ଭାରତର ବାୟୁ ପ୍ରତିରକ୍ଷା ବ୍ୟବସ୍ଥା କିପରି ସ୍ୱର୍ଣ୍ଣ ମନ୍ଦିରକୁ ରକ୍ଷା କରିଥିଲା

ନୂଆଦିଲ୍ଲୀ : ଭାରତ ଦ୍ୱାରା ୯ ସ୍ଥାନରେ ଆତଙ୍କବାଦୀ ଶିବିର ଉପରେ ଆକ୍ରମଣ ପରେ ପାକିସ୍ତାନ ପଞ୍ଜାବର ଅମୃତସରରେ ଥିବା ସ୍ୱର୍ଣ୍ଣ ମନ୍ଦିରକୁ କ୍ଷେପଣାସ୍ତ୍ର ଏବଂ ଡ୍ରୋନ୍ ସହିତ ଟାର୍ଗେଟ କରିଥିଲା। ୧୫ତମ ପଦାତିକ ଡିଭିଜନର ଜେନେରାଲ ଅଫିସର କମାଣ୍ଡିଂ (ଜିଓସି) ମେଜର ଜେନେରାଲ କାର୍ତ୍ତିକ ସି ଶେଷାଦ୍ରି ସୋମବାର ପ୍ରକାଶ କରିଛନ୍ତି ଯେ ସେନା ବାୟୁ ପ୍ରତିରକ୍ଷା ବ୍ୟବସ୍ଥା ଦ୍ବାରା ସ୍ୱର୍ଣ୍ଣ ମନ୍ଦିରକୁ ଟାର୍ଗେଟ କରାଯାଇଥିବା ସମସ୍ତ ଡ୍ରୋନ୍ ଏବଂ କ୍ଷେପଣାସ୍ତ୍ରକୁ ଗୁଳି କରି ଖସାଇ ଦିଆଯାଇଥିଲା। ମେଜର ଜେନେରାଲ କହିଛନ୍ତି , ଭାରତୀୟ ସେନା ସ୍ୱର୍ଣ୍ଣ ମନ୍ଦିର ଭଳି ଧାର୍ମିକ ସ୍ଥଳ ସମେତ ବେସାମରିକ ପ୍ରତିଷ୍ଠାନ ସହିତ ପାକିସ୍ତାନର ସାମରିକ ପ୍ରତିଷ୍ଠାନକୁ ଟାର୍ଗେଟ କରିବାର ପଦକ୍ଷେପ ଅନୁମାନ କରିଥିଲା। ସେ କହିଥିଲେ, ‘ପାକ୍ ସେନାର କୌଣସି ବୈଧ ଲକ୍ଷ୍ୟ ନଥିବା ଜାଣି, ଆମେ ଆଶା କରିଥିଲୁ ଯେ ସେମାନେ ଭାରତୀୟ ସାମରିକ ପ୍ରତିଷ୍ଠାନ, ଧାର୍ମିକ ସ୍ଥାନ ସମେତ ବେସାମରିକ ଲକ୍ଷ୍ୟସ୍ଥଳକୁ ଟାର୍ଗେଟ କରିବେ। ଏଥିମଧ୍ୟରୁ ସ୍ୱର୍ଣ୍ଣ ମନ୍ଦିର ସବୁଠାରୁ ପ୍ରମୁଖ ମନେ ହେଉଥିଲା। ସ୍ୱର୍ଣ୍ଣ ମନ୍ଦିରକୁ ଏକ ସାମଗ୍ରିକ ବାୟୁ ପ୍ରତିରକ୍ଷା ବ୍ୟବସ୍ଥା ଆବରଣ ଦେବା ପାଇଁ ଆମେ ଅତିରିକ୍ତ ଆଧୁନିକ ବାୟୁ ପ୍ରତିରକ୍ଷା ସମ୍ବଳ ସଂଗ୍ରହ କରିଥିଲୁ । ‘ଆମେ ଏହା ଆଶା କରିଥିଲୁ ତେଣୁ ଆମେ ସମ୍ପୂର୍ଣ୍ଣ ପ୍ରସ୍ତୁତ ଥିଲୁ, ଏବଂ ଆମର ସାହସୀ ଏବଂ ସତର୍କ ସେନା ବାୟୁ ପ୍ରତିରକ୍ଷା ବନ୍ଧୁକଧାରୀମାନେ ପାକିସ୍ତାନ ସେନାର ଘୃଣ୍ୟ ଯୋଜନାକୁ ବିଫଳ କରିଦେଲେ ଏବଂ ସ୍ୱର୍ଣ୍ଣ ମନ୍ଦିରକୁ ଟାର୍ଗେଟ କରାଯାଇଥିବା ସମସ୍ତ ଡ୍ରୋନ୍ ଏବଂ କ୍ଷେପଣାସ୍ତ୍ରକୁ ଖସାଇ ଦେଲେ। ଏହିପରି ଆମର ପବିତ୍ର ସ୍ୱର୍ଣ୍ଣ ମନ୍ଦିରରେ ଗୋଟିଏ ବି ଆଘାତ ଲାଗିବାକୁ ଦେଇନାହୁଁ ବୋଲି ସେ କହିଛନ୍ତି।