ଭାଙ୍ଗିବ ସବୁ ରେକର୍ଡ! ଅମିତ ଶାହାଙ୍କ ପାଇଁ ଭାଜପା ରଖିଲା ବଡ ଟାର୍ଗେଟ

ନୂଆଦିଲ୍ଲୀ,୬।୫: ଚଳିତ ଲୋକ ସଭା ନିର୍ବାଚନ ୨୦୨୪ ରେ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଭାଜପାର ପାରମ୍ପାରିକ ଆସନ ଗାନ୍ଧୀ ନଗରରୁ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି। ଆଜି ସେ ତାଙ୍କ ନାମାଙ୍କନପତ୍ର ଦାଖଲ କରିଥିଲେ। ଗାନ୍ଧୀ ନଗର ଲୋକ ସଭା ଆସନରୁ କଂଗ୍ରେସ ଏକ ଶକ୍ତିଶାଳୀ ପ୍ରାର୍ଥୀ ଦେବାରେ ବିଫଳ ହୋଇଛି। ତେଣୁ ଭାଜପା ଆଶା କରୁଛି ଯେ ଏଥର ଅମିତ ଶାହା ଗତଥର ତୁଳନାରେ ଅଧିକ ବ୍ୟବଧାନରେ ଏହି ଆସନ ଜିତିବାକୁ ଯାଉଛନ୍ତି। ୨୦୧୯ ଲୋକ ସଭା ନିର୍ବାଚନରେ ଅମିତ ଶାହା ସାଢେ ପାଞ୍ଚ ଲକ୍ଷ ଭୋଟରେ ଜିତିଥିଲେ।

ଏଥର ଭାରତୀୟ ଜନତା ପାର୍ଟି ଅମିତ ଶାହାଙ୍କ ପାଇଁ ୧୦ ଲକ୍ଷ ଭୋଟରେ ବିଜୟ ଲକ୍ଷ୍ୟ ସ୍ଥିର କରିଛନ୍ତି। ଏହାର ଅର୍ଥ ହେଉଛି କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀଙ୍କ ପାଇଁ ୧୦ ଲକ୍ଷରୁ ଅଧିକ ଭୋଟର ରେକର୍ଡ ବିଜୟ ବ୍ୟବଧାନ ଆଶା କରଯୋଇଛି। ଅତୀତରେ, ମୁଖ୍ୟତଃ ସହରାଞ୍ଚଳ ନିର୍ବାଚନମଣ୍ଡଳୀରେ ଭାଜପା ଷ୍ଟାଲୱାର୍ଟ ଏଲ.କେ ଆଡଭାନୀ ଏବଂ ଅଟଳ ବିହାରୀ ବାଜପେୟୀ ପ୍ରତିନିଧିତ୍ୱ କରିଛନ୍ତି। ଯଦିଓ ଏହି ଆସନ ୧୯୮୯ ରୁ ଭାଜପାର ଏକ ଗଡ଼ ହୋଇଆସୁଛି। କିନ୍ତୁ ଯେତେବେଳେ କଂଗ୍ରେସ ଟି ଏନ ସେଶନ ଏବଂ ରାଜେଶ ଖାନ୍ନାଙ୍କ ପରି ହାଇ-ପ୍ରୋଫାଇଲ ପ୍ରାର୍ଥୀ ଚୟନ କଲା, ସେତେବେଳେ ଆକର୍ଷଣୀୟ ପ୍ରତିଯୋଗିତା ଦେଖିବାକୁ ମିଳିଥିଲା।

The post ଭାଙ୍ଗିବ ସବୁ ରେକର୍ଡ! ଅମିତ ଶାହାଙ୍କ ପାଇଁ ଭାଜପା ରଖିଲା ବଡ ଟାର୍ଗେଟ appeared first on Dharitri Odia News.