ମହମ୍ମଦ ରିଜଓ୍ବାନ ହେଲେ ପାକିସ୍ତାନ କ୍ରିକେଟ ଟିମ୍‌ ଅଧିନାୟକ

ପାକିସ୍ତାନ: ପାକିସ୍ତାନ କ୍ରିକେଟ ଟିମର ଅଧିନାୟକ ପଦରୁ ହଟିଛନ୍ତି ବାବର ଆଜମ। ତାଙ୍କ ସ୍ଥାନରେ ମହମ୍ମଦ ରିଜଓ୍ବାନଙ୍କୁ ଅଧିନାୟକ ଭାବେ ନିଯୁକ୍ତି ଦେଇଛି ପାକିସ୍ତାନ କ୍ରିକେଟ ବୋର୍ଡ(ପିସିବି)। ରିଜଓ୍ବାନଙ୍କୁ ଦିନିକିଆ ଏବଂ ଟି-୨୦ କ୍ରିକେଟ ଦଳର ଅଧିନାୟକ ପଦ ମିଳିଛି। ସେହିପରି ସଲମାନ ଅଲ ଆଘାଙ୍କୁ ଉପଅଧିନାୟକ ପଦବୀରେ ନିଯୁକ୍ତ କରାଯାଇଛି।

ଖବରଦାତା ସମ୍ମିଳନୀରେ ନକଭି କହିଛନ୍ତି ଯେ ବୋର୍ଡ ବାବର ଆଜାମଙ୍କୁ ଅଧିନାୟକତ୍ୱ ଛାଡିବାକୁ ବାଧ୍ୟ କରି ନାହିଁ। ଏହା ବାବରଙ୍କର ନିଜସ୍ୱ ନିଷ୍ପତ୍ତି ଥିଲା ଏବଂ ସେ ଅଧିନାୟକତ୍ୱ ଛାଡି ନିଜ ଖେଳ ଉପରେ ଧ୍ୟାନ ଦେବାକୁ ଚାହୁଁଥିଲେ। ଆମେ ଆପଣଙ୍କୁ କହି ରଖୁଛୁ ଯେ ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍ ଆରମ୍ଭ ହେବା ପୂର୍ବରୁ ବାବର ଆଜାମ ଘୋଷଣା କରିଥିଲେ ଯେ ସେ ହ୍ୱାଇଟ ବଲ୍ କ୍ରିକେଟ୍ ରେ ଦଳର ଅଧିନାୟକତ୍ୱ ଛାଡ଼ିଛନ୍ତି। ମହମ୍ମଦ ରିଜୱାନ ପାକିସ୍ତାନ ପାଇଁ ୭୪ ଟି ଦିନିକିଆ ଏବଂ ୧୦୨ ଟି -୨୦ ମ୍ୟାଚ ଖେଳିଛନ୍ତି। ଏହି ସମୟରେ ସେ ୫୪୦୧ ରନ୍ ସ୍କୋର କରିଛନ୍ତି।