ଭାରତ ଆସୁଥିବା ଇସ୍ରାଏଲୀ ଜାହାଜକୁ କବଜା କଲା ଇରାନ : ରିପୋର୍ଟ

ନୂଆଦିଲ୍ଲୀ: ଇରାନର ରିଭୋଲ୍ୟୁସନରୀ ଗାର୍ଡ୍ସ ଶନିବାର ଇସ୍ରାଏଲ ସହ ଜଡିତ ଏକ କଣ୍ଟେନର ଜାହାଜ ଉପରେ କବଜା କରିଛି । ଦେଶର ସରକାରୀ ମିଡିଆ ଏହି ସୂଚନା ଦେଇଛି । ଇରାନ ପକ୍ଷରୁ ଜହାଜ କବଜା ଘୋଷଣା ପରେ ଇସ୍ରାଏଲ ସେନା ଶନିବାର ଚେତାବନୀ ଦେଇଛି ଯେ ଇରାନକୁ କ୍ଷେତ୍ରରେ ସଂଘର୍ଷ ବଢାଇବାର ପରିମାଣ ଭୋଗିବାକୁ ପଡ଼ିବ । ସୈନ୍ୟ ମୁଖପାତ୍ର ଡାନିଏଲ ହଗାରୀ ଏକ ବୟାନରେ କହିଛନ୍ତି, ଇରାନକୁ ସ୍ଥିତି ଖରାପ କରିବା ପରିମାଣ ଭୋଗିବାକୁ ପଡ଼ିବ ।

ଷ୍ଟେଟ୍ ନ୍ୟୁଜ୍ ଏଜେନ୍ସି ଆଇଆରଏନଏ କହିଛନ୍ତି, ଏମସିଏସ ଏରିଜ ନାମକ ଏକ କଣ୍ଟେନର ଜାହାଜକୁ ସେପାହ (ଗାର୍ଡ) ନେଭି ସ୍ପେଶାଲ ଫୋର୍ସ ହେଲିବର୍ଣ୍ଣ ଅପରେସନରେ କବଜା କରିଛି । ଏହି ଜାହାଜ ଏବେ ଇରାନର ଅଧିକାରର ସାମୁଦ୍ରିକ କ୍ଷେତ୍ରକୁ ପଠାଯାଇଛି ।

ଇରାନର ରିପୋର୍ଟ ଏପରି ସମୟରେ ଆସିଛି, ଯେତେବେଳେ ଦୁଇ ସାମୁଦ୍ରିକ ଏଜେନ୍ସି କହିଛି ଯେ କ୍ଷେତ୍ରୀୟ ଅଧିକାରୀମାନେ ୟୁଏଇର କୂଳରୁ କବଜା କରିଛି । ଘଟଣାକୁ ନେଇ ରୟାଲ ନେଭିର ୟୁନାଇଟେଡ କିଙ୍ଗଡମ ମେରିଟାଇମ ଡ୍ରେଡ୍ ଅପରେସନ ଏଜେନ୍ସି ମଧ୍ୟ କହିଛି ଯେ, ଜାହାଜକୁ କ୍ଷେତ୍ରୀୟ ଅଧିକାରୀଙ୍କ ଦ୍ୱାରା ଫୁଜୋରାହ ଉପକୂଳରୁ କବଜା କରାଯିବା ସୂଚନା ମିଳିଛି । 

ସୁରକ୍ଷା ଫାର୍ମ ଏମ୍ୱ୍ରୋ କହିଛି ଯେ ଅନ୍ତତଃ ତିନି ଜଣ ବ୍ୟକ୍ତି ହେଲିକପ୍ଟରରୁ ଏକ କଣ୍ଟେନର ଜାହାଜ ଉପରେ ଓହ୍ଲାଉଥିବା ଫୁଟେଜ ଦେଖିବାକୁ ମିଳିଛି । ଫାର୍ମ କହିଛି, ଇରାନର ରିଭୋଲ୍ୟୁସନରୀ ଗାର୍ଡ୍ସ ପୂର୍ବରୁ ବି ଜାହାଜରେ ଚଢିବା ପାଇଁ ଏହିପରି ଉପାୟ ଆପଣାଇ ସାରିଛି ।