ମୋ ନାଁ ଦାଉଦ ସହ ଯୋଡିବ ତ…, କାହାକୁ ଏମିତି ଚେତାବନୀ ଦେଲେ ନଓ୍ବାବ ମଲିକ

ମୁମ୍ବାଇ,୨।୧୧: ମହାରାଷ୍ଟ୍ରରେ ହେବାକୁ ଥିବା ବିଧାନସଭା ନିର୍ବାଚନକୁ ନେଇ ରାଜନୈତିକ ଉଷ୍ମତା ମଧ୍ୟରେ ଅଜିତ ପାୱାର ଦଳର ନେତା ନଓ୍ବାବ ମଲିକ ତାଙ୍କ ନାମ ଅଣ୍ଡରୱାଲର୍‌ଡ ଡନ ଦାଉଡ ଇବ୍ରାହିମଙ୍କ ସହ ଯୋଡଶ ଯାଇଥିବାରୁ ସେ ଅସନ୍ତୋଷ ବ୍ୟକ୍ତ କରିଛନ୍ତି। ସେ ଚେତାବନୀ ଦେଇଛନ୍ତି ଯେ ଯିଏ ମୋ ନାମକୁ ଦାଉଦ ସହିତ ଲିଙ୍କ କରେ, ମୁଁ ତାଙ୍କ ବିରୋଧରେ ମାନହାନି ମକଦ୍ଦମା ଦାୟର କରିବି।
ଏନସିପି ନେତା ମଲିକ ପିଟିଆଇକୁ କହିଛନ୍ତି ଯେ ଦାଉଦଙ୍କ ନାମ ମୋ ସହ କିପରି ଜଡିତ ଅଛି, ମୋତେ ଆତଙ୍କବାଦୀ କୁହାଯାଉଛି। ସାମ୍ବାଦିକ, ଚ୍ୟାନେଲ କିମ୍ବା ଅନ୍ୟ କୌଣସି ମିଡିଆ ହାଉସ କିମ୍ବା ନେତା ଯେତେ ବଡ଼ ହୁଅନ୍ତୁ ନା କାହିଁକି । ସମସ୍ତଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
ମହାରାଷ୍ଟ୍ରର ଉପ ମୁଖ୍ୟମନ୍ତ୍ରୀ ଅଜିତ ପାୱାରଙ୍କ ନେତୃତ୍ୱରେ ଏନସିପିର ନେତା ନଓ୍ବାବ ମଲିକ ଆହୁରି କହିଛନ୍ତି ଯେ ମୋର ଭାବମୂର୍ତ୍ତିକୁ କ୍ଷୁର୍ଣ୍ଣ କରୁଥିବା ବ୍ୟକ୍ତିଙ୍କ ବିରୋଧରେ ମୁଁ ମାନହାନି ମକଦ୍ଦମା ଦାୟର କରିବି। ମୁଁ କାର୍ଯ୍ୟାନୁଷ୍ଠାନ ଗ୍ରହଣ କରିବି, ଲୋକଙ୍କୁ ଏହା ବୁଝିବାକୁ ପଡିବ।
ଅଜିତ ପାୱାର ଦଳର ଏନସିପି ମାନଖୁର୍ଦ ଶିବାଜୀ ନଗରରୁ ନବାବ ମଲିକଙ୍କୁ ଟିକେଟ ଦେଇଛନ୍ତି। ଶେଷ ମୁହୂର୍ତ୍ତରେ ନଓ୍ବାବ ମଲିକଙ୍କ ନାମ ଚୂଡାନ୍ତ ହୋଇଥିଲା। ଏହାପୂର୍ବରୁ ସେ ଏନସିପିରୁ ଏବି ଫର୍ମ ପାଇ ନଥିଲେ। ସେ ଜଣେ ସ୍ବାଧୀନ ପ୍ରାର୍ଥୀ ଭାବରେ ତାଙ୍କ ନାମାଙ୍କନପତ୍ର ଦାଖଲ କରିଥିଲେ। ପରେ, ଦଳରୁ ଏବି ଫର୍ମ ପାଇବା ପରେ ସେ ଏନସିପିର ସରକାରୀ ପ୍ରାର୍ଥୀ ଏବଂ ଦଳର ନିର୍ବାଚନ ପ୍ରତୀକ ଘଣ୍ଟା ଉପରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଛନ୍ତି।

The post ମୋ ନାଁ ଦାଉଦ ସହ ଯୋଡିବ ତ…, କାହାକୁ ଏମିତି ଚେତାବନୀ ଦେଲେ ନଓ୍ବାବ ମଲିକ appeared first on Dharitri Odia News.