ରାମଲାଲାଙ୍କୁ ସାଷ୍ଟାଙ୍ଗ ପ୍ରଣିପାତ କରି ରୋଡ ଶୋ’ରେ ବାହାରିଲେ ମୋଦି

ଅଯୋଧ୍ୟା,୫।୫: ଜାନୁଆରୀ ୨୨ରେ ରାମ ମନ୍ଦିରର ଉଦଘାଟନ ପରେ ପ୍ରଥମ ଥର ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ରାମ ଲାଲାଙ୍କ ଦର୍ଶନ ପାଇବା ପାଇଁ ରାମ ମନ୍ଦିରରେ ପହଞ୍ଚିଥିଲେ। ରାମଲାଲାଙ୍କୁ ପୂଜା କରିବା ପରେ ନରେନ୍ଦ୍ର ମୋଦି ଅଯୋଧ୍ୟାରେ ଏକ ରୋଡ ସୋ କରିଛନ୍ତି। ମେ ୧୪ରେ ବାରାଣାସୀ ଲୋକ ସଭା ଆସନରୁ ନାମାଙ୍କନପତ୍ର ଦାଖଲ କରିବାର କିଛି ଦିନ ପୂର୍ବରୁ ପ୍ରଧାନମନ୍ତ୍ରୀ ମୋଦି ପ୍ରଭୁ ରାମଙ୍କର ଏହି ଦର୍ଶନ ପାଇଥିଲେ।

ବ୍ୟସ୍ତବହୁଳ ନିର୍ବାଚନ ପ୍ରଚାର କାର୍ଯ୍ୟସୂଚୀ ମଧ୍ୟରେ ନରେନ୍ଦ୍ର ମୋଦି ରବିବାର ଉତ୍ତରପ୍ରଦେଶରେ ପହଞ୍ଚିଥିଲେ ଏବଂ ପ୍ରଧାନମନ୍ତ୍ରୀଙ୍କୁ ସ୍ବାଗତ କରିବା ପାଇଁ ଅଯୋଧ୍ୟା ସମ୍ପୂର୍ଣ୍ଣ ରୂପେ ସଜାଯାଇଥିଲା। ଏହି ସମୟରେ ମୋଦି ଏକ ସୁବର୍ଣ୍ଣ କୁର୍ତ୍ତା-ଧଳା ପାଇଜାମା ଏବଂ ଏକ ସୁବର୍ଣ୍ଣ ଜ୍ୟାକେଟ ପିନ୍ଧିଥିଲେ। ପ୍ରଧାନମନ୍ତ୍ରୀ ପ୍ରଭୁ ରାମ ଲାଲାଙ୍କ ମୂର୍ତ୍ତିକୁ ‘ସାଷ୍ଟାଙ୍ଗ ଦଣ୍ଡବତ’ରେ ପ୍ରଣାମ କରି ପ୍ରାର୍ଥନା କରିଥିଲେ। ଏହା ପରେ ସେ ଦୁଇ କିଲୋମିଟର ଲମ୍ବା ରୋଡ ସୋ ପାଇଁ ବାହାରକୁ ଯାଇଥିଲେ, ଯେଉଁଠାରେ ଲୋକମାନେ ନରେନ୍ଦ୍ର ମୋଦିଙ୍କ ଝଲକ ଦେଖିବାକୁ ସବୁଆଡେ ଏକାଠି ହୋଇଥିଲେ।

ଏହି ରୋଡ ସୋ ସୁଗ୍ରିବ ଦୁର୍ଗରୁ ଆରମ୍ଭ ହୋଇ ଲତା ଚୌକରେ ଶେଷ ହେବ। ଉତ୍ତର ପ୍ରଦେଶରେ ଲୋକ ସଭା ନିର୍ବାଚନର ତୃତୀୟ ପର୍ଯ୍ୟାୟ ପାଇଁ ଅଭିଯାନ ରବିବାର ସା ୬ ଟାରେ ଶେଷ ହୋଇଛି। ମେ ୭ରେ ସମ୍ଭଲ, ହାଥରସ (ଏସସି), ଆଗ୍ରା (ଏସସି), ଫତେହପୁର ସିକ୍ରି, ଫିରୋଜାବାଦ, ମୈନପୁରୀ, ଏଟା, ବାଦାୟୁ, ଆମଲା ଏବଂ ବରେଲିରେ ମତଦାନ ଅନୁଷ୍ଠିତ ହେବ।

#WATCH | Prime Minister Narendra Modi performs 'Dandavat Pranam' at the Shri Ram Janmaboomi Temple in Ayodhya. https://t.co/oC6eAOibRm pic.twitter.com/gyIVYRMCzL

— ANI (@ANI) May 5, 2024

The post ରାମଲାଲାଙ୍କୁ ସାଷ୍ଟାଙ୍ଗ ପ୍ରଣିପାତ କରି ରୋଡ ଶୋ’ରେ ବାହାରିଲେ ମୋଦି appeared first on Dharitri Odia News.