ମୋଦି ସରକାର ଦେଶର ଶିକ୍ଷା ବ୍ୟବସ୍ଥାକୁ ଧ୍ୱସ୍ତ କରିଦେଇଛନ୍ତି: ଖାର୍ଗେ

ନୂଆଦିଲ୍ଲୀ,୨୦।୬: ନ୍ୟାଶନାଲ ଟେଷ୍ଟିଂ ଏଜେନ୍ସି(ଏନ୍‌ଟିଏ) ପରିଚାଳିତ ଏନ୍‌ଇଇଟି-ୟୁଜି ଫଳାଫଳରେ ହୋଇଥିବା ବିଭ୍ରାଟକୁ ନେଇ ବିବାଦ ଥମି ନ ଥିବା ବେଳେ ପୁଣି ଆଉ ଏକ ଅନିୟମିତତା ଦେଖାଦେଇଛି। ଏନ୍‌ଇଇଟି ପାଇଁ ଲକ୍ଷାଧିକ ଛାତ୍ରୀଛାତ୍ର ପ୍ରଭାବିତ ହୋଇଥିବା ବେଳେ ଏବେ ୟୁଜିସି-ଏନ୍‌ଇଟି ଦେଇଥିବା ଛାତ୍ରୀଛାତ୍ରଙ୍କ ଭବିଷ୍ୟତ ସହ ଖେଳ ହୋଇଛି। ଏନେଇ ରାଜନୀତି ଜୋର ଧରିଛି। କଂଗ୍ରେସ ଅଧ୍ୟକ୍ଷ ମଲିକାର୍ଜୁନ ଖାର୍ଗେ ସୋସିଆଲ ମିଡିଆ ପ୍ଲାଟଫର୍ମରେ ମୋଦି ସରକାରଙ୍କୁ ଟାର୍ଗେଟ୍‌ କରିଛନ୍ତି।
ସେ କହିଛନ୍ତି, ମୋଦି ସରକାର ଦେଶର ଶିକ୍ଷା ଏବଂ ନିଯୁକ୍ତି ବ୍ୟବସ୍ଥାକୁ ନଷ୍ଟ କରିଦେଇଛନ୍ତି। NEET, UGC-NETରେ ପେପର୍‌ ଲିକ, ବିଭ୍ରାଟ ଏବଂ ଅନିୟମିତତା ବର୍ତ୍ତମାନ ପ୍ରକାଶ ପାଇଛି। ବହୁଚର୍ଚ୍ଚିତ ଏନଆରଏ (ନ୍ୟାଶନାଲ ରିକ୍ରୁମେଣ୍ଟ ଏଜେନ୍ସି) ସଂପୂର୍ଣ୍ଣ ନିଷ୍କ୍ରିୟ। ଅଗଷ୍ଟ ୨୦୨୦ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବହୁତ ଜୋଶ୍‌ରେ ଏନଆରଏର ଘୋଷଣା କରିଥିଲେ। ସେ ବହୁତ ଦୃଢତାର ସହିତ କହିଥିଲେ – ଏନଆରଏ କୋଟି କୋଟି ଯୁବକମାନଙ୍କ ପାଇଁ ଏକ ଉତ୍ସାହ ବୋଲି ପ୍ରମାଣିତ କରିବ। ଏହା ମଧ୍ୟ ସ୍ବଚ୍ଛତାକୁ ପ୍ରୋତ୍ସାହିତ କରିବ। ଏନଆରଏ ସମସ୍ତ ଚାକିରି ପାଇଁ ଏକକ ନିଯୁକ୍ତି ପରୀକ୍ଷା କରିବ ବୋଲି ଦାବି ହୋଇଥିଲା। ଚାରି ବର୍ଷ ବିତିଯାଇଛି ଏବଂ ଜାତୀୟ ନିଯୁକ୍ତି ଏଜେନ୍ସି ଏପର୍ଯ୍ୟନ୍ତ ଗୋଟିଏ ବି ପରୀକ୍ଷା କରିନାହିଁ। ତିନି ବର୍ଷ ପାଇଁ ଏନଆରଏକୁ ୧,୫୧୭,୫୭ କୋଟି ଟଙ୍କା ପ୍ରଦାନ କରାଯାଇଥିଲା। ମାତ୍ର ଡିସେମ୍ବର ୨୦୨୨ ପର୍ଯ୍ୟନ୍ତ କେବଳ ୨୦ କୋଟି ଟଙ୍କା ଖର୍ଚ୍ଚ କରାଯାଇଥିଲା। ଯେତେବେଳେ ବି ବିରୋଧୀ ସଂସଦରେ ଉତ୍ତର ଲୋଡିଥିଲେ, ମୋଦି ସରକାର ଏଥିରୁ ନିବୃତ୍ତ ରହିଥିଲେ।
ଖାର୍ଗେ ଆହୁରି ମଧ୍ୟ କହିଛନ୍ତି, ସୂଚନା ଅଧିକାର ଅଧିନିୟମ ଅନୁଯାୟୀ ମିଳିଥିବା ସୂଚନା ଅନୁଯାୟୀ, ପ୍ରଧାନମନ୍ତ୍ରୀ ମୋଦିଙ୍କ ପରୀକ୍ଷା ପେ ଉପରେ ଖର୍ଚ୍ଚରେ ୧୭୫ ପ୍ରତିଶତ ବୃଦ୍ଧି ଘଟିଛି। ଯେଉଁ ସରକାର ବିନା ବିଭ୍ରାଟରେ ଦେଶବ୍ୟାପି ଗୋଟିଏ ପରୀକ୍ଷା କରିପାରିବେ ନାହିଁ, ସେହି ସରକାରଙ୍କ ମୁଖିଆଙ୍କ ଦ୍ୱାରା ଛାତ୍ରଛାତ୍ରୀଙ୍କ ଉପରେ ପରୀକ୍ଷା ଜ୍ଞାନ ବର୍ଷା କରିବା ଧୋକା ସଦୃଶ।

ये कैसी “परीक्षा पे चर्चा”, जहाँ रोज़ाना लीक होता पर्चा !

मोदी सरकार ने देश की शिक्षा व भर्ती प्रणाली को तहस-नहस कैसे किया है –

1⃣NEET, UGC-NET, CUET (Common University Entrance Test) में पेपर लीक, धाँधली और घोर अनियमितताओं का अब पर्दाफ़ाश हो चुका है।

2⃣बहुप्रचारित NRA -… pic.twitter.com/A1CQRFIOws

— Mallikarjun Kharge (@kharge) June 20, 2024

The post ମୋଦି ସରକାର ଦେଶର ଶିକ୍ଷା ବ୍ୟବସ୍ଥାକୁ ଧ୍ୱସ୍ତ କରିଦେଇଛନ୍ତି: ଖାର୍ଗେ appeared first on Dharitri Odia News.