ବିଜେପି ଛାଡିଲେ ନୀଳଗିରି ବିଧାୟକ ଇଂ ସୁକାନ୍ତ କୁମାର ନାୟକ, ସଭାପତିଙ୍କୁ ପଠାଇଲେ ଇସ୍ତଫା ପତ୍ର

ନୀଳଗିରି ୨୯।୩: ବିଜେପି ଛାଡିଲେ ନୀଳଗିରି ବିଧାୟକ ଇଂ ସୁକାନ୍ତ କୁମାର ନାୟକ । ରାଜ୍ୟ ବିଜେପି ସଭାପତିଙ୍କୁ ପଠାଇଲେ ଇସ୍ତଫା ପତ୍ର । ଏ ନେଇ ଏକ ସାମ୍ବାଦିକ ସମ୍ମିଳନୀ ଜରିଆରେ ନୀଳଗିରି ବିଧାୟକ ସୂଚନା ଦେଇଛନ୍ତି । ତେବେ ସେ କେଉଁ ଦଳକୁ ଯିବେ ସେ ନେଇ କିଛି ସୂଚନା ଦେଇନାହାନ୍ତି । ସେ ବିଜେଡିରେ ଯୋଗଦେବା ନେଇ ଚର୍ଚ୍ଚା ହେଉଛି ।

ସୂଚନାଯୋଗ୍ୟ ଯେ, ନୀଳଗିରି ବିଧାୟକ ଇଂ ସୁକାନ୍ତ କୁମାର ନାୟକ ଗତ ୨୦୧୯ ମସିହାରେ ବିଜେଡି ଜିଲ୍ଲା ସଭାପତି ରବୀନ୍ଦ୍ର ଜେନାଙ୍କ ସହିତ ମନୋମାଳିନ୍ୟ କାରଣରୁ ବିଜେଡି ଛାଡି ବିଜେପିରେ ମିଶିଥିଲେ। ବିଜେପି ଦଳରୁ ବିଧାୟକ ପ୍ରାର୍ଥୀ ହୋଇ ଜିତିଥିଲେ । ପରେ ସାଂସଦ ପ୍ରତାପ ଷଡ଼ଙ୍ଗୀଙ୍କ କର୍ମୀ ଓ ବିଧାୟକଙ୍କ ସହ କର୍ମୀ ମାନଙ୍କ ମଧ୍ୟରେ ତାଳମେଳ ରହୁ ନଥିବାରୁ ସର୍ବଦା ବିବାଦ ଲାଗି ରହୁଥିଲା । ତେବେ ସେ ଆଜି ବିଜେପି ଦଳରୁ ଇସ୍ତଫା ବିଧିବଦ୍ଧ ଭାବେ ରାଜ୍ୟ ସଭାପତିଙ୍କୁ ଦେବା ପରେ ଏଭଳି ସୂଚନା ଦେଇଛନ୍ତି । ତେବେ ସେ କେଉଁ  ଦଳରେ ଯୋଗଦେବେ ବୋଲି କିଛି କହି ନଥିବା ବେଳେ ଆଗକୁ ସୂଚନା ଦେବେ ବୋଲି କହିଛନ୍ତି । 

ଗତ ନିର୍ବାଚନରେ ବିଜେଡି ଦଳରୁ ସନ୍ତୋଷ ଖଟୁଆ ଟିକେଟ୍ ପାଇ ମାତ୍ର ୧୫୭୭ ଖଣ୍ଡ ଭୋଟରେ ପରାଜିତ ହୋଇଥିଲେ । ଯଦି ସୁକାନ୍ତ ବିଜେଡିରେ ଯୋଗଦେବେ ତାହେଲେ ବିଜେଡି ସୁପ୍ରିମୋ କାହା ଉପରେ ଆସ୍ଥା ରଖୁଛନ୍ତି ତାହା ଉପରେ ନଜର ରହିଛି । ତେବେ ଯାହାର ଟିକେଟ୍ କଟେ ହୁଏତ ତାଙ୍କୁ ବାଲେଶ୍ଵର ସାଂସଦ ଭାବେ ଟିକେଟ୍ ମିଳିପାରେ ବୋଲି ମଧ୍ୟ ଚର୍ଚ୍ଚା ହେଉଛି ।

You Can Read :

ହାତ ଛାଡି ବିଜେଡିରେ ମିଶିଲେ ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ