ଭାରତ ସମେତ ୩ ଦେଶରେ ଶକ୍ତିଶାଳୀ ଭୂମିକମ୍ପ ଝଟକା, ଇରାନରେ ତୀବ୍ରତା ୫.୬ ରେକର୍ଡ

ନୂଆଦିଲ୍ଲୀ ୨୦।୦୭; ଭୂମିକମ୍ପର ଝଟକା ଯୋଗୁଁ ପୁଣି ଥରେ ଥରିଲା ପୃଥିବୀ। ଆଜି ସକାଳେ ଭାରତ, ତାଜିକିସ୍ତାନ ଏବଂ ଇରାନରେ ଭୂମିକମ୍ପ ହୋଇଥିଲା। ରାତି ୧୨ଟା ପରେ ସକାଳ ୫ଟା ଯାଏଁ ଭୂମିକମ୍ପ ଯୋଗୁଁ ତିନୋଟି ଦେଶରେ ଆତଙ୍କ ଖେଳିଯାଇଥିଲା। ହେଲେ ତିନୋଟି ଦେଶରେ ଭୂମିକମ୍ପ ଯୋଗୁଁ କୌଣସି ଜୀବନ କିମ୍ବା ସମ୍ପତ୍ତି କ୍ଷୟକ୍ଷତିର ଖବର ନାହିଁ, କିନ୍ତୁ ଲୋକଙ୍କ ମଧ୍ୟରେ ଭୟର ବାତାବରଣ ରହିଛି।

ଭାରତର ଆସାମ ରାଜ୍ୟର ନାଗାଓଁ ଜିଲ୍ଲାରେ ପ୍ରଥମେ ଭୂମିକମ୍ପ ଆସିଥିଲା। ରାତି ପ୍ରାୟ ୧୨:୫୬ ସମୟରେ ପ୍ରାୟ ୧୨:୫୬ ସମୟରେ ଭୂମିକମ୍ପ ହୋଇଥିଲା। ଯାହାର ତୀବ୍ରତା ରିକ୍ଟର ସ୍କେଲରେ ୨.୯ ମାପ କରାଯାଇଥିଲା। ସେହି ସମୟରେ, ଏହି ଭୂମିକମ୍ପର କେନ୍ଦ୍ରସ୍ଥଳ ପୃଥିବୀର ୪୦ କିଲୋମିଟର ଗଭୀରତାରେ ଥିଲା। ୮ ଜୁଲାଇରେ କାର୍ବି ଆଙ୍ଗଲଙ୍ଗ ଜିଲ୍ଲାରେ ମଧ୍ୟ ଭୂମିକମ୍ପ ଅନୁଭୂତ ହୋଇଥିଲା, ଯାହାର ତୀବ୍ରତା ୪.୧ ଥିଲା। 

EQ of M: 4.0, On: 20/07/2025 01:01:55 IST, Lat: 36.87 N, Long: 72.10 E, Depth: 160 Km, Location: Tajikistan.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/c6jTSJ4vQn— National Center for Seismology (@NCS_Earthquake) July 19, 2025

ତାଜିକିସ୍ତାନ ଏବଂ ଇରାନରେ ମଧ୍ୟ ଭୂମିକମ୍ପ 

ଭାରତ ପରେ, ତାଜିକିସ୍ତାନରେ ଭୂମିକମ୍ପ ହୋଇଥିଲା। ଯାହାର ତୀବ୍ରତା ରିକ୍ଟର ସ୍କେଲରେ ୪ ମାପ କରାଯାଇଥିଲା। ଏହି ଭୂମିକମ୍ପର କେନ୍ଦ୍ରସ୍ଥଳ ଭୂମିର ୧୬୦ କିଲୋମିଟର ଗଭୀରତାରେ ଚିହ୍ନଟ କରାଯାଇଥିଲା। ତାଜିକିସ୍ତାନରେ ଭୂମିକମ୍ପ ପ୍ରାୟ ରାତି ପ୍ରାୟ ୧ ଟା ସମୟରେ ଆସିଥିଲା। ଏହା ପରେ ଇରାନରେ ଏକ ଭୂମିକମ୍ପ ହୋଇଥିଲା। ଯାହାର ତୀବ୍ରତା ରିକ୍ଟର ସ୍କେଲରେ ୫.୬ ମାପ କରାଯାଇଥିଲା। ଏହି ଭୂମିକମ୍ପର କେନ୍ଦ୍ରସ୍ଥଳ ଇରାନର ରାଜଧାନୀ ତେହେରାନ ନିକଟରେ ଅନୁଭୂତ ହୋଇଥିଲା। ଏହା ବ୍ୟତୀତ NCS ଭୂକମ୍ପ ସମ୍ପର୍କରେ Xରେ ପୋଷ୍ଟ ସେୟାର କରିଛି ।

ସୂଚନାଯୋଗ୍ୟ, ପୂର୍ବରୁ ତାଜିକସ୍ତାନରେ ୧୮ ଜୁଲାଇରେ ଭୂକମ୍ପ ଅନୁଭୂତ ହୋଇଥିଲା । ଯାହାର ତୀବ୍ରତା ୩.୮ ଥିଲା । ଭୂକମ୍ପର କେନ୍ଦ୍ରସ୍ଥଳ ୧୦ କିଲୋମିଟର ଥିଲା । ଫଳରେ ଭୂକମ୍ପ ଝଟକାର ସମ୍ଭାବନାକୁ ତାଜିକସ୍ତାନରେ ଅଧିକ ପ୍ରଭାବିତ କରିଥିଲା । ଏହା ବ୍ୟତୀତ ଜୁଲାଇ ୧୨ ତାରିଖରେ ଏହି ଅଞ୍ଚଳର ଦୁଇଟି ଭୂକମ୍ପ ଅନୁଭୂତ ହୋଇଥିଲା । ଯାହାର ତୀବ୍ରତା ୪.୮ ରହିଥିଲା । ଅନ୍ୟପଟେ NCSର କହିବାନୁଯାୟୀ, ଜୁନ୍ ୨୧ ତାରିଖରେ ଏହି ଅଞ୍ଚଳରେ ଭୂକମ୍ପ ହୋଇଥିଲା । ଭୂକମ୍ପର ଗଭୀରତା ୧୪୦ କିଲୋମିଟରରେ ରହିଥିବାବେଳେ ତୀବ୍ରତା ୪.୦ ରହିଥିଲା ।