ବିପଦରେ ଫସିଛନ୍ତି କି? ଏହି ୫ କଥାରେ ଦୂର ହେବ ବଡ଼ ସମସ୍ୟା

ଆଚାର୍ଯ୍ୟ ଚାଣକ୍ୟଙ୍କ ରଚିତ ‘ଚାଣକ୍ୟ ନୀତି’ରେ ମନୁଷ୍ୟ ଜୀବନକୁ ସଫଳ କରିବାକୁ ନେଇ ଅନେକ ନୀତି ବିଷୟରେ ଉଲ୍ଲେଖ ରହିଛି। ଏହାକୁ ସଠିକ୍‌ ଭାବେ ପାଳନ କଲେ ସଫଳ ହେବାଠାରୁ କେହି ବି ରୋକି ପାରିବେ ନାହିଁ। ଚାଣକ୍ୟ କହିଛନ୍ତି ବିପଦ ସମୟରେ ଜଣେ ବ୍ୟକ୍ତିଙ୍କୁ ଏହି ୫ କଥା ମନେ ରଖିବା ଉଚିତ…

-ଚାଣକ୍ୟ ନୀତି ଅନୁଯାୟୀ, ବିପଦ ବେଳେ ବ୍ୟକ୍ତିଙ୍କୁ ସାବଧାନ ରହିବା ଉଚିତ। କାରଣ ସେତେବେଳେ ପାଖରେ ସୀମୀତ ସୁଯୋଗ ଥାଏ ଏବଂ ଅଧିକ ଚ୍ୟାଲେଞ୍ଜ ଥାଏ। ଏମିତିରେ ଛୋଟିଆ ଭୁଲ ଅଧିକ କ୍ଷତି କରିପାରେ। ଏଣୁ ସାବଧାନ ରହିବା ଉଚିତ।

-ଚାଣକ୍ୟ ନିଜର ନୀତିରେ କହିଛନ୍ତି ମନୁଷ୍ୟକୁ ବିପଦ ସମୟରୁ ବାହାରକୁ ଆସିବା ଲାଗି ଠୋସ୍‌ ରଣନୀତି ପ୍ରସ୍ତୁତ କରିବାର ଆବଶ୍ୟକତା ଥାଏ। ବିପଦ ସମୟରେ ତାକୁ ସେହି ରଣନୀତି ଅନୁଯାୟୀ ପାଦରେ ପାଦ ମିଶାଇ କାମ କରିବାକୁ ପଡ଼ିଥାଏ। ଅନ୍ତତଃ ବିଜେତା ହୋଇଥାଏ। ଆପାତକାଳୀନ ସ୍ଥିତିରେ ଯାହା ପାଖରେ କୌଣସି ରଣନୀତି ନ ଥାଏ ତାକୁ କ୍ଷତି ସହିବାକୁ ପଡ଼ିଥାଏ। ଏଣୁ ବିପଦ ସମୟରେ ସାବଧାନ ରୁହନ୍ତୁ।

-ବିପଦ ସମୟରେ ନିଜ ପରିବାର ପ୍ରତି ନିଜର କର୍ତ୍ତବ୍ୟ ପାଳନ କରିବା ବ୍ୟକ୍ତିର ପ୍ରଥମ କର୍ତ୍ତବ୍ୟ। ଏଥିସହ ପରିବାର ସଦସ୍ୟଙ୍କ ସୁରକ୍ଷାର ବିଶେଷ ଧ୍ୟାନ ଦେବା ଉଚିତ। ଏପରି କରିବା ଦ୍ୱାରା କୌଣସି ବି ଅସୁବିଧାରୁ ବର୍ତ୍ତିଯାଇ ପାରିବେ। ଜୀବନରେ ଆସୁଥିବା ଝଡ଼ଝଞ୍ଜାକୁ ସାହସର ସହ ମୁକାବିଲା କରିପାରିବେ।

-ଚାଣକ୍ୟ ନୀତି ଅନୁସାରେ ବ୍ୟକ୍ତିକୁ ସର୍ବପ୍ରଥମେ ନିଜର ସ୍ବାସ୍ଥ୍ୟ ପ୍ରତି ଯତ୍ନବାନ ହେବା ଉଚିତ। କାରଣ ଏହା ସବୁଠାରୁ ବଡ଼ ଧନ। ଯଦି ଜଣଙ୍କର ସ୍ବାସ୍ଥ୍ୟ ଭଲ ରହିବ ତେବେ ଆପଣ ବିପଦ ସମୟରେ ବାହାରକୁ ଆସିବା ପାଇଁ ଯଥାସମ୍ଭବ ପ୍ରୟାସ କରିଥାଏ। ମାନସିକ ଏବଂ ଶାରୀରିକ ଶକ୍ତି ଯୋଗେ ଚ୍ୟାଲେଞ୍ଜକୁ ଜିତି ହୁଏ। ଶତ୍ରୁକୁ ପରାଜୟ କରିହୁଏ।

The post ବିପଦରେ ଫସିଛନ୍ତି କି? ଏହି ୫ କଥାରେ ଦୂର ହେବ ବଡ଼ ସମସ୍ୟା appeared first on Dharitri Odia News.