ଭୂ-ପୃଷ୍ଠରେ ଲ୍ୟାଣ୍ଡିଂ କଲା ଷ୍ଟାରଲାଇନର; ସୁନୀତା ଓ ତାଙ୍କ ସାଥିଙ୍କ ବିନା ସୁରକ୍ଷିତ ଫେରିଛି

ନୂଆଦିଲ୍ଲୀ: ସ୍ପେଶ୍ କ୍ରାଷ୍ଟ ଷ୍ଟାରଲାଇନର ପୃଥିବୀ ପୃଷ୍ଠରେ ଅବତରଣ କରିଛି । ହେଲେ ଏଥିରେ କୌଣସି କ୍ରୁ ଫେରିନାହାନ୍ତି । ମହାକାଶଚାରୀଙ୍କ ବିନା ଫେରିଛି ସ୍ପେଶ୍ କ୍ରାଫ୍ଟ । ନ୍ୟୁ ମେକ୍ସିକୋର ଏକ ମରୁଭୂମିରେ ନିରାପଦ ଭାବେ ଲ୍ୟାଣ୍ଡିଂ କରିଛି ସ୍ପେଶ୍ କ୍ରାଫ୍ଟ ଷ୍ଟାରଲାଇନର ।

ମହକାଶରେ ଦୀର୍ଘ ୩ ମାସରୁ ଅଧିକ ଦିନ ହେଲା ଫସି ରହିଛନ୍ତି ଦୁଇ ମହାକାଶଚାରୀ ସୁନିତା ୱିଲିୟମ୍ସ ଏବଂ ତାଙ୍କ ସହଯୋଗୀ । ତାଙ୍କୁ ଛାଡି ଏକାକି ପୃଥିବୀ ପୃଷ୍ଠକୁ ଫେରି ଆସିଛି ଷ୍ଟାରଲାଇନର । ପ୍ରାୟ ୬ ଘଣ୍ଟା ଯାତ୍ରା ପରେ ଷ୍ଟାରଲାଇନର୍ ଆମେରିକାର ନ୍ୟୁ ମେକ୍ସିକୋ ଅଞ୍ଚଳରେ ଲ୍ୟାଣ୍ଡିଂ କରିଛି । 

୨୦୨୪ ଜୁନ ମାସରେ ଷ୍ଟାରଲାଇନର ମହାକାଶକୁ ଯାତ୍ରା କରୁଥିବା ବେଳେ ସେଥିରେ ବୈଷୟିକ ତ୍ରୁଟି ଦେଖାଯାଇଥିଲା । ଷ୍ଟାରଲାଇନର ଥ୍ରଷ୍ଟର ସମସ୍ୟା ସହ ହିଲିୟମ ଗ୍ୟାସ ଲିକକୁ ଆଖି ଆଗରେ ରଖି ମହାକାଶଚାରୀଙ୍କ ବିନା କେବଳ ଏହି ଷ୍ଟାରଲାଇନର କ୍ୟାପସୁଲକୁ ପୃଥିବୀ ପୃଷ୍ଠକୁ ଫେରାଇ ଅଣାଯାଇଛି ।

ସ୍ପେଶ୍ ଷ୍ଟେସନରେ ଫସି ରହିଛନ୍ତି ସୁନୀତା ଓ୍ବିଲିୟମ୍ସ ଏବଂ ତାଙ୍କ ସହଯୋଗୀ। ଆସନ୍ତାବର୍ଷ ଫେବ୍ରୁଆରୀରେ ନାସାର କ୍ରୁ-୯ ମିଶନରେ ଦୁଇ ମହାକାଶଚାରୀ ଫେରିବେ । ଏବେ ସୁନୀତା ୱିଲିୟମ୍ସ ଏବଂ ତାଙ୍କ ସାଥି ବୁରି ୱିଲମୋରଙ୍କୁ ସ୍ପେଶ୍ ଷ୍ଟେସନରେ ପାଞ୍ଚରୁ ଛଅ ମାସ ବିତାଇବାକୁ ପଡିବ ।