ବିବାହ ବାର୍ଷିକୀରେ ଏମିତି କାମ କଲେ ଐଶ୍ୱର୍ଯ୍ୟା: ବଢୁଛି ଚର୍ଚ୍ଚା

ବଲିଉଡ୍‌ର ନୀଳ ନୟନା ଐଶ୍ୱର୍ଯ୍ୟା ରାୟ ବଚ୍ଚନ ଏବଂ ଅଭିଷେକ ବଚ୍ଚନଙ୍କ ପାଇଁ ଗତ କିଛି ମାସ ଭଲ ନ ଥିଲା। ବଚ୍ଚନ ପରିବାର ମଧ୍ୟରେ ଫାଟ ଏବଂ ଅଭିଷେକ ଏବଂ ଐଶ୍ୱର୍ଯ୍ୟାଙ୍କ ମଧ୍ୟରେ ଛାଡପତ୍ର ବିଷୟରେ ଚର୍ଚ୍ଚା ଜୋର ଧରିଥିଲା। କିନ୍ତୁ ଫେବୃଆରୀରେ ଐଶ୍ୱର୍ଯ୍ୟା, ଅଭିଷେକ ଏବଂ ଅମିତାଭ ଆରାଧ୍ୟାଙ୍କ ସ୍କୁଲ ବାର୍ଷିକ ଉତ୍ସବ କାର୍ଯ୍ୟକ୍ରମରେ ଏକାଠି ଯୋଗ ଦେଇଥିଲେ। କେବଳ ଏତିକି ନୁହେଁ, ଉଭୟଙ୍କୁ ଏକ ପାର୍ଟିରେ ମଧ୍ୟ ଏକାଠି ଦେଖିବାକୁ ମିଳିଥିଲା। ସେବେଠାରୁ, ସେମାନଙ୍କ ଛାଡପତ୍ରକୁ ନେଇ କଳ୍ପନାଜଳ୍ପନାର ଅନ୍ତ ଘଟିଥିଲା। ଐଶ୍ୱର୍ଯ୍ୟା ଏବଂ ଅଭିଷେକଙ୍କ ମଧ୍ୟରେ ଏକ ଭଲ ସମ୍ପର୍କ ଅଛି। ଐଶ୍ୱର୍ଯ୍ୟା ଏକ ପରିବାର ଫଟୋ ଶେୟାର କରି ଏହାର ପ୍ରମାଣ ମଧ୍ୟ ଦେଇଛନ୍ତି।

ଐଶ୍ୱର୍ଯ୍ୟା ଏବଂ ଅଭିଷେକ ବିବାହର ୧୮ ବର୍ଷ ପୂରଣ କରିଛନ୍ତି। ଉଭୟ ୨୦ ଏପ୍ରିଲ ୨୦୦୭ରେ ବିବାହ କରିଥିଲେASH। ବିବାହର ୧୮ ବର୍ଷ ପୂରଣ ହେବା ପରେ, ଐଶ୍ୱର୍ଯ୍ୟା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ହୃଦୟସ୍ପର୍ଶୀ ପରିବାର ଫଟୋ ଶେୟାର କରିଛନ୍ତି। ଏହି ଫଟୋ ଇଣ୍ଟରନେଟରେ ଭାଇରାଲ ହେବାରେ ଲାଗିଛି। ଫଟୋରେ ଐଶ୍ୱର୍ଯ୍ୟା ସ୍ବାମୀ ଅଭିଷେକ ଏବଂ ଝିଅ ଆରାଧ୍ୟାଙ୍କ ସହ ପୋଜ ଦେଉଛନ୍ତି। ସେମାନଙ୍କ ବିବାହ ବାର୍ଷିକୀ ଅବସରରେ, ତିନିଜଣ ହାଲୁକା ରଙ୍ଗର ପୋଷାକ ପିନ୍ଧିଛନ୍ତି। ଐଶ୍ୱର୍ଯ୍ୟା କ୍ୟାପସନରେ କେବଳ ଏକ ଧଳା ହାର୍ଟ ଇମୋଜି ଯୋଡ଼ିଥିଲେ।

ଐଶ୍ୱର୍ଯ୍ୟାଙ୍କୁ ଶେଷ ଥର ପାଇଁ ତାମିଲ ଚଳଚ୍ଚିତ୍ର ‘ପୋନିୟିନ ସେଲଭାନ:୨’ରେ ଦେଖିବାକୁ ମିଳିଥିଲା। ଏହି ସମୟରେ, ଅଭିଷେକ ବଚ୍ଚନ ତାଙ୍କର ପରବର୍ତ୍ତୀ ଫିଲ୍ମ ’କିଂ’ ପାଇଁ ପ୍ରସ୍ତୁତି କରୁଛନ୍ତି। ଏଥିରେ ସେ ଶାହରୁଖ ଏବଂ ସୁହାନାଙ୍କ ସହ କାମ କରିବେ। ସିଦ୍ଧାର୍ଥ ଆନନ୍ଦ ଏହି ଫିଲ୍ମର ନିର୍ଦ୍ଦେଶନା ଦେଉଛନ୍ତି।

The post ବିବାହ ବାର୍ଷିକୀରେ ଏମିତି କାମ କଲେ ଐଶ୍ୱର୍ଯ୍ୟା: ବଢୁଛି ଚର୍ଚ୍ଚା appeared first on Dharitri Odia News.