ଭାରତ ପାଇଁ କାଳ ସାଜିଛି ନକ୍‌ଆଉଟ୍‌ ଷ୍ଟେଜ୍‌: ୧୦ ବର୍ଷରେ ହାରିଲାଣି…

ନୂଆଦିଲ୍ଲୀ,୧୩।୨: ଆଇସିସି ଟୁର୍ନାମେଣ୍ଟର ନକଆଉଟ ମ୍ୟାଚରେ ଟିମ ଇଣ୍ଡିଆର ହାରିବା ପ୍ରକ୍ରିୟା କ୍ରମାଗତ ଭାବେ ଜାରି ରହିଛି। ନିକଟରେ ଭାରତୀୟ ମାଟିରେ ଏକଦିବସୀୟ ବିଶ୍ୱକପ ଖେଳାଯାଇଥିଲା। ରୋହିତ ଶର୍ମାଙ୍କ ଅଧିନାୟକତ୍ୱରେ ଟିମ ଇଣ୍ଡିଆ କ୍ରମାଗତ ୧୦ଟି ମ୍ୟାଚ ଜିତିଥିଲା, କିନ୍ତୁ ଫାଇନାଲରେ ଅଷ୍ଟ୍ରେଲିଆ ବିପକ୍ଷରେ ପରାଜୟର ସମ୍ମୁଖୀନ ହେବାକୁ ପଡିଥିଲା। ଏଥି ସହିତ ବର୍ତ୍ତମାନ ଅଣ୍ଡର -୧୯ କ୍ରିକେଟ ବିଶ୍ୱକପ ଫାଇନାଲରେ ଭାରତୀୟ ଦଳ ହାରିଛି। ଫାଇନାଲରେ ଅଷ୍ଟ୍ରେଲିଆ ୭୯ ରନ୍‌ରେ ଭାରତକୁ ପରାସ୍ତ କରିଛି। ବରିଷ୍ଠ ଭାରତୀୟ ଦଳ ବିଷୟରେ କହିବାକୁ ଗଲେ ଏହା ପ୍ରାୟ ୧୦ ବର୍ଷ ପୂର୍ବେ ଆଇସିସି ଟ୍ରଫି ଜିତିଥିଲା, କିନ୍ତୁ ସେବେଠାରୁ ଏହା ନକଆଉଟ ମ୍ୟାଚରେ କ୍ରମାଗତ ଭାବେ ହାରି ଆସୁଥିଲା।
ଭାରତୀୟ ଦଳ ଶେଷ ଥର ପାଇଁ ଆଇସିସି ଚାମ୍ପିଅନ୍ସ ଟ୍ରଫି ୨୦୧୩ ଜିତିଥିଲା, କିନ୍ତୁ ଏହା ପରେ ଆଇସିସି ଟ୍ରଫି ଜିତିବାରେ ସକ୍ଷମ ହୋଇ ନାହିଁ। ଯଦିଓ ଟିମ ଇଣ୍ଡିଆ ଅନେକ ଥର ଫାଇନାଲରେ ପ୍ରବେଶ କରିଛି, କିନ୍ତୁ ଟ୍ରଫି ଜିତିବାରେ ବିଫଳ ହୋଇଛି। ପରିସଂଖ୍ୟାନରୁ ଜଣାପଡିଛି ଯେ, ଭାରତୀୟ ଦଳ ଟି -୨୦ ବିଶ୍ୱକପ ୨୦୧୪ର ଫାଇନାଲରେ ପହଞ୍ଚିଥିଲା, କିନ୍ତୁ ଶ୍ରୀଲଙ୍କା ବିପକ୍ଷରେ ହାରିଥିଲା। ଦିନିକିଆ ବିଶ୍ୱକପ ୨୦୧୫ର ସେମିଫାଇନାଲରେ ଟିମ ଇଣ୍ଡିଆ ଅଷ୍ଟ୍ରେଲିଆ ବିପକ୍ଷରେ ହାରିଥିଲା। ଏହାପରେ, ଟି-୨୦ ବିଶ୍ୱକପ ୨୦୧୬ର ସେମିଫାଇନାଲରେ ୱେଷ୍ଟଇଣ୍ଡିଜଠାରୁ ହାରିଥିଲା। କିନ୍ତୁ ଟିମ ଇଣ୍ଡିଆର ପରାଜୟର ସିରିଜ ଏଠାରେ ବନ୍ଦ ହୋଇନାହିଁ ।
ବିରାଟ କୋହଲିଙ୍କ ଅଧିନାୟକତ୍ୱରେ ଆଇସିସି ଚାମ୍ପିଅନ୍ସ ଟ୍ରଫିର ଫାଇନାଲରେ ଟିମ ଇଣ୍ଡିଆ ହାରିଥିଲା। ଫାଇନାଲରେ ପାକିସ୍ତାନ ଟିମ ଇଣ୍ଡିଆକୁ ପରାସ୍ତ କରିଥିଲା। ଦିନିକିଆ ବିଶ୍ୱକପ ୨୦୧୯ର ସେମିଫାଇନାଲରେ ନ୍ୟୁଜିଲାଣ୍ଡ ଭାରତକୁ ପରାସ୍ତ କରିଥିଲା। ଏହା ପରେ ଭାରତୀୟ ଦଳ ଟି-୨୦ ବିଶ୍ୱକପ ୨୦୨୨ର ସେମିଫାଇନାଲରେ ଇଂଲଣ୍ଡକୁ ହାରିଥିଲା। ଏଥି ସହିତ ନିକଟରେ ରୋହିତ ଶର୍ମାଙ୍କ ଅଧିନାୟକତ୍ୱ କରିଥିବା ଭାରତୀୟ ଦଳ ଦିନିକିଆ ବିଶ୍ୱକପ ଫାଇନାଲରେ ଅଷ୍ଟ୍ରେଲିଆକୁ ହାରିଥିଲା। ଏହିପରି, ଟିମ ଇଣ୍ଡିଆ କ୍ରମାଗତ ଭାବରେ ଆଇସିସି ଟୁର୍ନାମେଣ୍ଟର ନକଆଉଟ ମ୍ୟାଚରେ ହାରିଯାଉଛି । ଆଇସିସି ଟୁର୍ନାମେଣ୍ଟର ନକଆଉଟ ମ୍ୟାଚ ରେ ଭାରତୀୟ ଦଳର ହାରିବା ପ୍ରାୟ ୧୦ ବର୍ଷ ଧରି ଚାଲିଛି।

The post ଭାରତ ପାଇଁ କାଳ ସାଜିଛି ନକ୍‌ଆଉଟ୍‌ ଷ୍ଟେଜ୍‌: ୧୦ ବର୍ଷରେ ହାରିଲାଣି… appeared first on Dharitri Odia News.