ମହାଭାରତ ଉପରେ ପ୍ରଶ୍ନ ଉଠାଇଲେ କେରଳ ସିଏମ୍, କହିଲେ-ବ୍ରାହ୍ଣଣବାଦ ବିଚାରଧାରାକୁ ବଢାଉଛି ସନାତନ ଧର୍ମ

ନୂଆଦିଲ୍ଲୀ: କେରଳ ମୁଖ୍ୟମନ୍ତ୍ରୀ ପିନରାଇ ବିଜୟନ ଶିବଗିରି ତୀର୍ଥଯାତ୍ରାରେ ନିଜ ସମ୍ୱୋଧନ ବେଳେ ସନାତନ ଧର୍ମ ଏବଂ ଜାତି ବ୍ୟବସ୍ଥାକୁ ଟାର୍ଗେଟ୍ କରିଛନ୍ତି । ସେ ସନାତନ ଧର୍ମକୁ ବର୍ଣ୍ଣାଶ୍ରମ ଧର୍ମଠାରୁ ଅଭିନ୍ନ କହିବା ସହ ଏହା ଚତୁର୍ବର୍ଣ୍ଣ ବ୍ୟବସ୍ଥା ଉପରେ ଆଧାରିତ ବୋଲି କହିଛନ୍ତି । କେରଳ ମୁଖ୍ୟମନ୍ତ୍ରୀ କହିଛନ୍ତି, 'ବର୍ଣ୍ଣାଶ୍ରମ ଧର୍ମ ବଂଶାନୁଗତ ବ୍ୟବସାୟକୁ ମହିମାମଣ୍ଡିତ କରୁଛି, କିନ୍ତୁ ଶ୍ରୀନାରାଣ ଗୁରୁ ଏହି ବଂଶାନୁଗତ ବ୍ୟବସାୟକୁ ଚ୍ୟାଲେଞ୍ଜ କରିଥିଲେ । ତେଣୁ, ଗୁରୁଙ୍କୁ ସନାତନ ଧର୍ମର ସମର୍ଥକ ବୋଲି କିପରି କୁହାଯାଇପାରିବ ?'

ବିଜୟନ ମଙ୍ଗଳବାର ଶିବଗିରି ମାଧୋମରେ ୯୨ତମ ଶିବଗିରି ତୀର୍ଥଯାତ୍ରାର ଉଦଘାଟନରେ ସାମାଜିକ ସୁଧାର ସନ୍ଦେଶ ଦେଇଛନ୍ତି । ଶିବଗିରି ମାଧୋମ ଦ୍ୱାରା ଭକ୍ତଙ୍କ ମନ୍ଦିରରେ ପ୍ରବେଶ ସମୟରେ ସାର୍ଟ ବାହାର କରିବା ପ୍ରଥାକୁ ଶେଷ କରିବା ପାଇଁ ଅପିଲ୍ କରି ଆଧୁନିକ ଏବଂ ପ୍ରଗତିଶୀଳ ମୂଲ୍ୟର ଅନୁରୂପ ବୋଲି କହିଛନ୍ତି । କେରଳ ସିଏମ୍ କହିଛନ୍ତି ଯେ ଶିବଗିରି ମାଧୋମ ଅଧ୍ୟକ୍ଷ ସ୍ୱାମୀ ସଚ୍ଚିତାନନ୍ଦ ଏହି ପ୍ରଥାକୁ ପୁରୁଣା ସମୟର ଅବଶେଷ ବୋଲି କହିଛନ୍ତି, ଯାହା ଆଜିର ପ୍ରଗତିଶୀଳ ସମାଜରେ ଅପ୍ରାସଙ୍ଗିକ । 

ସନାତନ ଧର୍ମ ଉପରେ କଡ଼ା ହମଲା

କେରଳ ମୁଖ୍ୟମନ୍ତ୍ରୀ କହିଛନ୍ତି, 'ସନାତନ ଧର୍ମ ସାର୍ବଭୌମିକ କଲ୍ୟାଣର କଥା କୁହେ, କିନ୍ତୁ ଏହା ପରେ "ଗାଈ ଏବଂ ବ୍ରାହଣ"ଙ୍କ ଭଲ ପାଇଁ ସର୍ତ୍ତ ଯୋଡ଼ାଯାଏ । ଏହି ଧର୍ମ ଜାତିଗତ ସମାଜିକ ବ୍ୟବସ୍ଥାକୁ ବଜାୟ ରଖିବା ପାଇଁ ବ୍ରାହ୍ଣଣବାଦୀ ବିଚାରଧାରାକୁ ପ୍ରୋତ୍ସାହିତ କରୁଛି । ସେ ଏହାକୁ ‘ଏକ ସତ୍ୟ’ର ମହିମାମଣ୍ଡନ ଏବଂ ସାମାଜିକ-ଆର୍ଥିକ ଅସମାନତାକୁ ବଜାୟ ରଖିବାର କାରକ ବୋଲି କହିଛନ୍ତି ।' ବିଜୟନ ମହାଭାରତରେ ନ୍ୟାୟର ଅସ୍ପଷ୍ଟତା ଉପରେ ମଧ୍ୟ ପ୍ରଶ୍ନ ଉଠାଇଛନ୍ତି । ସେ କହିଛନ୍ତି, 'ମହାଭାରତ ସେହି ଯୁଗର ରଚନା, ଯେତେବେଳେ ସମାଜ ଆଦିବାସୀ ବ୍ୟବସ୍ଥାରୁ ଜାତିଗତ ରାଜନୀତିକୁ ପରିବର୍ତ୍ତନ ହେଉଥିଲା ।'

କେରଳ ସିଏମ୍ କହିଛନ୍ତି, 'ଧର୍ମ କ'ଣ ମହାଭାରତ ନିଜେ ତାହା ସ୍ପଷ୍ଟ କରୁ ନାହିଁ, ବରଂ ଧର୍ମକୁ ନେଇ ସନ୍ଦେହ ଏବଂ ପ୍ରଶ୍ନ ସୃଷ୍ଟି କରିଛି । ବିଜୟନ ବର୍ତ୍ତମାନ ପରିପେକ୍ଷରେ ସନାତନ ହିନ୍ଦୁତ୍ୱର ସମାଲୋଚନା କରିଛନ୍ତି ।' ସେ କହିଛନ୍ତି, 'ଆମେ ଏପରି ଏକ ସମୟରେ ଅଛୁ ଯେତେବେଳେ ସନାତନ ହିନ୍ଦୁତ୍ୱକୁ ଅତ୍ୟନ୍ତ ଶ୍ରେଷ୍ଠ ଏବଂ ଗୌରବଶାଳୀ କରିବା ପାଇଁ ଉଦ୍ୟମ କରାଯାଉଛି । ଏହାକୁ ସମସ୍ତ ସାମାଜିକ ସମସ୍ୟାର ସମାଧାନ ବୋଲି କୁହାଯାଉଛି ।' "ଲୋକାଃ ସମସ୍ତାଃ ସୁଖିନୋ ଭବନ୍ତୁ" ପରି ନାରା ଉପରେ ଚର୍ଚ୍ଚା କରି ସେ କହିଛନ୍ତି ଯେ ଏହି ନାରାର ଅର୍ଥ ନିଶ୍ଚିତ ରୂପେ ସକାରାତ୍ମକ ଅଟେ ଏବଂ ସାର୍ବଭୌମିକ ଖୁସିର କାମନା କରୁଛି । କିନ୍ତୁ ସେ ଏହା ମଧ୍ୟ କହିଛନ୍ତି ଯେ ଏହା କେବଳ ହିନ୍ଦୁତ୍ୱର ବିଶେଷତା ରୂପେ ପ୍ରସ୍ତୁତ କରିବା ଏକ ସୁନିୟୋଜିତ ନେରେଟିଭର ଅଂଶ ।