ମାଳଦ୍ୱୀପ ଲଞ୍ଚ୍‌ କରିବ ଭାରତର RuPay ସର୍ଭିସ୍, ତୁଟିବ କି ଦୁଇ ଦେଶର ବିବାଦ ?

ନୂଆଦିଲ୍ଲୀ: ଦେଶ ମଧ୍ୟରେ ଦ୍ୱିପାକ୍ଷିକ ଉତ୍ତେଜନା ସତ୍ତ୍ୱେ ନୂତନ ପଦକ୍ଷେପ ଗ୍ରହଣ କରିବାକୁ ଯାଉଛି ଦ୍ୱୀପରାଷ୍ଟ୍ର। ମାଳଦ୍ୱୀପ ଆରମ୍ଭ କରିବାକୁ ଯାଉଛି ଭାରତର ରୁପେ ସେବା। ମାଳଦ୍ୱୀପ ଅର୍ଥନୈତିକ ବିକାଶ ଏବଂ ବାଣିଜ୍ୟ ମନ୍ତ୍ରୀ ମହମ୍ମଦ ସୟିଦ ଭାରତର Rupay ଉନ୍ମୋଚନ ବିଷୟରେ ଆଲୋଚନା କରିଛନ୍ତି। ମାଲଦ୍ୱୀପରେ କୁହାଯାଇଛି ଯେ ଖୁବ ଶୀଘ୍ର ଭାରତର Rupay Card ଲଞ୍ଚ କରିବ। ଏଥିରୁ ମାଲଦ୍ୱୀପ ଉପକୃତ ହେବାକୁ ଯାଉଛି। ଏହା ମାଲଦ୍ୱୀପର ମୁଦ୍ରା ବୃଦ୍ଧି କରିବ ବୋଲି ଆଶା କରାଯାଉଛି। ଭାରତର ରୁପେ ସେବା ଆରମ୍ଭ ହେବା ମାଲଦ୍ୱୀପର ରୁଫିଆ (MVR) କୁ ଆହୁରି ମଜବୁତ କରିବ ବୋଲି ଆଶା କରାଯାଉଛି। ଏହି ସୁବିଧାକୁ ଧ୍ୟାନରେ ରଖି ମାଳଦ୍ୱୀପ ଭାରତୀୟ RuPay ଲଞ୍ଚ କରିବାକୁ ପ୍ରସ୍ତୁତ ହେଉଛି।

ଏହି ପଦକ୍ଷେପ ନିଆଯାଉଛି ଯେଉଁ ସମୟରେ ମାଲଦ୍ୱୀପ ଏବଂ ଭାରତ ମଧ୍ୟରେ ଦ୍ୱିପାକ୍ଷିକ ସମ୍ପର୍କରେ ଫାଟ ପଡିଛି । ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (NPCI)ରୁ ରୁପେ ହେଉଛି ପ୍ରଥମ କାର୍ଡ ଯାହା ଭାରତରେ ବିଶ୍ୱ କାର୍ଡ ପେମେଣ୍ଟ ନେଟୱାର୍କରେ ଅନ୍ତର୍ଭୁକ୍ତ। 

ସାମଗ୍ରୀ କ୍ରୟ ଏବଂ ବିକ୍ରୟ ତଥା ଇ-କମର୍ସ ୱେବସାଇଟରେ ଦେୟ ଦେବା ପାଇଁ ଏଟିଏମରେ ଭାରତରେ ଏହା ବହୁଳ ଭାବରେ ବ୍ୟବହାର କରାଯାଉଛି। ଅର୍ଥନୈତିକ ବିକାଶ ଏବଂ ବାଣିଜ୍ୟ ମନ୍ତ୍ରୀ ମହମ୍ମଦ ସୟିଦ୍ ଭାରତର ରୁପେ ସେବା ଆରମ୍ଭ କରିବାକୁ ଘୋଷଣା କରିଛନ୍ତି।