ଯୁବତୀଙ୍କ ସହ ଅଶ୍ଳୀଳ ଭିଡିଓ କଂଗ୍ରେସ ନେତାଙ୍କ ପାଇଁ ପଡିଲା ଭାରି, ଅଜୟ ରାୟ ନେଲେ ବଡ଼ ଆକ୍ସନ

ଲକ୍ଷ୍ନୌ,୩।୧୧: ସୋସିଆଲ ମିଡିଆରେ ଜଣେ ଯୁବତୀଙ୍କ ସହିତ ଅଶ୍ଳୀଳ ଭିଡିଓ ଭାଇରାଲ ହେବା ପରେ କଂଗ୍ରେସ ପ୍ରଦେଶ ଅଧ୍ୟକ୍ଷ ଅଜୟ ରାୟ ଡକ୍ଟର ୟୁନୁସ ଚୌଧୁରୀଙ୍କୁ ଜିଲା ଅଧ୍ୟକ୍ଷ ପଦରୁ ହଟାଇ ଦେଇଛନ୍ତି। ଯଦିଓ ଯୁବତୀ ଜଣଙ୍କ ଏପର୍ଯ୍ୟନ୍ତ ପୋଲିସ-ପ୍ରଶାସନ ନିକଟରେ ଏ ନେଇ ଅଭିଯୋଗ କରିନାହାଁନ୍ତି, କିନ୍ତୁ ବାଗପାଟରେ କଂଗ୍ରେସ ଜିଲା ଅଧ୍ୟକ୍ଷଙ୍କୁ ବହୁତ ହଇରାଣ କରାଯାଉଛି।
କଂଗ୍ରେସ ଜଲା ଅଧ୍ୟକ୍ଷ ଡକ୍ଟର ୟୁନୁସ ଚୌଧୁରୀଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି ଯେଉଁଥିରେ ସେ ଜଣେ ଯୁବତୀଙ୍କ ସାମ୍ନାରେ ଅଶ୍ଳୀଳ କାର୍ଯ୍ୟ କରୁଛନ୍ତି। ଯୁବତ ତାଙ୍କୁ ଛାଡିବାକୁ ନିବେଦନ କରୁଛନ୍ତି କିନ୍ତୁ ସେ ତାଙ୍କର ଅଶ୍ଳୀଳ କାର୍ଯ୍ୟକୁ ବନ୍ଦ କରୁନାହାଁନ୍ତି। ଏକ କୋଠରୀରେ ଏକ ମିନିଟ ପାଞ୍ଚ ସେକେଣ୍ଡ ଭିଡିଓ ପ୍ରସ୍ତୁତ କରାଯାଇଛି ଯାହାକି ବଡୌତ ଅଞ୍ଚଳର ଏବଂ ଅନେକ ଦିନ ପୁରୁଣା ବୋଲି କୁହାଯାଉଛି।

ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବା ମାତ୍ରେ ଡକ୍ଟର ୟୁନୁସ ଚୌଧୁରୀଙ୍କୁ ବିରୋଧ କରୁଥିବା ଶିବିର ସକ୍ରିୟ ହୋଇଯାଇଥିଲା। ଏହି ଭିଡିଓ ପାର୍ଟି ହାଇ କମାଣ୍ଡକୁ ପଠାଯାଇଥିଲା, ପରେ ଜିଲାରେ ଅସୁବିଧା ଆରମ୍ଭ ହୋଇଥିଲା। ଅପରାହ୍ନରେ କଂଗ୍ରେସ ପ୍ରଦେଶ ଅଧ୍ୟକ୍ଷ ଅଜୟ ରାୟ ଏହି ପ୍ରସଙ୍ଗରେ ଏକ ଚିଠି ଜାରି କରିଛନ୍ତି ଯେଉଁଥିରେ ଭାଇରାଲ ଭିଡିଓ ହେତୁ ଦଳର ଭାବମୂର୍ତ୍ତିକୁ କ୍ଷୁର୍ଣ୍ଣ କରାଯାଉଥିବା ଦର୍ଶାଇ ତାଙ୍କୁ ତୁରନ୍ତ ତାଙ୍କ ପଦରୁ ହଟାଯିବା ସମ୍ପର୍କରେ ସୂଚନା ଦିଆଯାଇଛି। ପ୍ରଦେଶ ଅଧ୍ୟକ୍ଷଙ୍କ ଏହି ଚିଠି ସୋସିଆଲ ମିଡିଆରେ ମଧ୍ୟ ଭାଇରାଲ ହୋଇଛି।

The post ଯୁବତୀଙ୍କ ସହ ଅଶ୍ଳୀଳ ଭିଡିଓ କଂଗ୍ରେସ ନେତାଙ୍କ ପାଇଁ ପଡିଲା ଭାରି, ଅଜୟ ରାୟ ନେଲେ ବଡ଼ ଆକ୍ସନ appeared first on Dharitri Odia News.