ମଧ୍ୟପ୍ରଦେଶ ରାୟସନରେ ବରଯାତ୍ରୀ ଗାଡ଼ିକୁ ଧକ୍କା ଦେଲା ଟ୍ରକ, ୬ ମୃତ ଓ ୧୦ ଆହତ

ନୂଆଦିଲ୍ଲୀ ୧୨।୦୩: ମଧ୍ୟପ୍ରଦେଶର ରାୟସେନରେ ବଡ ଦୁର୍ଘଟଣା । ବିବାହ ସମାରୋହର କିଛି ଖୁସି କ୍ଷଣକରେ ଦୁଃଖ ପାଲଟି ଯାଇଛି ।ସୋମବାର ରାତିରେ ଏକ ଦ୍ରୁତ ଗତିରେ ଆସୁଥିବା ଟ୍ରକ ବରଯାତ୍ରୀମାନଙ୍କୁ ଧକ୍କା ଦେଇଥିଲା । ଯେଉଁଥିରେ ୬ମୃତ ହୋଇଥିବା ବେଳେ ୧୦ ଆହାତ ହୋଇଛନ୍ତି । ଏନେଇ ଏହି ଖବରକୁ ରାୟସେନ୍‌ର ଡିଏମ୍‌ ସୂଚନା ଦେଇଛନ୍ତି ।  

କୁହାଯାଉଛି ଯେ ସୁଲତାନପୁରର ଖାମରିଆ ଗାଁରେ ଏକ ବିବାହ ଶୋଭାଯାତ୍ରା ଯାଉଥିଲା । ବିବାହ ଶୋଭାଯାତ୍ରାରେ ଆସିଥିବା ଲୋକମାନେ ନିଜେ ରାସ୍ତାରେ ନାଚୁଥିଲେ। ସେହି ସମୟରେ ଭୁଲ୍‌ ଦିଗରୁ ଆସୁଥିବା ଟ୍ରକ୍‌ଟି ବରଯାତ୍ରୀ ମାନଙ୍କୁ ଧକ୍କା ଦେଇଥିଲା । ଏହା ପରେ ଟ୍ରକଟି ଅନିୟନ୍ତ୍ରିତ ହୋଇ ଓଲଟି ପଡିଥିଲା। ଦୁର୍ଘଟଣାରେ ଘଟଣାସ୍ଥଳରେ ୬ ଜଣଙ୍କର ମୃତ୍ୟୁ ହୋଇଛି। ଡିଏମ ଏବଂ ଏସପି ଘଟଣାସ୍ଥଳରେ ପହଞ୍ଚିଛନ୍ତି। ଆହତମାନଙ୍କୁ ଚିକିତ୍ସା କରାଯାଉଛି ବୋଲି ଡିଏମ କହିଛନ୍ତି। ଅପରାଧୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

ଡିଏମ୍ ଦେଇଛନ୍ତି ଏହି ସୂଚନା 

ଛଅ ଜଣଙ୍କ ମୃତ୍ୟୁକୁ ଡିଏମ ନିଶ୍ଚିତ କରିଛି। ଡିଏମ କହିଛନ୍ତି ଯେ ଆହତଙ୍କ ମଧ୍ୟରୁ ୬ ଜଣଙ୍କ ଅବସ୍ଥା ଗୁରୁତର ଥିଲା ଏବଂ ସେମାନଙ୍କୁ ଭୋପାଳ ଡାକ୍ତଖାନାକୁ ରେଫର କରାଯାଇଥିଲା ।  ଏନେଇ  କଲେକ୍ଟର କହିଛନ୍ତି ଯେ ରାତି ପ୍ରାୟ ୧୦ ଟା ସମୟରେ ଘଟିଥିବା ଦୁର୍ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ସେ ଘଟଣାସ୍ଥଳରେ ପହଞ୍ଚିଥିଲେ। ସେ କହିଛନ୍ତି ଯେ ବର୍ତ୍ତମାନ ଏହି ଘଟଣାର ମାମାଲା ରୁଜୁ କରି ପୋଲିସ ତଦନ୍ତ କରୁଛି।

ଦେଶର ଏହି ଅଞ୍ଚଳରେ ଲାଗୁ ହେବନି ସିଏଏ, ଖୁବ୍ ହୋଇଥିବା ହିଂସକ ପ୍ରଦର୍ଶନ