ରାହୁଲଙ୍କ ସାମ୍ନାରେ ହାତ ଯୋଡି ଠିଆ ହୋଇଛନ୍ତି ହେମନ୍ତ ସୋରେନ, କ’ଣ କହୁଛି ଏହି ଫଟୋ?

ନୂଆଦିଲ୍ଲୀ,୯।୧୧: ଗାନ୍ଧୀ ପରିବାର ସାମ୍ନାରେ କାହିଁକି ଆଦିବାସୀ ନେତା ତଥା ଝାଡ଼ଖଣ୍ଡର ମୁଖ୍ୟମନ୍ତ୍ରୀ ହାତ ଯୋଡିଛନ୍ତି? ଶନିବାର ତାଙ୍କ ଅଫିସିଆଲ ‘ଏକ୍ସ’ ହ୍ୟାଣ୍ଡେଲରେ ହେମନ୍ତ ସୋରେନ ଏବଂ ରାହୁଲ ଗାନ୍ଧୀଙ୍କ ଫଟୋ ପୋଷ୍ଟ କରିବାବେଳେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ଏହି ପ୍ରଶ୍ନ ପଚାରିଛନ୍ତି।

କଂଗ୍ରେସ ଏମପି ନିର୍ବାଚନ ରାଜ୍ୟର ଧାନବାଦ ଜିଲାରେ ଏକ ରାଲିକୁ ସମ୍ବୋଧନ କରିବାକୁ ଆସିଥିଲେ ଯେଉଁଠାରେ ମୁଖ୍ୟମନ୍ତ୍ରୀ ହେମନ୍ତ ସୋରେନ ତାଙ୍କୁ ବିମାନବନ୍ଦରରେ ସ୍ବାଗତ କରିଥିଲେ। ଝାଡ଼ଖଣ୍ଡ ପାଇଁ ଭାଜପାର ନିର୍ବାଚନ ସହ-ପ୍ରଭାରି ଥିବା ହିମନ୍ତ ବିଶ୍ୱ ଶର୍ମା ଉଭୟ ନେତାଙ୍କ ଏହି ଫଟୋକୁ ନେଇ ପ୍ରଶ୍ନ ପଚାରିଛନ୍ତି।

झारखंड प्रदेश के वरिष्ठ आदिवासी नेता और माननीय मुख्यमंत्री क्यों गांधी परिवार के सामने ऐसे हाथ जोड़ रहे हैं? pic.twitter.com/8YN1XLv5JU

— Himanta Biswa Sarma (@himantabiswa) November 9, 2024

ଯଦି ଦେଖାଯାଏ, ତେବେ ତାଙ୍କ ପ୍ରଶ୍ନ ମଧ୍ୟ ସଠିକ କାରଣ ରାହୁଲ ଗାନ୍ଧୀଙ୍କ ତୁଳନାରେ ହେମନ୍ତ ସୋରେନଙ୍କ ରାଜନୈତିକ ସ୍ଥିତି ବହୁତ ଅଧିକ। ସେ ଜଣେ ରାଜ୍ୟର ମୁଖ୍ୟମନ୍ତ୍ରୀ ହେବା ବ୍ୟତୀତ ଝାଡ଼ଖଣ୍ଡ ମୁକ୍ତି ମୋର୍ଚ୍ଚା (ଜେଏମଏମ) ର ଜଣେ ବରିଷ୍ଠ ନେତା ହୋଇଥିବାବେଳେ ରାହୁଲ ଗାନ୍ଧୀ କେବଳ କଂଗ୍ରେସଏମପି। ଝାଡ଼ଖଣ୍ଡରେ ଥିବା ଇଣ୍ଡି ମିଳିତ ମଞ୍ଚରେ ଜେଏମଏମ ସର୍ବାଧିକ ୪୩ଟି ଆସନରେ ପ୍ରତିଦ୍ୱନ୍ଦ୍ୱିତା କରୁଥିବାବେଳେ ୩୦ଟି ସିଟ ସହ କଂଗ୍ରେସ ଦ୍ୱିତୀୟ ବୃହତ୍ତମ ଦଳ ଅଟେ। ଏଥି ସହିତ ରାଷ୍ଟ୍ରୀୟ ଜନତା ଦଳ (ଆରଜେଡି) ନିଜ ପ୍ରାର୍ଥୀଙ୍କୁ ୬ଟି ଆସନରେ ସ୍ଥାନିତ କରିଛି ଏବଂ ବାମ ଦଳ ତିନିଟି ବିଧାନସଭା ଆସନରେ ଭାଗ୍ୟ ପରୀକ୍ଷା କରୁଛନ୍ତି।
ଏହା ପ୍ରଥମ ଘଟଣା ନୁହେଁ ଯେ ହିମନ୍ତ ବିଶ୍ବ ଶର୍ମା ରାହୁଲ ଗାନ୍ଧୀଙ୍କୁ ଟାର୍ଗେଟ କରିଛନ୍ତି। ଏହାର ଗୋଟିଏ ଦିନ ପୂର୍ବରୁ, ନଭେମ୍ବର ୮ରେ ସେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଟାର୍ଗେଟ କରିଥିଲେ ଏବଂ ତାଙ୍କୁ ‘ଲକ୍ଷ୍ୟହିନ କ୍ଷେପଣାସ୍ତ୍ର’ ସହିତ ତୁଳନା କରିଥିଲେ ଏବଂ ପୂର୍ବତନ କଂଗ୍ରେସ ସଭାପତି ସୋନିଆ ଗାନ୍ଧୀଙ୍କୁ ତାଲିମ ଦେବାକୁ ଅନୁରୋଧ କରିଥିଲେ।

The post ରାହୁଲଙ୍କ ସାମ୍ନାରେ ହାତ ଯୋଡି ଠିଆ ହୋଇଛନ୍ତି ହେମନ୍ତ ସୋରେନ, କ’ଣ କହୁଛି ଏହି ଫଟୋ? appeared first on Dharitri Odia News.