ବିମାନ ଯାତ୍ରା ଏବେ ହେବ ଆହୁରି ସହଜ, ଖୁବ୍‌ ଶୀଘ୍ର ଦିଲ୍ଲୀ ବିମାନବନ୍ଦରରେ ଚାଲିବାକୁ ଯାଉଛି ଏୟାର ଟ୍ରେନ

ଦିଲ୍ଲୀ ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ଯାତ୍ରା କରୁଥିବା ଯାତ୍ରୀମାନଙ୍କ ପାଇଁ ଏକ ଖୁସି ଖବର । ଦିଲ୍ଲୀ ବିମାନବନ୍ଦରରେ ଏବେ ଏୟାର ଟ୍ରେନ ଚଲାଇବାର ଯୋଜନା କରାଯାଇଛି । ଏହିି ଟ୍ରେନଟି ଦିଲ୍ଲୀ ବିମାନବନ୍ଦରର ତିନୋଟି ଟର୍ମିନାଲ ଦେଇ ଯାତ୍ରା କରିବ । DIAL ଦ୍ୱାରା ପରିଚାଳିତ ଏହି ବିମାନବନ୍ଦରଟି ହେଉଛି ଦେଶର ସବୁଠାରୁ ବ୍ୟସ୍ତବହୁଳ ବିମାନବନ୍ଦର ।

ଏୟାର ଟ୍ରେନ କ’ଣ ? ଓ ଏହା କେବେ ଆରମ୍ଭ ହେବ ?

ଏୟାର ଟ୍ରେନ ହେଉଛି ଏକ ସ୍ୱତନ୍ତ୍ର ଟ୍ରେନ ଯାହା ବିମାନବନ୍ଦର ଭିତରେ ଯାତ୍ରୀମାନଙ୍କୁ ଗୋଟେ ଟର୍ମିନାଲରୁ ଆଉଗୋଟେ ଟର୍ମିନାଲକୁ ନେବ। ଏହି ଟ୍ରେନଟି ସମ୍ପୂର୍ଣ୍ଣ ଭାବେ ସ୍ୱୟଂଚାଳିତ ଏବଂ ଏହା ନଅଟକି ଚାଲିଥାଏ । ଏୟାର ଟ୍ରେନ ଚାଲିବାର କୌଣସି ନିର୍ଦ୍ଦିଷ୍ଟ ତାରିଖ ଦିଆଯାଇନାହିଁ । ଆଶା କରାଯାଉଛି କି ଏହି ପ୍ରୋଜେକ୍ଟ ୨୦୨୭ ସୁଦ୍ଧା ଶେଷ ହୋଇଯିବ ।
ଦିଲ୍ଲୀ ବିମାନବନ୍ଦରରେ ୩ ଟି ଟର୍ମିନାଲ ରହିଛି – T1,T2 ଓ T3 । ବର୍ତ୍ତମାନ ପର୍ଯ୍ୟନ୍ତ, ଏହି ଟର୍ମିନାଲ ମଧ୍ୟରେ କାର କିମ୍ବା ବସ୍‌ ଯୋଗେ ଲୋକମାନେ ଯାତ୍ରା କରୁଛନ୍ତି । ଯାହାକି ବହୁତ ସମୟ ନେଉଛି । ଏୟାର ଟ୍ରେନ ଚାଲିବା ଦ୍ୱାରା ଯାତ୍ରୀମାନଙ୍କ ସମୟ ମଧ୍ୟ ବଞ୍ଚିପାରିବ। ଏହି ଟ୍ରେନ ଟର୍ମିନାଲ ୧ରୁ ଆରମ୍ଭ ହୋଇ ଟର୍ମିନାଲ୨ ଓ ଟର୍ମିନାଲ ୩କୁ ଯାତ୍ରା କରିବ ।

ଟ୍ରେନରେ ଯାତ୍ରୀମାନଙ୍କ ପାଇଁ କ’ଣ ସୁବିଧା ରହିଛି ?

ଏୟାର ଟ୍ରେନରେ ପ୍ରଥମେ ଯାତ୍ରୀଙ୍କ ସୁରକ୍ଷା ଉପରେ ସମ୍ପୂର୍ଣ୍ଣ ଧ୍ୟାନ ଦିଆଯାଇଛି । ଯାତ୍ରୀମାନେ ବସିବା ପାଇଁ ଏଥିରେ ପର୍ଯ୍ୟାପ୍ତ ଜାଗା ପାଇବେ । ଏହା ବ୍ୟତୀତ ଆହୁରି ଅନେକ ସୁବିଧା ରହିଛି । ଯେମିତି କି, ଏହି ଟ୍ରେନରେ ଯାତ୍ରା କଲେ କମ୍‌ ସମୟ ଲାଗିବ ଓ ଯାତ୍ରାଟି ଖୁବ୍‌ ଆରାମଦାୟକ ହେବ । ଅନୁମାନ କରାଯାଉଛି କି ଏହି ଟ୍ରେନରେ ଯାତ୍ରା କରିବା ପାଇଁ କୌଣସି ଭଡା ଦେବାକୁ ପଡ଼ିବ ନାହିଁ ।

The post  ବିମାନ ଯାତ୍ରା ଏବେ ହେବ ଆହୁରି ସହଜ, ଖୁବ୍‌ ଶୀଘ୍ର ଦିଲ୍ଲୀ ବିମାନବନ୍ଦରରେ ଚାଲିବାକୁ ଯାଉଛି ଏୟାର ଟ୍ରେନ appeared first on KNews Odisha.