ମୁସଲିମ୍ ଦେଶରେ ପରିବର୍ତ୍ତନର ଲହର, ପ୍ରଥମ ଥର ମିସ୍ ୟୁନିଭର୍ସରେ ଭାଗ ନେବ ସାଉଦି ଆରବ

ନୂଆଦିଲ୍ଲୀ: ମୁସଲିମ ଦେଶ ସାଉଦି ଆରବ ଯିଏ ଦିନେ ନିଜ କଟ୍ଟରତା ପାଇଁ ଦୁନିଆରେ ନିନ୍ଦିତ ଥିଲା, ମହମ୍ମଦ ବିନ ସଲମାନ ଅଲଙ୍କ ଶାସନରେ ନିଜ ଛବି ସୁଧାରିବାରେ ଲାଗିଛି । ସାଉଦି ଆରବ ଆନୁଷ୍ଠାନିକ ଭାବେ ମିସ୍ ୟୁନିଭର୍ସ ପ୍ରତିଯୋଗିତାରେ ଅଂଶଗ୍ରହଣ କରିବାକୁ ଯାଉଛି । ଏପରି କରିବାରେ ସାଉଦି ପ୍ରଥମ ମୁସଲିମ୍ ଦେଶ ହୋଇଛି । ୨୭ ବର୍ଷୀୟ ସୁନ୍ଦରୀ ମେଡଲ ରୁମି ଅଲକାହତାନୀ ଦେଶର ପ୍ରତିନିଧିତ୍ୱ କରିବେ । ଏହା ସାଉଦି ଆରବ ପାଇଁ ଆଉ ଏକ ଐତିହାସିକ ପଦକ୍ଷେପ ଅଟେ । ଏହା ପୂର୍ବରୁ ନିକଟ ଅତୀତରେ ସାଉଦି ଆରବ ଅଣ-ମୁସଲିମ କୂଟନୀତିଜ୍ଞଙ୍କ ପାଇଁ ମଦ କିଣିବାକୁ ଅନୁମତି ଦେଇଥିଲା । ଏହା ବ୍ୟତୀତ ମହିଳାଙ୍କୁ ସାର୍ବଜାନୀନ ରୂପେ ଗାଡ଼ି ଚଲାଇବା ଏବଂ ପୁରୁଷଙ୍କ ସହ କାର୍ଯ୍ୟକ୍ରମରେ ଭାଗ ନେବା ଲାଗି ଅନୁମତି ଦେଇଥିଲା ।

ମଡେଲ ରୁମି ଅଲକାହତାନୀ ସୋମବାର ଇନଷ୍ଟାଗ୍ରାମରେ ସୂଚନା ଦେଇଥିଲେ ଯେ ମିସ୍ ୟୁନିଭର୍ସ ପ୍ରତିଯୋଗିତାରେ ନିଜ ଦେଶ ସାଉଦି ଆରବର ପ୍ରଥମ ପ୍ରତିଯୋଗି ହେବେ । ଦ ଖଲିଜ ଟାଇମ୍ସ ଏବଂ ଏବିସି ନ୍ୟୁଜର ରିପୋର୍ଟ ଅନୁସାରେ, ଏହା ପ୍ରଥମ ଥର ଯେତେବେଳେ ସାଉଦି ଆରବ ମିସ୍ ୟୁନିଭର୍ସ ପ୍ରତିଯୋଗିତାରେ ଭାଗ ନେବାକୁ ଯାଉଛି ।

ସାଉଦି ଆରବ, ଯିଏ ଦୀର୍ଘ ସମୟ ଯାଏ ନିଜର ରୁଢିବାଦୀ ଚିନ୍ତାଧାରା ପାଇଁ ଦୁନିଆରେ ନିନ୍ଦିତ ଥିଲା, ବର୍ତ୍ତମାନରେ ୩୮ ବର୍ଷୀୟ କ୍ରାଉନ ପ୍ରିନ୍ସ ଏଥିରେ ପରିବର୍ତ୍ତନ ଆଣୁଛନ୍ତି । ମିଡିଲ ଇଷ୍ଟରେ ସବୁଠୁ ବଡ଼ ଦେଶ ରୂପେ ସାଉଦି ଆରବ ଐତିହାସିକ ରୂପେ କଠୋର ସାମାଜିକ ଏବଂ ଧାର୍ମିକ ନିୟନ୍ତ୍ରଣ ରଖୁଛି । ତେବେ ନିକଟରେ ଅନେକ କଟକଣାକୁ କହୋଳ କରିଛି ।