ଯୋଗ ବଞ୍ଚାଇଦେଲା ଜୀବନ, ମଲାଭଳି ଅଭିନୟ କରି ଅପହରଣକାରୀଙ୍କ ଠାରୁ ନିଜକୁ ବଞ୍ଚାଇଲେ ମହିଳା

ଯୋଗ ଓ ଧ୍ୟାନ ମଣିଷ ଜୀବନରେ କେତେ ପ୍ରଭାବ ପକାଇପାରେ ତାହା ଆପଣ ଜାଣିଛନ୍ତି କି ? ସତରେ କଣ ଏହି ଯୋଗ କରିବା ଦ୍ୱାରା ଜଣେ ବ୍ୟକ୍ତି ଅପହରଣରୁ ନିଜକୁ ବଞ୍ଚାଇବାରେ ସକ୍ଷମ ହୋଇପାରେ କି ? ହଁ ଆଜ୍ଞା ଅପହରଣ ହେବାପରେ ଯୋଗ ମାଧ୍ୟମରେ ନିଜ ଶ୍ୱାସକୁ ବନ୍ଦକରି ଅପହରଣକାରୀଙ୍କୁ ଚଖମା ଦେଇଛନ୍ତି ଏକ ମହିଳା ।  ଯାହା ଫଳରେ ମହିଳାଙ୍କ ଜୀବନ ଚାଲି ଯାଇଛି ଭାବି ଅପହରଣକାରୀ ତାଙ୍କୁ ଛାଡି ଚାଲିଯାଇଥିଲା । ଶୁଣିବାକୁ ଅବିଶ୍ୱାସ ଲାଗୁଥିଲେ ମଧ୍ୟ ଘଟଣାଟି ସତ । ଘଟଣା ଘଟିଛି କର୍ଣାଟକର ଚି଼କ୍କବଲ୍ଲାପୁର ଜିଲ୍ଲାରେ ଦେଖିବାକୁ ମିଳିଛି । ତେବେ ଏଠାରେ ଯୋଗ ଶିକ୍ଷା ଦେଉଥିବା ଶିକ୍ଷକଙ୍କୁ ୪ଜଣ ସୁପାରିକିଲର ଅପହରଣ କରିନେଇଥିଲେ । ଏହା ସହ ତାଙ୍କୁ ମାରପିଟ କରିଥିଲେ । ଯାହାଦ୍ୱାରା ମହିଳାଙ୍କ ଶ୍ୱାସ ଅଟକି ଯାଇଥିଲା । ସେହି ସମୟରେ ମହିଳାଙ୍କ ଜୀବନ ଚାଲିଯାଇଥିବା ଜାଣିପାରି ତାଙ୍କୁ ଏକ ଜଙ୍ଗଲରେ ଅପହରଣକାରୀ ମାନେ ଫିଙ୍ଗି ଦେଇଥିଲେ ।

ଏହାପରେ ଅପହରଣକାରୀ ସେ ସ୍ଥାନରୁ ଫେରାର ହୋଇଯାଇଥିଲେ । ଅକ୍ବୋବର ୨୪ ତାରିଖରେ ଏହି ଘଟଣା ଘଟିଛି । ତେବେ ଗୁରୁବାର ଦିନ ଏହି ମାମଲା ସମ୍ପର୍କରେ ଥିବା ଅଭିଯୁକ୍ତ ମାନଙ୍କୁ ଗିରଫ କରାଯାଇଛି । ଯାହା ଫଳରେ ଏହି ଘଟଣା ଜଣା ପଡିଥିଲା । ତେବେ ପୀଡିତା ଜଣଙ୍କ କିପରି ନିଜ ଜୀବନକୁ ରକ୍ଷା କରିପାରିଥିଲେ । ଯାହା ମହିଳାଙ୍କ ଜୀବନ କୁ ବଞ୍ଚାଇବାରେ ସାହାଯ୍ୟ କରିଥିଲା ।ସେ ସମସ୍ତ କାହାଣୀ ପୋଲିସ ଙ୍କ ଆଗରେ ବର୍ଣ୍ଣନା କରିଥିଲେ । ଚି଼କ୍କବଲ୍ଲାପୁର ପୋଲିସ ଅଧିକ୍ଷକ କୁଶାଲ କହିଛନ୍ତି କି ଯୋଗ ଶିକ୍ଷୟତ୍ରୀଙ୍କ ସ୍ୱାମୀଙ୍କ ସହ ଭଲ ସମ୍ପର୍କ ନ ଥିଲା । ସେମାନଙ୍କର ଦୁଇଟି ସନ୍ତାନ ଅଛନ୍ତି । ସେ ବାଙ୍ଗାଲୋରରେ ଥିବା କୃଷ୍ଣ ରାଜପୁରରେ ବସବାସ କରନ୍ତି । ପୋଲିସର ସୂଚନା ଅନୁସାରେ ପୀଡିତାଙ୍କ ସ୍ୱାମୀଙ୍କ ସାଙ୍ଗ ସନ୍ତୋଷ ମଧ୍ୟ କୃଷ୍ଣରାଜପୁରମରେ ରହନ୍ତି । ନିଜ ସ୍ୱାମୀଙ୍କ ସହ ସମ୍ପର୍କ ଠିକ ନଥିବା ହେତୁ ପୀଡିତାଙ୍କ ସ୍ବାମୀଙ୍କ ସାଙ୍ଗ ସନ୍ତୋଷଙ୍କ ମଧ୍ୟରେ ବନ୍ଧୁତା ସୃଷ୍ଟି ହେଲା ।

ଏହି କଥାକୁ କେନ୍ଦ୍ରକରି ସନ୍ତୋଷ ଏବଂ ତାଙ୍କ ସ୍ତ୍ରୀ ଵିନ୍ଦୁଙ୍କ ମଧ୍ୟରେ ଝଗଡା ହେବାକୁ ଲାଗୁଥିଲା । ଏଥିରେ ଅଶାନ୍ତି ହୋଇ ବିନ୍ଦୁ ଯୋଗ ଶିକ୍ଷୟତ୍ରୀଙ୍କୁ ମାରିବା ପାଇଁ ଯୋଜନା ତିଆରି କରିଥିଲା । ବିନ୍ଦୁ ସତିଶ ରେଡ୍ଡୀ ନାମକ ବକ୍ତିଙ୍କ ସହ ଯୋଗାଯୋଗ କରିଥିଲା । ଯାହାଙ୍କ ନାମରେ କିଛି ଆଗରୁ ଅପରାଧିକ ମାମଲା ରହିଥିଲା । ଯୋଗ ଶିକ୍ଷୟତ୍ରୀଙ୍କୁ ମାରିବା ପାଇଁ ବିନ୍ଦୁ ଟଙ୍କା ଦେଇଥିଲେ । ବିନ୍ଦୁ ସନ୍ତୋଷଙ୍କୁ ଟଙ୍କା ଦେବା ସହ ତାଙ୍କ ବ୍ୟାଙ୍କ ଆକାଇଣ୍ଟକୁ ଟଙ୍କା ଟ୍ରାନ୍ସଫର କରିଥିଲା । ଯୋଜନା ଅନୁସାରେ ରେଡ୍ଡି କୃଷ୍ଣରାଜପୁରମରେ ଅର୍ଚ୍ଚନାଙ୍କ ସହ ଦେଖା କରିଥିଲେ । ସେ ଯୋଗ ଶିଖିବାକୁ ଇଛା କରୁଥିବା କଥା ଜଣାଇଥିଲେ । କିଛି ଦିନ ଭିତରେ ସେମାନଙ୍କ ମଧ୍ୟରେ ପରିଚୟ ହୋଇଯାଇଥିଲା ।

୨୪ ଅକ୍ଚୋବର ରେ ଏକ ପ୍ରକଲ୍ପ ଦେଖାଇବା ନାମରେ ସନ୍ତୋଷ ରେଡ୍ଡି ପୀଡିତାଙ୍କୁ ନିଜ କାରରେ ଚି଼କ୍କବଲ୍ଲାପୁର ପାଖକୁ ନେଇଯାଇଥିଲା । ଏହାପରେ ଅନ ୩ ଜଣଙ୍କ ସହ ମିଶି ପୀଡିତାଙ୍କ ଉପରେ ଆକ୍ରମଣ କରିଥିଲେ । ଏହି ଆକ୍ରମଣରେ ପୀଡିତା ବେହୋସ ହୋଇ ଯାଇଥିଲେ ଏବଂ ସେ ଜାଣିଶୁଣି ଜୀବନ ଚାଲିଗଲା ଭଳି ନାଟକ କରିଥିଲେ । ସନ୍ତୋଷ ଏବଂ ତାଙ୍କ ସହଯୋଗୀ ପାଡିତାଙ୍କୁ ଦେଖି ଜୀବନ ଚାଲି ଯାଇଥିବା ଭଳି ଅନୁଭବ କରିଥିଲେ । ଏହାପରେ ରେଡ୍ଡି ଓ ତାଙ୍କ ସହଯୋଗୀ ପୀଡିତା ପିନ୍ଧିଥିବା ଅଳଙ୍କାର ସବୁ ବାହାର କରିନେଇଥିଲେ । ଏହାପରେ ଏକ ଜଙ୍ଗଲ ମଧ୍ୟରେ ଥିବା ଖାଲ ଭିତରକୁ ମହିଳାଙ୍କୁ ପିଙ୍ଗି ଦେଇ ସେମାନେ ପଳାଇଥିଲେ ।

ସେମାନେ ଚାଲିଗଲା ପରେ ବିନ୍ଦୁ ସ୍ଥାନୀୟ ଲୋକଙ୍କ ସାହାଯ୍ୟ ମାଗିଥିଲେ । ଏହାପରେ ବାହାରି ସେ ପୋଲିସ ଷ୍ଟେସନକୁ ଯାଇଥିଲେ । ଏକ ମାମଲା ଦାୟର କରିଥିଲେ । ସ୍ପେଶାଲ ଟିମ ଘଟଣାର ତଦନ୍ତ କରିଥିଲେ । ଅପହରଣ କାରୀ ବ୍ୟବହାର କରିଥିବା ଗାଡିକୁ ଉଦ୍ଧାର କରାଯାଇଛି । ଏହାସହ ସନ୍ତୋଷ ରେଡ୍ଡିଙ୍କ ସହ ବାକି ସହଯୋଗୀ ନଗେନ୍ଦ୍ର ରେଡ୍ଡି ,ରବି କୁମାର, ରମନା ରେଡ୍ଡିଙ୍କୁ ଗିରଫ କରାଯାଇଛି । ବିନ୍ଦୁ ପୀଡିତାଙ୍କୁ ମାରିବା ପାଇଁ ସୁପାରୀ ଦେଇଥିବା କଥା ସନ୍ତୋଷ ରେଡ୍ଡୀ ପୋଲିସ ଆଗରେ କହିଥିଲେ । ଏହାପରେ ବିନ୍ଦୁଙ୍କୁ ପୋଲସ ଗିରଫ କରିଥିଲା ।

The post ଯୋଗ ବଞ୍ଚାଇଦେଲା ଜୀବନ, ମଲାଭଳି ଅଭିନୟ କରି ଅପହରଣକାରୀଙ୍କ ଠାରୁ ନିଜକୁ ବଞ୍ଚାଇଲେ ମହିଳା appeared first on KNews Odisha.