ଭାରତକୁ ଆମେରିକାର ଛାଟ, ବାତିଲ କଲା ୨୨ ମିଲିୟନ ଡଲାରର ଫଣ୍ଡିଂ

ନୂଆଦିଲ୍ଲୀ,୧୬।୨: ଆମେରିକା ଭାରତ ସମେତ ଅନେକ ଦେଶ ଉପରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଏଲନ ମସ୍କଙ୍କ ନେତୃତ୍ୱାଧୀନ ବିଭାଗ (ଆମେରିକା ସରକାରୀ ଦକ୍ଷତା ବିଭାଗ) ଭାରତରେ ‘ଭୋଟର ଟର୍ନଆଉଟ୍‌’ ପାଇଁ ଲକ୍ଷ୍ୟ ରଖାଯାଇଥିବା ୨୨ ନିୟୁତ ଆମେରିକୀୟ ଡଲାର ପାଣ୍ଠିକୁ ବାତିଲ କରିବା ନେଇ ଘୋଷଣା କରିଛି। ଆମେରିକାର ସରକାରୀ ଦକ୍ଷତା ବିଭାଗ ‘X’ ରେ କହିଛି ଯେ ଆମେରିକୀୟ କରଦାତାଙ୍କ ଟଙ୍କା ଖର୍ଚ୍ଚ ହେବାକୁ ଥିବା ସମସ୍ତ ପ୍ରକଳ୍ପକୁ ବାତିଲ କରାଯାଇଛି।

ଆମେରିକା ବିଭାଗ ଦ୍ୱାରା ବାତିଲ କରାଯାଇଥିବା ଅନ୍ୟାନ୍ୟ ପାଣ୍ଠିରେ ଅନେକ ଜିନିଷ ଅନ୍ତର୍ଭୁକ୍ତ ରହିଛି। ଆମେରିକା ବିଭାଗର ଏହି ଟୁଇଟ୍‌ ଉପରେ ଭାଜପା ଆଇଟି ସେଲ ମୁଖ୍ୟ ଅମିତ ମାଲବ୍ୟ କହିଛନ୍ତି, ଭୋଟର ଟର୍ନଆଉଟ୍‌ ପାଇଁ ୨୧ ନିୟୁତ ଡଲାର? ଏହା ନିଶ୍ଚିତ ଭାବରେ ଭାରତର ନିର୍ବାଚନ ପ୍ରକ୍ରିୟାରେ ବାହ୍ୟ ହସ୍ତକ୍ଷେପ। ଏଥିରୁ କିଏ ଲାଭ ପାଏ? ନିଶ୍ଚିତ ଭାବରେ ଶାସକ ଦଳ ନୁହେଁ! ଭାରତ ବ୍ୟତୀତ ଅନ୍ୟ ଦେଶରେ ମଧ୍ୟ ‘ଭୋଟର ଟର୍ନଆଉଟ୍‌’ ପାଣ୍ଠି ହ୍ରାସ ପାଇଛି।

US taxpayer dollars were going to be spent on the following items, all which have been cancelled:
– $10M for “Mozambique voluntary medical male circumcision”
– $9.7M for UC Berkeley to develop “a cohort of Cambodian youth with enterprise driven skills”
– $2.3M for “strengthening…

— Department of Government Efficiency (@DOGE) February 15, 2025

ବାଂଲାଦେଶକୁ $୨୯ ନିୟୁତ ଅନୁଦାନକୁ ଆମେରିକା ବନ୍ଦ କରିଛି। ଏଲନ ମସ୍କଙ୍କ ସରକାରୀ ଦକ୍ଷତା ବିଭାଗ ବିଦେଶୀ ସହାୟତା ପାଣ୍ଠିରେ $୭୨୩ ନିୟୁତ ହ୍ରାସ ଘୋଷଣା କରିଛି। ବିଦେଶୀ ପାଣ୍ଠି ବାତିଲ କିମ୍ବା ହ୍ରାସ କରିବାର ଲକ୍ଷ୍ୟ ହେଉଛି ସରକାରୀ ଖର୍ଚ୍ଚକୁ ବହୁ ପରିମାଣରେ ହ୍ରାସ କରିବା। ଗତ କିଛି ସପ୍ତାହ ଧରି DOGE ସରକାରୀ ଖର୍ଚ୍ଚରେ ଗୁରୁତ୍ୱପୂର୍ଣ୍ଣ ପରିବର୍ତ୍ତନର ରୂପରେଖ ଜାରି ରଖିଛି।

ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆମେରିକା ଗସ୍ତ କରିଥିଲେ। ଏହି ସମୟ ମଧ୍ୟରେ ତାଙ୍କର ମସ୍କଙ୍କ ସହ ଏକ ସାକ୍ଷାତ ମଧ୍ୟ ହୋଇଥିଲା। ଦୁହିଁଙ୍କ ମଧ୍ୟରେ ଅନେକ ପ୍ରସଙ୍ଗ ଉପରେ ଆଲୋଚନା ହୋଇଥିଲା। ପ୍ରଧାନମନ୍ତ୍ରୀ ମୋଦି ଏବଂ ମସ୍କ ନବସୃଜନ, ମହାକାଶ, କୃତ୍ରିମ ବୁଦ୍ଧିମତ୍ତା ଏବଂ ନିରନ୍ତର ବିକାଶ କ୍ଷେତ୍ରରେ ଭାରତ ଏବଂ ଆମେରିକୀୟ ପ୍ରତିଷ୍ଠାନ ମଧ୍ୟରେ ସହଯୋଗକୁ ସୁଦୃଢ଼ କରିବା ଉପରେ ଆଲୋଚନା କରିଥିଲେ। ପ୍ରଧାନମନ୍ତ୍ରୀ ମୋଦିଙ୍କ ସହ ସାକ୍ଷାତ ସମୟରେ, DOGE ମୁଖ୍ୟ ମସ୍କଙ୍କ ସହିତ ତାଙ୍କର ତିନି ସନ୍ତାନ ମଧ୍ୟ ଥିଲେ।

The post ଭାରତକୁ ଆମେରିକାର ଛାଟ, ବାତିଲ କଲା ୨୨ ମିଲିୟନ ଡଲାରର ଫଣ୍ଡିଂ appeared first on Dharitri Odia News.