ଭାରତୀୟ IPOରେ ଅଧିକ ରିଟର୍ଣ୍ଣ; ଏଯାବତ୍ ମିଳିଛି ୫୭%, ବିଶ୍ବ ହାରାହାରିର ଦୁଇ ଗୁଣା
ମୁମ୍ବାଇ,୧୨/୭: ଭାରତୀୟ ଆଇପିଓରେ ସମଗ୍ର ବିଶ୍ୱରେ ଭଲ ରିଟର୍ଣ୍ଣ ମିଳୁଛି । ୬ ମାସରେ ଆସିଥିବା ୩୬ଟି ପ୍ରାଥମିକ ପବ୍ଲିକ ଅଫର ଲିଷ୍ଟିଂଠାରୁ ଆରମ୍ଭ କରି ବର୍ତ୍ତମାନ ପର୍ଯ୍ୟନ୍ତ ହାରାହାରି ୫୭ ପ୍ରତିଶତ ରିଟର୍ଣ୍ଣ ମିଳିଛି । ଏହା ତୁଳନାରେ ଏସିଆ ପାସିଫିକ୍ କ୍ଷେତ୍ରରେ ଆସିଥିବା ଆଇପିଓଗୁଡ଼ିକ ୩୨ପ୍ରତିଶତ ରିଟର୍ଣ୍ଣ ଦେଇଛନ୍ତି । ଏହା ବିଶ୍ୱ ହାରାହାରିର ଦୁଇଗୁଣା । ଆସନ୍ତା ୬ ମାସରେ ଆଉ ୧୫ଟି ଆଇପିଓ ଆସିପାରେ, ଯାହା ଜରିଆରେ କମ୍ପାନିଗୁଡ଼ିକ ମିଳିତ ଭାବେ ପ୍ରାୟ ୯୧ ହଜାର କୋଟି ଟଙ୍କା ସଂଗ୍ରହ କରିପାରନ୍ତି । ପ୍ରାଇମ୍ ଡାଟାବେସ୍ ଗ୍ରୁପ୍ର ତଥ୍ୟ ଅନୁସାରେ, ଏଯାବତ୍ ଆସିଥିବା ୩୬ଟି ଆଇପିଓ ଜରିଆରେ ପ୍ରାୟ ୮୮.୫ ହଜାର କୋଟି ଟଙ୍କା ସଂଗ୍ରହ ହୋଇପାରେ । ଏହି ଆଇପିଓଗୁଡ଼ିକ ହାରାହାରି ୧୨ ଗୁଣା ଓଭର୍ ସବ୍ସ୍କ୍ରାଇବ୍ ହୋଇଛି । ପ୍ରାଇମ୍ ଡାଟାବେସ୍ ଗ୍ରୁପ୍ର ପରିଚାଳନା ନିର୍ଦ୍ଦେଶକ ପ୍ରଣବ ହଲ୍ଦିଆଙ୍କ କହିବାନୁସାରେ, ଏହି ଟ୍ରେଣ୍ଡ୍ ଜାରି ରହିବ । ନିବେଶ ବ୍ୟାଙ୍କଗୁଡ଼ିକର ସେୟାର ବିକ୍ରିକୁ ପରିଚାଳନା କରିବା ପାଇଁ ଗତ ୬ ମାସରେ ୨,୦୩୮ କୋଟି ଟଙ୍କାର ଫି’ ମିଳିଛି । ଏହା ୧୭ ବର୍ଷରେ ସବୁଠାରୁ ଅଧିକ ଆୟ । ଆର୍ଥିକ ବଜାର ଡାଟା ପ୍ରୋଭାଇଡର ଏଲ୍ଏସ୍ଇଜି ଡାଟା ଆଣ୍ଡ୍ ଆନାଲିଟିକ୍ସର ତଥ୍ୟ ଅନୁସାରେ, ଇକ୍ୱିଟି କ୍ୟାପିଟାଲ ମାର୍କେଟ୍ ଗତବିଧି ଜରିଆରେ ସଂଗୃହିତ ପୁଞ୍ଜି ୨.୫ ଗୁଣା ବଢ଼ି ୨.୪୬ ଲ
ମୁମ୍ବାଇ,୧୨/୭: ଭାରତୀୟ ଆଇପିଓରେ ସମଗ୍ର ବିଶ୍ୱରେ ଭଲ ରିଟର୍ଣ୍ଣ ମିଳୁଛି । ୬ ମାସରେ ଆସିଥିବା ୩୬ଟି ପ୍ରାଥମିକ ପବ୍ଲିକ ଅଫର ଲିଷ୍ଟିଂଠାରୁ ଆରମ୍ଭ କରି ବର୍ତ୍ତମାନ ପର୍ଯ୍ୟନ୍ତ ହାରାହାରି ୫୭ ପ୍ରତିଶତ ରିଟର୍ଣ୍ଣ ମିଳିଛି । ଏହା ତୁଳନାରେ ଏସିଆ ପାସିଫିକ୍ କ୍ଷେତ୍ରରେ ଆସିଥିବା ଆଇପିଓଗୁଡ଼ିକ ୩୨ପ୍ରତିଶତ ରିଟର୍ଣ୍ଣ ଦେଇଛନ୍ତି । ଏହା ବିଶ୍ୱ ହାରାହାରିର ଦୁଇଗୁଣା । ଆସନ୍ତା ୬ ମାସରେ ଆଉ ୧୫ଟି ଆଇପିଓ ଆସିପାରେ, ଯାହା ଜରିଆରେ କମ୍ପାନିଗୁଡ଼ିକ ମିଳିତ ଭାବେ ପ୍ରାୟ ୯୧ ହଜାର କୋଟି ଟଙ୍କା ସଂଗ୍ରହ କରିପାରନ୍ତି ।
ପ୍ରାଇମ୍ ଡାଟାବେସ୍ ଗ୍ରୁପ୍ର ତଥ୍ୟ ଅନୁସାରେ, ଏଯାବତ୍ ଆସିଥିବା ୩୬ଟି ଆଇପିଓ ଜରିଆରେ ପ୍ରାୟ ୮୮.୫ ହଜାର କୋଟି ଟଙ୍କା ସଂଗ୍ରହ ହୋଇପାରେ । ଏହି ଆଇପିଓଗୁଡ଼ିକ ହାରାହାରି ୧୨ ଗୁଣା ଓଭର୍ ସବ୍ସ୍କ୍ରାଇବ୍ ହୋଇଛି । ପ୍ରାଇମ୍ ଡାଟାବେସ୍ ଗ୍ରୁପ୍ର ପରିଚାଳନା ନିର୍ଦ୍ଦେଶକ ପ୍ରଣବ ହଲ୍ଦିଆଙ୍କ କହିବାନୁସାରେ, ଏହି ଟ୍ରେଣ୍ଡ୍ ଜାରି ରହିବ । ନିବେଶ ବ୍ୟାଙ୍କଗୁଡ଼ିକର ସେୟାର ବିକ୍ରିକୁ ପରିଚାଳନା କରିବା ପାଇଁ ଗତ ୬ ମାସରେ ୨,୦୩୮ କୋଟି ଟଙ୍କାର ଫି’ ମିଳିଛି । ଏହା ୧୭ ବର୍ଷରେ ସବୁଠାରୁ ଅଧିକ ଆୟ । ଆର୍ଥିକ ବଜାର ଡାଟା ପ୍ରୋଭାଇଡର ଏଲ୍ଏସ୍ଇଜି ଡାଟା ଆଣ୍ଡ୍ ଆନାଲିଟିକ୍ସର ତଥ୍ୟ ଅନୁସାରେ, ଇକ୍ୱିଟି କ୍ୟାପିଟାଲ ମାର୍କେଟ୍ ଗତବିଧି ଜରିଆରେ ସଂଗୃହିତ ପୁଞ୍ଜି ୨.୫ ଗୁଣା ବଢ଼ି ୨.୪୬ ଲକ୍ଷ କୋଟି ଟଙ୍କାରେ ପହଞ୍ଚିଛି । ଏହା କୌଣସି ୬ ମାସରେ ସବୁଠାରୁ ଉଚ୍ଚ ସ୍ତର । ଇସିଏମ୍ରେ ଆଇପିଓ, ବ୍ଲକ୍ ଡିଲ୍ ଜରିଆରେ ଫଲୋ-ଅନ୍ ଅଫରିଙ୍ଗ୍ସ, ଫଲୋ-ଅନ୍ ପବ୍ଲିକ୍ ଅଫରିଙ୍ଗ୍ସ ଏବଂ କ୍ୱାଲିଫାଏଡ୍ ଇନ୍ଷ୍ଟିଚ୍ୟୁସ୍ନାଲ୍ ପ୍ଲେସ୍ମେଣ୍ଟ୍ସ ସାମିଲ ଅଛି ।
