୀରେ  l ଏହି କଲୋନୀରେ ଦୋକାନ କରି ପରିବାର ପ୍ରତିପୋଷଣ କରୁଥିବା ଜଣେ ଦିବ୍ୟାଙ୍ଗଙ୍କୁ ହତ୍ୟା କରାଯାଇଛି  l

ମୃତ ଦିବ୍ୟାଙ୍ଗ ଘର ବାରଣ୍ଡା ଦୋକାନରେ ବସିଥିବା ସମୟରେ ଜଣେ ଯୁବକ ଅଚାନକ ତାଙ୍କ ଉପରକୁ ପଥରରେ ଆକ୍ରମଣ କରିବା ପରେ ଘର ଭିତରେ ପସି ଝିଅକୁ ଦୁଷ୍କର୍ମ କରିଥିଲେ  l ଏହି ସମୟରେ ଦିବ୍ୟାଙ୍ଗଙ୍କ ପତ୍ନୀ ଉଦ୍ଧାର ଲାଗି ଯାଇଥିବା ସମୟରେ ତାଙ୍କୁ ମଧ୍ୟ ଆକ୍ରମଣ ହୋଇଥିବା ଅଭିଯୋଗ କରିଛନ୍ତି  l  ତେବେ ହତ୍ୟାକାରୀ ଜୋକବନ୍ଧ ସାହିର ମୁକେଶ ଆନନ୍ଦ ନାମକ ଯୁବକ ହୋଇଥିବା ବେଳେ ସେ କାହିଁକି ଏହି ଘଟଣା ଭିଆଇଲା ତାହାର ପ୍ରକୃତ କାରଣ ଅସ୍ପଷ୍ଟ ରହିଛି l

ଅନ୍ୟପଟେ ଆକ୍ରମଣ ପରେ ସ୍ଥାନୀୟ ବାସିନ୍ଦା ଯୁବକକୁ ଅଟକ ରଖି ପୋଲିସକୁ ଜିମା ଦେଇଛନ୍ତି । ଦିବ୍ୟାଙ୍ଗଙ୍କୁ ଚିକିତ୍ସା ନିମନ୍ତେ ଆସିକା ଉପଖଣ୍ଡ ମେଡ଼ିକାଲରେ ଭର୍ତ୍ତି କରାଯାଇଥିଲା l ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିବା ବେଳେ ପୋଲିସ ଘଟଣାର ତଦନ୍ତ ଚଳାଇଛି  l

The post ବାପାକୁ ପଥରରେ ପିଟି ପିଟି ହତ୍ୟା ପରେ ଝିଅକୁ ଦୁଷ୍କର୍ମ କଲା ଯୁବକ, ପୋଲିସ ତଦନ୍ତ ଜାରି appeared first on KNews Odisha.