ସିଲଭର୍ ସ୍କ୍ରିନ୍‌ରେ ପରବିନ୍ ହେବେ ତୃପ୍ତି, ବାୟୋପିକ୍‌ରେ ଖୋଲିବ ଅନେକ ରହସ୍ୟ

ମୁମ୍ଵାଇ ୦୩।୦୨; ବଲିଉଡ ଫିଲ୍ମ ଇଣ୍ଡଷ୍ଟ୍ରିରେ ତୃପ୍ତି ଡିମ୍ରି ଜଣେ ଡିମାଣ୍ଡିଂ ଅଭିନେତ୍ରୀ । କିଛି ମାସ ପୂର୍ବେ କାର୍ତ୍ତିକ ଆର୍ଯ୍ୟନଙ୍କ ହରର କମେଡି ଚଳଚ୍ଚିତ୍ର 'ଭୁଲ ଭୁଲେୟାଁ ୩'ରେ ତୃପ୍ତିଙ୍କୁ ଦେଖିବାକୁ ମିଳିଥିଲା। ଏହି ଚଳଚ୍ଚିତ୍ରଟି ବକ୍ସ ଅଫିସରେ ଏକ ସୁପରହିଟ୍ ବୋଲି ପ୍ରମାଣିତ ହୋଇଥିଲା । 'ଭୁଲ ଭୁଲେୟାଁ' 'ର ସଫଳତା ପରେ ତୃପ୍ତିଙ୍କୁ ଗୋଟିଏ ପରେ ଗୋଟିଏ ଅନେକ ପ୍ରୋଜେକ୍ଟର ଅଫର ମିଳିବାରେ ଲାଗିଛି । ଖବର ଅନୁଯାୟୀ, ତୃପ୍ତି ଡିମ୍ରିଙ୍କୁ ମନୋରଞ୍ଜନ ଇଣ୍ଡଷ୍ଟ୍ରିର ଅନ୍ୟତମ ସୁନ୍ଦର ଅଭିନେତ୍ରୀ ପରବିନ୍ ବବିଙ୍କ ବାୟୋପିକ୍ ଅଫର କରାଯାଇଛି।

ପରବିନ୍‌ ବବିଙ୍କ ବାୟୋପିକରେ ତୃପ୍ତି ଡିମ୍ରି

ଫିଲ୍ମଫେୟାର ରିପୋର୍ଟ ଅନୁଯାୟୀ, ତୃପ୍ତି ଡିମ୍ରିଙ୍କୁ ସ୍ୱର୍ଗତ ଅଭିନେତ୍ରୀ ପରବିନ୍‌ ବବିଙ୍କ ବାୟୋପିକ୍ ସିରିଜ୍ ଅଫର କରାଯାଇଛି। ଏହି ଧାରାବାହିକରେ ତୃପ୍ତି ପରବିନ୍‌ ବବିଙ୍କ ଭୂମିକାରେ ନଜର ଆସିବେ। ରିପୋର୍ଟ ଅନୁଯାୟୀ, ନେଟଫ୍ଲିକ୍ସ ଖୁବ ଶୀଘ୍ର ଏହି ଚଳଚ୍ଚିତ୍ରର ପ୍ରଡକ୍ସନ୍ ଉପରେ କାମ ଆରମ୍ଭ କରିବାକୁ ଯାଉଛି। ଏହାର ନିର୍ଦ୍ଦେଶନା ଦେବେ 'ଦି ସ୍କାଏ ଇଜ୍‌ ପିଙ୍କ' ଫେମ୍‌ ସୋନାଲି ବୋଷ। ନିର୍ମାତାମାନେ ମଧ୍ୟ ତୃପ୍ତିଙ୍କ ଡେଟ୍‌ ଲକ୍ କରିଛନ୍ତି। ସୋନାଲି ବୋଷ ଏବଂ ତାଙ୍କ ଟିମ୍‌ ଯଥାଶୀଘ୍ର ଏହି ପ୍ରୋଜେକ୍ଟରେ କାମ ଆରମ୍ଭ କରିବାକୁ ଆଗ୍ରହୀ ଅଟନ୍ତି ।

ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ତୃପ୍ତି ଡିମ୍ରିଙ୍କ ରୋମାଣ୍ଟିକ ଡ୍ରାମା 'ଧଡକ ୨' ଚଳିତ ବର୍ଷ ମୁକ୍ତିଲାଭ କରିବ। ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ସିଦ୍ଧାନ୍ତ ଚତୁର୍ବେଦୀ ନଜର ଆସିବେ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଶାଜିଆ ଇକବାଲ। ଏହି ଚଳଚ୍ଚିତ୍ର ବ୍ୟତୀତ ତୃପ୍ତିରେ ସାହିଦ କପୁରଙ୍କ ଏକ ସିନେମା ମଧ୍ୟ ଅଛି। ଯାହାର ନିର୍ଦ୍ଦେଶନା ଦେବେ ବିଶାଲ ଭରଦ୍ବାଜ।