ଯେଉଁ ବିଲ୍ଡିଂରେ ଚାଲିଥିଲା କେସ୍‌, ସେଇଠି ଶପଥ ନେବେ ଟ୍ରମ୍ପ, ଜାଣି ତାଜୁବ ହେବେ…

ଓ୍ବାଶିଂଟନ୍‌,୭।୧୧: ଆମେରିକାର ପରବର୍ତ୍ତୀ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଜାନୁୟାରୀ ୨୦ ତାରିଖ ମଧ୍ୟାହ୍ନ ୧୨ଟାରେ ଆମେରିକାର ସଂସଦ ଭବନ କ୍ୟାପିଟାଲରେ ଶପଥ ଗ୍ରହଣ କରିବେ । ଶପଥ ଗ୍ରହଣ ପରେ ସେ କ୍ୟାପିଟାଲରୁ ତାଙ୍କ ସ୍ତ୍ରୀ ଏବଂ ଆମେରିକାର ପ୍ରଥମ ଲେଡି ମେଲାନିଆ ଟ୍ରମ୍ପଙ୍କ ସହ ହ୍ବାଇଟ ହାଉସରେ ରହିବାକୁ ଯିବେ।

ଶପଥ ଗ୍ରହଣ ଦାୟିତ୍ୱ ଆମେରିକାର ସଂସଦର ମିଳିତ କମିଟିର ରହିଛି । ଜାନୁଆରୀ ୬ରେ ଏହି କମିଟି ଗଠନ କରାଯିବ । ଏହା ପରେ ନୂଆ ରାଷ୍ଟ୍ରପତିଙ୍କ ଶପଥ ଗ୍ରହଣ ସମାରୋହ ପାଇଁ ପ୍ରସ୍ତୁତି ଆରମ୍ଭ ହେବ । ଜାନୁଆରୀ ୨୦ରେ ଆମେରିକାର ସମୟ ଦ୍ୱିପ୍ରହରରେ ଶପଥ ଗ୍ରହଣ ଆରମ୍ଭ ହେବ ।

ସ୍ତ୍ରୀ ମେଲାନିଆ ଟ୍ରମ୍ପଙ୍କ ହାତରେ ବାଇବେଲ ଏବଂ ଆମେରିକାର ସମ୍ବିଧାନ ରହିବ । ଯେଉଁଥିରେ ଡୋନାଲ୍ଡ ଟ୍ରମ୍ପ ତାଙ୍କ ହାତ ରଖିବେ ଏବଂ ସମ୍ବିଧାନର ସୁରକ୍ଷା ତଥା ତାଙ୍କ କର୍ତ୍ତବ୍ୟ ପାଳନ କରିବାକୁ ଶପଥ ନେବେ । ପରେ ଟ୍ରମ୍ପ କ୍ୟାପିଟାଲ ହିଲ ବିଲ୍ଡିଂରେ ଥିବା ରାଷ୍ଟ୍ରପତିଙ୍କ କୋଠରୀକୁ ଯାଇ କାର୍ଯ୍ୟ ଆରମ୍ଭରେ ପ୍ରଥମ ଫାଇଲରେ ଦସ୍ତଖତ କରିବେ ।

ପରମ୍ପରା ଅନୁଯାୟୀ ନୂଆ ରାଷ୍ଟ୍ରପତିଙ୍କ ଶପଥ ଗ୍ରହଣ ସମାରୋହରେ ପୁରାତନ ରାଷ୍ଟ୍ରପତି ମଧ୍ୟ ଉପସ୍ଥିତ ରହିଥାନ୍ତି । କିନ୍ତୁ ୨୦୨୦ରେ ବାଇଡେନଙ୍କ ଶପଥ ଗ୍ରହଣ ସମାରୋହରେ ସେ ଯୋଗ ଦେଇନଥିଲେ । ଆମେରିକାର ରାଷ୍ଟ୍ରପତି ରୋନାଲ୍ଡ ରେଗାନଙ୍କ ପରି ସେ ତାଙ୍କ ଉତ୍ତରାଧିକାରୀ ଜୋ ବାଇଡେନଙ୍କ ପାଇଁ ଏକ ଚିଠି ଲେଖି ହ୍ବାଇଟ ହାଉସରେ ଅବସ୍ଥିତ ଓଭାଲ ଅଫିସର ରାଷ୍ଟ୍ରପତିଙ୍କ ଟେବୁଲରେ ରଖିଥିଲେ ।

The post ଯେଉଁ ବିଲ୍ଡିଂରେ ଚାଲିଥିଲା କେସ୍‌, ସେଇଠି ଶପଥ ନେବେ ଟ୍ରମ୍ପ, ଜାଣି ତାଜୁବ ହେବେ… appeared first on Dharitri Odia News.