ମାନବିକତାର ସବୁ ସୀମା ଟପିଲେ, ନିରୀହ କୁକୁରକୁ ଜଣଙ୍କ ପରେ ଜଣେ ପିଟି ଚାଲିଲେ
ବ୍ରହ୍ମପୁର ୨୩।୩: ମାନବିକତାର ସବୁ ସୀମା ଟପିଲେ । ଜଣଙ୍କ ପରେ ଜଣେ କରିଚାଲିଲେ ଘାତକ ଆକ୍ରମଣ । ଏଭଳି ଅମାନବୀୟ କାଣ୍ଡର ଭିଜୁଆଲ ହେଲା ଭାଇରାଲ୍ । ଗୋଟିଏ କୁକୁରକୁ ପର୍ଯ୍ୟାୟ କ୍ରମେ ୮ ଜଣ ଜଣକ ପରେ ଜଣେ ଆକ୍ରମଣ କରିଛନ୍ତି । ଏଭଳି ଦୃଶ୍ୟ ଦେଖିବାକୁ ମିଳିଛି ବ୍ରହ୍ମପୁର ସହର ଗାନ୍ଧୀନଗର ସପ୍ତମ ଲାଇନ ରାସ୍ତାରେ । ଶନିବାର ଭୋର ସମୟରେ ରାମରାଓ ନାମକ ଜନୈକ ବ୍ୟକ୍ତିଙ୍କ ଘର ବାରଣ୍ଡାରେ କୁକୁର ଶୋଇଥିବା ବେଳେ ଦୁର୍ବୃତ୍ତ କରିଥିଲେ ଘାତକ ଆକ୍ରମଣ । ଗୋଟିଏ ସ୍କୁଟିରେ ୩ ଜଣ ଯୁବକ ପ୍ରଥମେ ଆସି ଗୋଟିଏ ବୁଲା କୁକୁରକୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ । ପରେ ଆଉ ଜଣେ ଯୁବକ ଆକ୍ରମଣ କରି ଦୁଇ ଜଣ ବସିଥିବା ସ୍କୁଟିର ପଛରେ ବସି ଘଟଣାସ୍ଥଳରୁ ଚମ୍ପଟ ମାରିଥିଲେ । ପୁଣି କିଛି ସମୟ ପରେ ଅନ୍ୟ ଜଣେ ଯୁବକ ବାଇକ୍ରେ ଆସି ରକ୍ତ ଜୁଡୁବୁଡୁ କୁକୁରକୁ ଆକ୍ରମଣ କରି ଘଟଣାସ୍ଥଳରୁ ଚମ୍ପଟ ମାରିଥିଲେ । ଘଟଣା ଆରମ୍ଭରୁ ଶେଷ ପର୍ଯ୍ୟନ୍ତ ସମସ୍ତ ଦୃଶ୍ୟ ନିକଟରେ ଲାଗିଥିବା ଏକ ସିସିଟିଭି କ୍ୟାମେରାରେ ସମ୍ପୂର୍ଣ୍ଣ ଭାବେ କଏଦ ହୋଇଛି । ବର୍ତମାନ ଏହି ଘଟଣାର ଭିଡିଓ ସୋସିଆଲ ମିଡିଆରେ ପ୍ରବଳ ମାତ୍ରାରେ ଭାଇରାଲ ହୋଇଛି । ତେବେ ଯେଉଁମାନେ ଏଭଳି କାଣ୍ଡ ଘଟାଇଛନ୍ତି ସେମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କୁକୁରର ଲାଳନ ପାଳନ କରୁଥିବା ରମା ରାଓ ପୋଲିସକୁ ନିବେଦନ କରିଛନ୍ତି ।ସେପଟେ, ଏହି ଘଟଣାକୁ ନେଇ ଟାଉନ ଥା
ବ୍ରହ୍ମପୁର ୨୩।୩: ମାନବିକତାର ସବୁ ସୀମା ଟପିଲେ । ଜଣଙ୍କ ପରେ ଜଣେ କରିଚାଲିଲେ ଘାତକ ଆକ୍ରମଣ । ଏଭଳି ଅମାନବୀୟ କାଣ୍ଡର ଭିଜୁଆଲ ହେଲା ଭାଇରାଲ୍ । ଗୋଟିଏ କୁକୁରକୁ ପର୍ଯ୍ୟାୟ କ୍ରମେ ୮ ଜଣ ଜଣକ ପରେ ଜଣେ ଆକ୍ରମଣ କରିଛନ୍ତି । ଏଭଳି ଦୃଶ୍ୟ ଦେଖିବାକୁ ମିଳିଛି ବ୍ରହ୍ମପୁର ସହର ଗାନ୍ଧୀନଗର ସପ୍ତମ ଲାଇନ ରାସ୍ତାରେ ।
ଶନିବାର ଭୋର ସମୟରେ ରାମରାଓ ନାମକ ଜନୈକ ବ୍ୟକ୍ତିଙ୍କ ଘର ବାରଣ୍ଡାରେ କୁକୁର ଶୋଇଥିବା ବେଳେ ଦୁର୍ବୃତ୍ତ କରିଥିଲେ ଘାତକ ଆକ୍ରମଣ । ଗୋଟିଏ ସ୍କୁଟିରେ ୩ ଜଣ ଯୁବକ ପ୍ରଥମେ ଆସି ଗୋଟିଏ ବୁଲା କୁକୁରକୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ । ପରେ ଆଉ ଜଣେ ଯୁବକ ଆକ୍ରମଣ କରି ଦୁଇ ଜଣ ବସିଥିବା ସ୍କୁଟିର ପଛରେ ବସି ଘଟଣାସ୍ଥଳରୁ ଚମ୍ପଟ ମାରିଥିଲେ । ପୁଣି କିଛି ସମୟ ପରେ ଅନ୍ୟ ଜଣେ ଯୁବକ ବାଇକ୍ରେ ଆସି ରକ୍ତ ଜୁଡୁବୁଡୁ କୁକୁରକୁ ଆକ୍ରମଣ କରି ଘଟଣାସ୍ଥଳରୁ ଚମ୍ପଟ ମାରିଥିଲେ ।
ଘଟଣା ଆରମ୍ଭରୁ ଶେଷ ପର୍ଯ୍ୟନ୍ତ ସମସ୍ତ ଦୃଶ୍ୟ ନିକଟରେ ଲାଗିଥିବା ଏକ ସିସିଟିଭି କ୍ୟାମେରାରେ ସମ୍ପୂର୍ଣ୍ଣ ଭାବେ କଏଦ ହୋଇଛି । ବର୍ତମାନ ଏହି ଘଟଣାର ଭିଡିଓ ସୋସିଆଲ ମିଡିଆରେ ପ୍ରବଳ ମାତ୍ରାରେ ଭାଇରାଲ ହୋଇଛି । ତେବେ ଯେଉଁମାନେ ଏଭଳି କାଣ୍ଡ ଘଟାଇଛନ୍ତି ସେମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କୁକୁରର ଲାଳନ ପାଳନ କରୁଥିବା ରମା ରାଓ ପୋଲିସକୁ ନିବେଦନ କରିଛନ୍ତି ।
ସେପଟେ, ଏହି ଘଟଣାକୁ ନେଇ ଟାଉନ ଥାନାରେ ଅଭିଯୋଗ ସହ ମାମଲା ଦାଏର କଲେ ଅଞ୍ଚଳବାସୀ । ଦୋଷୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପୋଲିସକୁ କଲେ ଅନୁରୋଧ ।
You Can Read:
