ବିଦେଶୀ ଖେଳାଳି ଚାଖିବେ ମାଣ୍ଡିଆ ପୋଡ଼ ପିଠା, ଗୁଡ଼ ଛେନାପୋଡ଼, ୩ଶହ ପ୍ରକାର ଖାଦ୍ୟ ପ୍ରସ୍ତୁତ କରାଯିବ

ଭୁବନେଶ୍ୱର : ବାରବାଟୀ ଦିନିକିଆ ମ୍ୟାଚ ପାଇଁ ଭୁବନେଶ୍ବରରେ ପହଞ୍ଚିଛନ୍ତି ଉଭୟ ଭାରତ ଓ ଇଂଲଣ୍ଡ ଟିମ ଖେଳାଳି । ଉଭୟ ଦଳର ଖେଳାଳି ସ୍ବତନ୍ତ୍ର ବିମାନରେ ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରେ ଅବତରଣ କରିବା ପରେ ସେମାନଙ୍କୁ କଡ଼ା ସୁରକ୍ଷା ମଧ୍ୟରେ ସ୍ବତନ୍ତ୍ର ବସରେ ହୋଟେଲରେ ପହଞ୍ଚିଛନ୍ତି। ସେଠାରେ ଦୁଇ ଦେଶର ଖେଳାଳିଙ୍କୁ ଭବ୍ୟ ସ୍ବାଗତ କରାଯାଇଥିଲା । ଖେଳାଳିଙ୍କୁ ମଥାରେ ଚନ୍ଦନ ଟୀକା ଲଗାଇବା ସହ ପାରମ୍ପରିକ ନୃତ୍ୟରେ ସ୍ବାଗତ କରାଯାଇଛି ।  ହୋଟେଲ ମେ ଫେୟରରେ ଉଭୟ ଦଳର ଖେଳଳୀମାନଙ୍କ ପାଇଁ ରହିବା ବ୍ୟବସ୍ଥା ହୋଇଚି । ହୋଟେଲର 98ଟି ରୁମ୍ ବୁକ୍ ହୋଇଥିବା ଜଣାଯାଇଛି । ଖେଳାଳିଙ୍କୁ ପାଖରେ ପାଇ ଉତ୍ସାହିତ ଥିଲେ ଫ୍ୟାନସ ଓ ପ୍ରଶଂସକ ।

ଖେଳାଳିମାନଙ୍କ ସୁରକ୍ଷା ପାଇଁ କମିସନରେଟ୍ ପୋଲିସ ପକ୍ଷରୁ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ସୁରକ୍ଷା ପାଇଁ ୫୦ ପ୍ଲାଟୁନ ପୋଲିସ ମୁତୟନ ହେବେ। କାଲି ଉଭୟ ଦଳର ଖେଳାଳି ଅଭ୍ୟାସ ପାଇଁ ବସରେ ବାରବାଟୀ ଷ୍ଟାଡିୟମ ଯିବେ । ଏଥିପାଇଁ ପୂରା ରୁଟ ଲାଇନିଂ ବ୍ୟବସ୍ଥା ହୋଇଛି । ରାସ୍ତାରେ ଯେଭଳି କୌଣସି ଟ୍ରାଫିକ ସମସ୍ୟା ନ ହେବ ସେଥିପାଇଁ ବ୍ୟବସ୍ଥା କରାଯାଇଛି । ଷ୍ଟାଡିୟମକୁ ଦର୍ଶକଙ୍କୁ ପାଣି ବୋତଲ ନେବା ମନା। ସେହିପରି ଫିଙ୍ଗିବା ଭଳି ସାମଗ୍ରୀ ଉପରେ ନେବା ଉପରେ କଟକଣା ଲଗାଯାଇଛି ।

ବିଦେଶୀ ଖେଳାଳି ଚାଖିବେ ମାଣ୍ଡିଆ ପୋଡ଼ ପିଠା, ଗୁଡ଼ ଛେନାପୋଡ଼। ମେ ଫେୟାହ ହୋଟଲରେ ରହିବେ ଉଭୟ ଭାରତୀୟ ଓ ଇଂଲଣ୍ଡ ଖେଳାଳି। ସେମାନଙ୍କ ପାଇଁ ପ୍ରାୟ ୩ଶହ ପ୍ରକାର ଖାଦ୍ୟ ପ୍ରସ୍ତୁତ କରାଯିବ। ସେଥିରେ ରହିଛି ୨୦-୨୫ ପ୍ରକାର ନୂଆ ଓଡ଼ିଆ ଖାଦ୍ୟ। ସ୍ବାସ୍ଥ୍ୟକର ଖାଦ୍ୟ ଉପରେ ଫୋକସ ରହିଛି। ଖେଳାଳିଙ୍କ ପାଇଁ କମ ତୈଳ ଯୁକ୍ତ ଓ ସର୍କରା ମୁକ୍ତ ଖାଦ୍ୟ ପ୍ରସ୍ତୁତ ହେବ।

ଓଡ଼ିଆ ଖାଦ୍ୟ ଖାଣ୍ଟି ଘିଅରେ ପ୍ରସ୍ତୁତ ହେବ। ଓଡ଼ିଆ ସହ, କଣ୍ଟିନେଣ୍ଟାଲ, ଚାଇନିଜ୍, ଇଟାଲିଆନ, ମେକ୍ସିକାନ୍ , ଉତ୍ତର ଭାରତୀୟ ଆଦି ଖାଦ୍ୟ ପରସା ଯିବ। ଖେଳାଳିଙ୍କ ଖାଦ୍ୟ ପ୍ରସ୍ତୁତି ନେଇ ସ୍ବତନ୍ତ୍ର ନିର୍ଦ୍ଦେଶ ଆସିଛି। କମ ତୈଳ ଯୁକ୍ତ, ସ୍ବାସ୍ଥ୍ୟକର ଓ ସଜ ଖାଦ୍ୟ ପାଇଁ କୁହାଯାଇଛି। ମ୍ୟାଚ୍ ଥିବାରୁ ଖେଳାଳିମାନେ ରେଡ୍ ମିଟ୍ ଠାରୁ ଦୂରେଇ ରୁହନ୍ତୁ। ତେଣୁ ହ୍ୱାଇଟ୍ ମିଟ୍ ଉପରେ ଧ୍ୟାନ ଦିଆଯାଇଛି।  ଖେଳାଳି ଚାଖିବେ ୩ଶହ ପ୍ରକାର ଖାଦ୍ୟ ।

The post ବିଦେଶୀ ଖେଳାଳି ଚାଖିବେ ମାଣ୍ଡିଆ ପୋଡ଼ ପିଠା, ଗୁଡ଼ ଛେନାପୋଡ଼, ୩ଶହ ପ୍ରକାର ଖାଦ୍ୟ ପ୍ରସ୍ତୁତ କରାଯିବ appeared first on KNews Odisha.