ରକ୍ଷାବନ୍ଧନ ପୂର୍ବରୁ କେନ୍ଦ୍ର ସରକାରୀ କର୍ମଚାରୀଙ୍କୁ ବଡ଼ ଉପହାର ଦେବେ ସରକାର, ବଢିବ…

ନୂଆଦିଲ୍ଲୀ,୨୨।୭: ରକ୍ଷାବନ୍ଧନ ପୂର୍ବରୁ କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀମାନଙ୍କୁ ଭଲ ଖବର ମିଳିପାରେ। ସେମାନେ ବର୍ତ୍ତମାନର ସପ୍ତମ ବେତନ କମିଶନ ଅଧୀନରେ ଅତି କମରେ ଆଉ ଗୋଟିଏ DA (ମହାଙ୍ଗା ଭତ୍ତା) ପାଇପାରନ୍ତି।

ସଦ୍ୟତମ ମୁଦ୍ରାସ୍ଫୀତି ସଂଖ୍ୟାକୁ ଦେଖିଲେ, ଜୁଲାଇ ୨୦୨୫ରେ କେନ୍ଦ୍ର ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା ୩ରୁ ୪ ପ୍ରତିଶତ ବୃଦ୍ଧି ପାଇବାର ସମ୍ଭାବନା ଅଛି। ଏହା ଦେଶର କୋଟି କୋଟି କେନ୍ଦ୍ର ସରକାରୀ କର୍ମଚାରୀଙ୍କୁ ଆଶ୍ୱସ୍ତି ପ୍ରଦାନ କରିବ।

ସାଧାରଣତଃ, ମହଙ୍ଗା ଭତ୍ତା ବୃଦ୍ଧି ବର୍ଷରେ ଦୁଇଥର ଫେବୃଆରୀ-ମାର୍ଚ୍ଚ ଏବଂ ସେପ୍ଟେମ୍ବର-ଅକ୍ଟୋବରରେ ଘୋଷଣା କରାଯାଏ, ଯାହା ଯଥାକ୍ରମେ ଜାନୁଆରୀ ଏବଂ ଜୁଲାଇରୁ ଲାଗୁ ହୁଏ। ଏହା କର୍ମଚାରୀମାନଙ୍କୁ ବର୍ଦ୍ଧିତ ମୁଦ୍ରାସ୍ଫୀତିର ମୁକାବିଲା କରିବାରେ ସାହାଯ୍ୟ କରେ। ଚଳିତ ବର୍ଷ ମାର୍ଚ୍ଚରେ ୨ ପ୍ରତିଶତ ବୃଦ୍ଧି ସହିତ, ବର୍ତ୍ତମାନର ଡିଏ ହାର ୫୫ ପ୍ରତିଶତ। ସରକାରୀ କର୍ମଚାରୀମାନଙ୍କୁ ଡିଏ ଦିଆଯାଇଥାଏ, ଯେତେବେଳେ ପେନସନଭୋଗୀଙ୍କୁ ଡିଆର ଦିଆଯାଇଥାଏ।

The post ରକ୍ଷାବନ୍ଧନ ପୂର୍ବରୁ କେନ୍ଦ୍ର ସରକାରୀ କର୍ମଚାରୀଙ୍କୁ ବଡ଼ ଉପହାର ଦେବେ ସରକାର, ବଢିବ… appeared first on Dharitri Odia News.